ولدي يرفض الرضاعة الطبيعية

[أنوار الولاية]

السلام عليكم امهات

كيف حالكم

انا الحمد لله جبت ولدي وعمره 36 اسبوع والحمد لله رب العالمين ما احتاج حضانه

لكن بسبب صغر حجمه ما يعرف يمسك صدري للرضاعة

حاولوا معاه في المستشفى وانا احاول يعني اليوم بس مره وحده مسك وشرب شوي يمكن ربع ساعة

اضطر اشيل له من صدري وعطيه والمشكله هالطريقة بالجفف صدري

طبعاً المستشفى عطوه حليب صناعي قالوا لي لازم يشبع حتى ما يرتفع عنده بوصفار

هم قالو لي اذا كبر ووزنه كمل ثلاثه بيعرف يشرب ولين ما يكمل بجف صدري من الحليب

ماعرف عندكم حل او في احد مر عليه نفس مشكلتي وهل تنصحوني بشي ؟

[أنوار الولاية]

على فكره انا صدري من النوع الي تكون الحمله مو بارزه وفم ولدي صغيييير وهذا الي يخلي ولدي صعب يرضع

ونفس المشكله عانيت منها مع عيالي

[أنوار الولاية]

انا اشفط ليه حاليا وعطيه وصدري يوجعني واحسه متعبني

لكن بعد اذا اشيل له حليب مو بسهوله يعني يبي لي ساعة حتى تكمل المرضعة 50 مل

مشكورة على الرد والله يفرحج في عيالج

[ام ياسمين*]

مشاء الله الف الف مبرووووووووووووووووووك
يتربى بعزكم ان شالله الله
حبيبتي الحمد لله على سلامتك وسلامه الصغير
انوار اتوقع مافي حل غير الشفط الحليب إلين ويكبر ابنك شوي
انت اشربي سوائل كتييير وتكون سخه واشربي شربه الحلبه هااائله
وحاول معه لحتى يتعود على صدرك

[υм вtℓαα]

مالك الاتشفطين الحليب حتى مايتجمع ويسبب لك الم
وتعرفين البيبي يلاقي صعوبه بالبدايه بس حاولي تدلكين الحلمه حتى تبرز
وكثري من المدرات والسوائل الطحينه الحلبه الحليب

والله يخليه لك يارب ويرزقك بره

[أنوار الولاية]

الله يسلمك ام يسمين ❤️

حياتي توأمي وام بتلاء انا اشفط له حالياً ومع ان صدري خشن ومتعبني بس مادري ليش مايطلع بسرعه

في المستشفى جابو لي شفاطه كربائيه لكن ابدا ماكان ينزل شي فقالت لي الدكتوره بالتدليك بينزل يعني احط الشفاطه وانا ادلك فصار ينزل

إن شاء الله بحاول معاه يشرب ومشكورين على الرد

[أم حمودي وعبودي]

ألف ألف مبرووووووك حبيبتي والحمد لله على السلامة

صحيح الرضاعة الطبيعية في البداية صعبة بس لا تفرطي فيها

بالنسبة للحلمة الصغيرة أو الغير بارزة ينفع معاها الشفاط قبل الرضاعة طبعا

وممكن انت تمسكيها وتمطيها قبل الرضاعة

ومع كثر المص تكبر الحلمة بس لا تستسلمي

[أنوار الولاية]

الله يبارك فيك ويسلمك ام حمودي

جربوا معي الشفاط في المستشفى مافاد ويايي بعدها عطوه حليب صناعي قالوا لي لازم يشرب حليب زين حتى يروح عنه ابو صفار

قالت لي الدكتوره اذا رفض يشرب حتى لو اخليه على صدري بيحفز الحليب وما بجف و إن شاء الله شوي شوي يعرف يمسك ويرضع

[Fatima 14]

مبرووووووووك يتربى في عزكم يا رب
الله يحفظه ويجعله من الصالحييييين

[رغوده2006]

المفروض عملتي مساج للحلمه في الشهور الاخيره من الحمل فالمساج يساعد على بروز الحلمه

[أنوار الولاية]

الحمد لله زوجي اشترى لي حلمات نحطهم على الصدر ماركة بيجون واايد ممتازه ولدي عرف يرضع بيهم

اللهم لك الحمد

[أنوار الولاية]

مبرووووووووك يتربى في عزكم يا رب
الله يحفظه ويجعله من الصالحييييين

الله يبارك فيك حبيبتي ، انت من ظمن الي ذكرت اسمهم وانا في قمة آلم الولادة ان الله يرزقك بالحمل يارب

[أنوار الولاية]

المفروض عملتي مساج للحلمه في الشهور الاخيره من الحمل فالمساج يساعد على بروز الحلمه

ماكنت اعرف ان المساج بيساعد

مشكورة ع الرد 🌷

[Fatima 14]

الله يبارك فيك حبيبتي ، انت من ظمن الي ذكرت اسمهم وانا في قمة آلم الولادة ان الله يرزقك بالحمل يارب
يسلمو حبيبتي الله فرحتيني كفاية أنك افتكرتينا الله يحفظك يا رب

[جنون الحب]

من الصدمات القويه لي بعد الولاده هي الرضاعه
للأسف ماتخيلتها بهالصعوبه
بالبدايه نفس ماقلتي الحلمه داخله مايعرف يمسكها استخدمت الحلمة السليكون من الصيدليه وها يعني صار يرضع اشوي ع الأقل وبعد ماوديناه وطهروه ماصار يمسك صدري الا اول مايصحى من النوم او اذا دايخ مو عارف طريقه وبس الحين لو اعطيه صدري يصرخ ويصيح كأني طاقته بس اشفط له
الحين مااشفطه الا مره باليوم ويدوب يطلع له 100مل
بدأ يقل وينشف مع ان كان بخاطري ارضع طبيعي لو3شهور بس كتبة الله

[MayaMaya]

الحمدالله على سلامتك الله يجعله من الصالحين