بنات ساعدوني الهرمون عندي يرتفع بشكل مب طبيعي

[انامل طفله]

السلام عليكم ..

كيف حالكن يا امهات ويا حوامل ويا منظرات الحمممل
الله يرزقكم ويرقني ويرزق كل محرووووم يارب

بدخل ف الموضوع ع طول ،،
بنات انا اخر دوره لي كانت بتاريخ 16/1/2017
يعني قبل شهر بالضبط
يوم السبت بتاريخ 11/2/2017 عملت تحليل دم وكانت النسبه الحمدالله 69
طلبت مني اعيد الفحص بعد يومين ، وقالتلي لازم النسبه تتضاعف وتصل الى 140
قلتلها تمااام سويت الفحص بعد 48 ساعه بالضبط في يوم الاثنين وطلعت النتيجه 301
استغربت وقالتلي اعيد الفحص بعد يومييين وانا على اعصابي عدته يوم الاربعاء تاريخ 15/2/2017 البارحه
والمفاجاه فحص الهرمون طلع عندي 1076 ،،
انا وايد خايفه والدكتوره خوفتني اكثثثثر انا اليوم بالضبط كملت شهر وتوني ف الاسبوع الرابع
اخااااف يكون حمل خارج الرحم او حمل عنقووودي ����������
مب عارفه اذا توأم لان ابوي وعمي توام بس مادري ليش مستبعده هالامر ��
طمنوني بنات منو ارتفعت نسبتها جي ومشت امورها الحمدالله
من اربع سنوات وانا انتظر هاللحظه ،، ومب قادره ارقد من كثر الارق ��
ادعولي الله يثبت حملي ويرزقني الولد الصالح

[Milouda]

ما بعرف وين الشي لي مش طبيعي
بالعكس عادي جدااااااااا انا بظرف 5 ايام من 69 صارت 4000
لاتخافي ولاشي تشوفها عادية جدااااااا

[ام ترف35]

اتوقع توأم تفاءلي خير وبشرينا ي غناتي الله يتمم لك يااارب

[انامل طفله]

ما بعرف وين الشي لي مش طبيعي
بالعكس عادي جدااااااااا انا بظرف 5 ايام من 69 صارت 4000
لاتخافي ولاشي تشوفها عادية جدااااااا

الله يطمنج ،، انا الدكتوره قالتلي لو طلعت النتيجه فوق 2000
على طول تروحين الطواري ! هذا حمل خارج الرحم او حمل عنقودي بعيد الشر
بس الحمالله طلعت 1076 ، وماحسها تبا تخوفني قلتلها بيي بعد اسبوعين
اسمع النبض ما فيني رايحه راجعه قالت لي لااااا لااازم اتاكد من كيس الحمل
موجود بالرحم مب خارج الرحم .. الله يكتب اللي فيه خير

[انامل طفله]

اتوقع توأم تفاءلي خير وبشرينا ي غناتي الله يتمم لك يااارب

ان شاءالله ياارب ،، رب لا تذرني فردا وانت خير الوارثين

[عايشه يوسف]

الله يطمئن قلبككك ان شاء الله شوفي دكتوره غيرها

[MnaR]

يلا يا بنات كل وحده تجهز مكنستها ولا عصاتها او حتى ملاس نروح كلنا للدكتوره اللي خرعت البنيه
بصراحه ليش تبالغ و ليش اساسا تعطيج احتمالات يمكن خارج الرحم او عنقودي ليييييش انتي مو تجارب
ماعندها جهاز تصورج.؟
شدعوه انا اقراء اخترعت
صج تخوف
شوفي انا قبل بحملتي ببنتي اولا قالت لي ولد كل تصوير ليا عندها ولد و تالي قالت لي في تحليل الله يعزج البول قالت فيه نسبة بروتين واسالها يعني ايش دايما تقولون لي في بروتين
تقول ماكو شي روحي عيدي التحليل تشطفي كويس و اعمليها قلييل بره و تالي اعمليها في العلبه
قلت لها اوك
رحت و سويت نفس اللي طلبت و قالت لي في نسبة بروتين
و طمنتني انو عادي ماكو شي
متى عرفت ترى يوم اسجل بالمنتدى و بنتي حاليا 5 سنوات ونص
ان نسبة البروتين هو تسمم الحمل يممممما الحمدلله اني ماعرفت كه كه كه
ف المراد انج تطمني وان شاء الله توأم ثلاثي��

[ياشمس عمري]

ان شاء الله خير وبكونو تواؤم وطمنينا عنك..

[zo0on]

اذا النسبه عاليه توم بعدين انتى مو عاليه تخوف حسبي الله عليهم

[حبيبةة امها]

اخر مره الدكتوره قالت لي هي لازم ترتفع كثير وكل مارتفعت احسن .. لاتخافين وتفائلي خير و ان شاء الله يكونوا توأم يااارب .. ترى الدكاتره يخوفووون والله ببنتي اكلت صدماااااات كثيرررررة وجبت بنت مثل القمر ماشاء الله .. مع ان هلكت من الصدمات والله ل اخر ساعه بالولادة اكلت صدمه بعد .. و حتى حملي هذا توه ماكمل 4 اسابيع و اكلت صدمات

[انامل طفله]

والله يا بنات شقولكم شكرا ع ردوووودكم والله يطمن قلبكم
البارحه رحت وعملت سونار
قالتلي الحمل داخل الرحم الحمدالله والمفاجاه

.




