هل الدورة تنزل بعد يومين من التبويض

[Pink sky]

هل الدورة تنزل بعد يومين من التبويض


مساء الخير حبيباتي .. هذي اول مشاركه لي
متحيره واللي عندها فكره عن الموضوع اكون شاكره لها

انه احاول من 4 اشهر في الانجاب وهالشهر اول شهر استخدم الكلوميد .. استخدمت جهاز كشف التبويض بعد وطووول الفتره اللذ ذكرتها لي الدكتوره من 14 الدوره الى 22 ما بتن عندي اي وجه مبتسم في الجهاز .. وتوه اول امس سبحان الله حسيت بافرازات مادري شلون خطر في بالي واستخدمته وانصدمت ان باين الوجه المبتسم معناته في تبويض وحصل الجماع نفس الوقت .. وامس نزل شوي بني واليوم نزل احمر .. الحين هاي الدوره ولا شنو !! وشلون تبويض عقبه بيومين بالضبط تنزل الدوره !!!
سااعدووني رحم الله والديكم
الدكتوره اللي اتابع معاها مسافره ومتحيره شسوي


هل الدورة تنزل بعد يومين من التبويض

[طمطام]

ما ادري حبيبتي ولكن تفائلي بالله ان شاء الله خير وتكوني حامل ..
اتمنى البنات لمرت بنفس الشيئ تجيب على سؤالك

[altamimi88]

اطمني حبيبتي مو دوره هذي دام هل فتره عندج فتره تبويض
هذا والله اعلم معانه انغراس البويضه ف جدار الرحم يعني التبويض
عندك ممتاز حبيبتي وان شاءالله يارب ماراح تنزل عندج الدوره وتطلعين حامل يارب
لان صارلي مثلج بس انا نزلي بعد فتره التبويض بيوم

اهم شي بشرينا حبيبتي..

[تالين]

لا تخافي حبيبتي وان شاء الله هاي بشارة خير
نزول الافرازات وقت التبويض تعني انفراس البويضه في جدار الرحم
طمنيني عنك

[Pink sky]

مشكورين حبايبي جزاكم الله ألف خير ويعطيكم على قد نيتكم
تونست بس اخاف احط امل كبير ويطلع دوره واتحبط
ادعولي ♡

[عايشه يوسف]

لاتقولين اخاف احط امل تؤكلي علئ الله وقولي ان ماكتب ربي
هالشهر بااذن الله شهر الجاي اكون حامل

[تلايت]

الله يرزقك و يفرحك بالحمل ياارب
ارجوك اختي شو اسم الجهاز الي استعملتيه لمعرفة التبويض و كيف يتم استعماله لان الي بعرف انو هده الاجهزة تستعمل مرة واحدة فقط

[Pink sky]

الله يرزقك و يفرحك بالحمل ياارب
ارجوك اختي شو اسم الجهاز الي استعملتيه لمعرفة التبويض و كيف يتم استعماله لان الي بعرف انو هده الاجهزة تستعمل مرة واحدة فقط

هلا حبيبتي هلا
تسلمين يعمري ويرزق كل طالب يارب
الجهاز اسمه كلير بلو اهو جهاز كشف التبويض
في سبعة اشرطه تستخدمينهم مثل طريقه فحص الحمل وانتي بكرامه تسوين تست بول ..
ولما يطلع وجه مبتسم معناته عندج 48 ساعه التبويض يكون موجود و اذا كان وجه خالي حاولي يوم ثاني
عقب ما تخلصين سبع الشرايط تتخلصين من الجهاز لان ما منه فايده بعد
تقدرين تدشين على قوقل في الصور وتجوفين شكله وتورينه لاي صيدليه كبيره بتعطيج اياه
كل التوفيق حبيبتي

[Fa6ema]

يصير تبويض متأخر اختي عادي مب شرط مثل الفترة الا حددولج اياه

[رفيدة علي]

ما عندي علم والله حبيت ادعيلك الله يرزقك و يفرح قلبك بما تتمنين