المشيمه نازله في الاسبوع 14 والمشية مغطيه عنق الرحم

[ayato]

المشيمه نازله في الاسبوع 14 والمشيمه مغطيه عنق الرحم
المشيمه نازله في الاسبوع 14 والمشيمه مغطيه عنق الرحم



كيفكم حمولات

انا قبل يومين نزل مني افرزات بني ورحت الطوارئ وقالت لي المشيمه نازله ولازم راحه تامه
المهم يوم ثاني رحت مستشفى خاص عشان اتاكد ونفس الكلام قالت لي المشيمه مغطيه عنق الرحم
ولازم ارتاح وما اتحرك كثير وعطتني مثبت.
وانا عم حس بثقل اسفل البطن ونغزات من تحت والم خفيف في الظهر والورك
وانا مرة خايفه يابنات طمنوني الله يخليكم مين حصل لها مثلي وارتفعت
عندها المشيمه

[خلـوود]

اهلين حبيبتي ، لا تحاتي يا الغلا ما عليك شر ان شاء الله ترا نزول المشيمة مالها أسباب معروفة و هي ثابتة من وقت حدوث انغراس البويضة بالرحم لكن على كبر الرحم و تمدد ممكن يتغير مكانها و ترتفع هذا كلام دكتورتي و الله العليم بس حاولي ترتاحي الله يشفيك و يعافيك وان شاء الله تكون ولادتك طبيعية بس اهم ششي لا تجهدي نفسك وحاولي ترتاحي قد ما تقدري وحطي مخدات بين فخوذك وان شاء الله مع الأيام بترتفع بإذن الله والحمدالله انها عطتك مثبت ، والله يتمم لك حملك يا الغلا .. طمنينا عليك يا الغلا ^^

وع فكره انا نفس الحالة بالأسبوع 16 والدكتورة قالت لي المشيمة نازلة شوي بس قالت لي طبيعي تكون نازلة بالأسابيع ذي و راح تبدأ ترتفع مع الأيام اليايه >> حبيت اطمنك ^^

[عايشه يوسف]

انا دايم اسمع اللي مشيمتها نازله لازم ترتاح بسرير تمدد
وتاخذ مثبتات وغير كذا تحط تحتها مخدات عشان رجولها ترتفع شوي
والله يحفظ لك جنينك خيتي ولاتتوترين بزود مو زين
استغفري ربكك واستودعي جنينك بااذن الله الحافظ

[υм вtℓαα]

عليك بالراحه التامه اياتو والابتعاد عن الجماع ونزول الدرج لانك لوماارتحتي بيظل معك نزيف لين ماتولدين

الله يتمملك بخير يارب

[ayato]

تسلمو حبايب قلبي

[أم حمودي وعبودي]

لما تنومت بحملي السابق التقيت ببنتين المشيمة نازلة منومين بالمستشفى وحدة من الشهر الرابع إلى ساعة الولادة والثانية تنومت مرتين بسبب حدوث نزيف وقالوا لهم بيولدونهم أو ينزلوا الجنين عشان في خطر على الأم بس هم رفضوا واحتمال الولادة تكون قيصرية

انتبهي لنفسك وارتاحي راحة تامة

[ayato]

يسلموو و اختي

[شاعرة الصمت]

الراحة ثم الراحة ثم الراحة

هذا اهم شيء الغالية

ورفعي رجلك على السرير او الجدار او الكنبة

وباذن الله بترتفع وبتولدي طبيعي

[خجل العيون]

حاولي ترتااااحي عشان ترتفع معك وتولدي طبيعي
بنت عمي مثلك وتنومت حتى ولدت وولدوها قيصري

[ayato]

دعواتكم حبايبي الله يجزاكم الف خير