.





.




.




.



الحمدالله ماشاءالله حصلت ٣ اكياس
للحين مب قادره استوعب واقولها شو هذا تقولي
يمكن ٢ ويمكن ٣ اقولها يمكن ؟؟؟؟؟ تقولي ماريد اعطيج معلومه
واطلع غلطانه بعدين !!! المهم قالتلي اعيد السونار بعد اسبوع
والنسبه اخر فحص كانت ١٠٧٦ وبعد ٣ ايام صارت ٥٤٠٠
قالتلي النسبه تتضاعف بشكل جدا عالي
هالمره ما جابت طاري الحمل العنقودي ابدا
ومش عارفه هل هم ٣ اجنه او لااا

الله يكتب اللي فيه خير ويرزقني ويرزقكم الذريه الصالحه يااارب

[اخت العرب]

الله يطمن قلبك على حملك

[MeElYaA]

الله يطمنك ويريح قلبك

[عايشه يوسف]

ان شاء الله انهم تؤام يارب

[أم حمودي وعبودي]

ألف مبروووووووووووووووك التوأم

أنا كانت النسبة تتضاعف بشكل غريب وكنت حاسة أن فيني توأم
والحمد لله جبتهم بالسلامة

[جنون الحب]

ألف مبروك اختي
كنت بسألك والله لو استخدمتي شي للحمل لأن ماحسيته شي يخوف يعتبر طبيعي
المهم مبروك التوأم الله يثبتهم

سويت بحث من قوقل يمكن يفيدك اشوفه طبيعي هرمونك حتى لو كان كيس واحد hwaml7 لاحظي الإرتفاع المفاجئ بالأسبوع الخامس
معدلات هرمون الحمل يختلف معدل هرمون الحمل ما بين أسبوع إلى آخر، وفيما يلي المعدّلات الطبيعية للهرمون خلال فترة الحمل: الأسبوع الأول: بعد التلقيح 5-50مل لكلّ وحدة دولية (عادةً حوالي 25).
الأسبوع الثاني: 5-50.
الأسبوع الثالث: 5-50.
الأسبوع الرابع: 10-425.
الأسبوع الخامس: 19 -7340.
الأسبوع السادس: 1080-56500.
الأسبوعين السابع والثامن: 7650-229000.
من الأسبوع التاسع حتى الأسبوع الثاني عشر: 25000 -288.000.
من الأسبوع الثالث عشر إلى الأسبوع السادس عشر: 13.300-254.000.
من الأسبوع السابع عشر إلى الأسبوع الرابع والعشرين: 4060-165.400.
من الأسبوع الخامس والعشرين إلى الأسبوع الأربعين: 3640-117.000

[شاعرة الصمت]

ما شااااااااااء الله تبارك الرحمن

ربنا يرزقك اكثر مما تتمنين

ويثبت لك حملك

[MnaR]

من حملت وانا كارهه الموبايل ههههه بس جيتي على بالي و فتت عشان اتطمن عليج و كلولولولولووووش الف الف مبروك حبي على التوأم و يارب يكونو سهل الحمل و سهل الوضع امين رب العالمين
خبريني شنو تحسين فيه وش شعورك
انا فرحت و مالي شغل ههههههه
عاد دشي وطمنينا و يارب يرزق كل متزوجه طفل سليم معافاه

[انامل طفله]

الحمدالله يارب اطمنكم انا بخير وبصحه وعافيه

من يومين عملت سونار وحصلت الدكتوره كيسين والثالث قالتلي يمكن كان دم او اختفى
بس الكيس الثاني صغير ،، ان شاءالله يكبر ويلحق الكيس الاول :(
انا مبسوطه وموكله امري لربي ،، سواء طفل او طفلين كلهم حلوين والحمدالله يارب
اهم شي الصحه والعافيه ياااارب

وبالنسبه لسؤال بعض الاخوات ،، انا من ٤ سنوات اتعالج علما ان عندي بنتين جبتهم طبيعي بدون اي شي
وهالمره ما كنا نعرف وين المشكله ،، عملت حقن مجهري مرتين وما مشا الحال الحمدالله
واخذت فيمارا كم مره وما حملت الحمدالله ،، هالحمله كنت ماخذه فيمارا بدون ابره تفجيريه
والحمدالله حملت ،،
الله يرزقكم يارب ويثبت حملي وحمل كل حامل ياااارب مشكورين ع كلامكم ،، يزاكم الله خير :)

[عايشه يوسف]

ماشاء الله الله يقر عينك بشوفتهم

[Noooona]

احس امووورك تمام بس روحي لغيرهاااا