للأمهاات::دخيلكم أفيدوني..

[أم نسايم]

السلام عليكم والرحمة..
كيف حالكم ان شااء الله مرتاحين.


أبيكم اتفيدوني..
عندي بنتي عمرها 9 شهور الله يطول بعمرهاا.من أول ماطلعت على هالدنيا وهي اطلع صوت يعني الي يسمعه يقولي صدرها فيه بلغم أو صدرها تعبان.
وهي طول هالوقت هالصوت يطلع ..ماخليت مستشفى ولا عيادة ماوديتها وكلهم يقولولي الحمدالله مافيها شي بس عندها القصبه الهوائية ضيجة ويوم تتنفس يطلع هالصوت..قالولي يوم يوصل عمرها 6 شهور بيروح ونص الاطباء قالولي يوم بتيلس يرووح ولا رااح..
وكل ما تزجم يزيد الصوووت..وأحس الزجمة دايمة ماتروح عنهاا.والله خايفة عليهاا بس ما أعرف اذا هالشي طبيعي وبيرووح والا كيف..
ساعدووني يزاااكم الله ألف خير..

[أم نسايم]

للحين محد رد علي؟؟

[rose]

يمكن ياقلبي عندها حساسية دام الزكمة ماتروح شوفي من بعد ماقالولك الاطباء لوكبرت لا سمح الله ونفس الحالة اعتقد لازم تتابعي العلاج ترى الاطفال لو عندهم حساسية تقدري تعالجيها وعلاجها بوقت مبكر افضل

[سموة الشوق]

الله يشفيها ويعافيها ويرفع مابها يااارب

طيب أكيد خفت عن أول

صح

الله يكون بعونك

يبغالها إهتمام خاص

[أم نسايم]

مرات احس خقت عنهاا مرات الصوووت يكووون أكثر عن قبل..

يزاااكم الله ألف خير

[تراتيل]

اسمعي شربيها زعتر

جيبي ورق زعتر واطبخيه مثل النعناع وحليه وشربيه لها اذا كان بلغم بيطلع ان شاء الله

انا ولدي كيذا صدره يطلع صوت وصرت ارضعه زعتر والله انه طلع منه شي عجيب

من جد رحمته انتي جربي وماتخسرين ان شاء الله

شربيها مره وثنيتن وثلاث تراه مايضر باذن الله


الله يخليها لك يارب ويعافيها ووليدي وجميع المسلين ان شاء الله

[بسمة عمري]

الله يحفظها ويشفيها لك يارب .. ا
هم شي لا تقربينها من البخور .. ولا تبخرين بيتك ..

[أم نسايم]

تسلمووون حبايبي..
ويزاكم الله ألف خير..

[أمـ وسامـ ..]

حبيبتي هي مثل ولدي كان دوووم مزكم ولا يقدر ينام ولا حتى يرضع ولا شي
والحمدلله راحت لحالها
صح لازالت تجيه كثير الكتمه بالليل لكن اخف من اول