افضل مستشفى حكومي من ناحية الولاده في جدة

[عروس2016]

افضل مستشفى حكومي من ناحية الولاده في جدة
افضل مستشفى حكومي من ناحية الولاده في جدة


السلام عليكم ورحمة الله


كيفكم يا كروشات

بدخل طواالي في الموضوع


انا حامل ولله الحمد في السهر السابع

وساكنه في الطايف ولظرف طارئ بولد في جده ان شاء الله


ف الله يسعدكم ويفرج ولاداتكم ويسهل اموركم

ابغى افضل مستشفى حكومي من ناحية الولاده والعناية بالطفل والام
وهليقدم إبرة بنج و كيف الخياطه عندهم


استثناء مستشفى الجامعه لاني كلمتهم قالوا ما نستقبل حالتك لازم في السهر الثالث 😢وربي خايفه لاني كنت نعتمده على الله ثم على مستشفى الجامعه



تكفون تكفون ساعدوني اللي عندها خبره تعطيني وربي اختكم في هم وخوف عظيم

[مامت وتين]

مستشفى شرق جدة حكومي تقدري تعرفي موقعة من قوقل ويعتبر افضل مستشفى حكومي في جدة انا ماجربت الولادة عندهم بس سويت عندهم عملية للمرارة وشفت اهتمامهم وعنايتهم بعيني
ومستشفى الجامعة رفضوكي فاكيد خيرة لك انك تبعدي عنة فلاتحزني لكن جربي مستشفى شرق جدة وباذن الله ماتندمي وربي يسهل عليا وعليك
واذا ولدتي بشرق جدة لاتنسي تكتبي تجربتك لنا فية

[عروس2016]

جزاك الله الف خير ان شاء الله

[رحاب مكه]

انا حولد في مكه عند اهلي ان شالله لكن لو قدر الله وولدت في جدة طبعا باذن الله اخترت شرق جدة لانها جديدة ونظيفه ويمدحوها

[إحساس إمرأة]

هلا يا قلبي
انا من الرياض ما عندي خلفية عن مستشفى جدة
الاخوات ما قصرو معك ..
و باذن الله باقي الاخوات يفيدونك اكثر
الله يسهل ولادتك و يقومك بالسلامة ياا رب
تحياتي لك .

[رمانة6]

يقولو مستشفى شرق جدة حكومي ومرا كويسة فالولادة
انا حولد فالخاص ان شاء الله بس لو كنت حروح حكومي اكيد حروح لها