تجمع دموي حجمه 2 سم حامل في الاسبوع 12

[Abntg92]

تجمع دموي حجمه 2 سم حامل في الاسبوع 12
تجمع دموي حجمه 2 سم حامل في الاسبوع 12


السلام عليكم بنات انا بدخل بالموضوع على طول ويارب حد يفيدني لان بصراحه تعبت نفسياً
من اسبوعين صار معاي نزيف قوي مره وحده ورحت الطواري وقالولي تجمع دموي حجمه 2 سم ولازم راحه
تااامه انا تقريبا مريحه بس للامانه ماقدر اتم طول اليوم منسدحه ف اروح اقعد مع هلي بس اكون ماده رجولي وممتنعه عن الجماع ،،المهم انا قبل النزيف باسبوع كان ينزل معاي بني مايوقف وبعد النزيف كتبولي على تحاميل سايكولجست كل 12 ساعه لمدة شهرين وحاليا لي اسبوعين استخدمهم بس البني يوقف يوم ويرد ابي اعرف هل هذا طبيعي وممكن ان يطول وهو ينزل او معناته ان هالتجمع مب قاعد يختفي او شسالفه
وحاليا انا مزكمه وكل شوي اعطس وكل ماعطست يجيني الم قووي يتم 5 ثواني ويروح ف بطني

[υм вtℓαα]

مادري والله هالامور لازم دكتور استشاري مختص ماقدر نفيدك الابمتابعه
الله يتمملك بخير

[كنزة زوجي]

الله يثبت حملك أختي وان شاء الله بيتوقف بس ارتاحي جسديا ونفسيا

[Abntg92]

ان شاءالله مشكورين على ردودكم ..

[Snowname]

لا يضيق صدرك ولا شي

صديقتي كان عندها وقالو ورم بعد
بعد الولاده من الطلوق نزل

عادي ياقلبي انسيه بس ولا كانه موجود

وتراه لو مانزل ينشال سهل بالمنظار


ونصيحه نصيحه اذا تبينه يروح بعد الولاده

اهتمي بنفسك

الرشاد لا تاكلينه الا الايام الاخيره من ٢٥ ورا
وكثري الكمون الايام الاولى والادويه الباقيه


عشان تنظفين وينزل

لان التجمع الدموي عند الحريم يسمونه سدد
تحتاجين تهتمين بنفسك بعد الولاده ويروح سهلات ماعليك

[Snowname]

صح نسيت اقول بعد الولاده دفي رجليك. وراسك
واهتمي اهتمي اهتمي اهتمي بنفسك

[Abntg92]

فديتج مااقصرتي بغيت اسالج انا كنت حامل قبل ٦ شهور خارج الرحم بس ماشالو الانبوب لان انفجر بروحه كان ٣ اسابيع والانبوب تم سليم بس وكان عندي التصاقات ممكن هالسدد يكون من الحمل القبلي ؟؟؟؟ لان ماسويت اشعة الصبغه وكنت ناويه اسويها وسبحان الله طلعت حامل ف نفس الشهر

[Snowname]

سبحان الله
اي احتمال بقايا
لكن لاتشيلين هم ابدااا
اهتمي بحملك الان
وبعد الولادة اما بيطيح او من اهتمامك بالنفاس بينزل
واذا ما نزل سهل ترا تشيلينه بمنظار

ابداا توكلي على الله ولا تشيلين هم


ومعروفه تراه عند الحريم اللي يعالجون
تراه مب شي خطير
اهم شي اهتمي بصحتك ونسيه ماعليك لين بعد ولادتك
اخر الاربعين روحي شوفي هو موجود او لا

اذا مو موجود الحمدلله معناته نزل
واذا موجود تشيلينه بالمنظار سهلات
لكن باخر الاربعين اكشفي


والله يتمي عليك الصحة والعافية
ويقر عينك ياكريم


ولا تنسين نصيحتي
انسي الموضوع الان وركزي بحملك لان مب خطير كثير حريم يصير عندهم
ايضا اهتمي اهتمي اهتمي بالنفاس

[Abntg92]

يزاااج الله خير حبيبتي ريحتيييني