ابي رايكم انا في بدايه التاسع

[نوفي توفي]

السلام عليكم

كيفكم يا احلى اعضاء في منتدى الحوامل


بصراحه هذه اول مشاركه لي فالمنتدى مع العلم انه كل يوم ادخل واستفيد من خبرات البنات والكروشات على قولتكم خخخ

بس قررت اخيرا انه ادخل اشارك فالمنتدو الروعه

باختصار انا في بداية التاسع يعني لي يومين من دخلت التاسع
وبصراحه انا تعبت مرررة وابي الولادة اليوم قبل بكرة
وفي نفس الوقت خايفه من اي الم
زي الطلق
مع اني مجربه الولادة قبل كذا
بس ولدت بالطلق الصناعي يعني رحت المستشفى اكشف بس

بعدين قالوا لي لازم تنويم وولادة وانا مو عارفه وش السالفه
بس الحين انا ابغى الولادة هاليومين وربي تعبت وخايفه اجرب كل شي زي الاناناس والقرفة وعشبه كف مريم وزيت الخروع وغيرها من الوصفات

هو التمر والمشي اللي باسويه
وكمان الجماع احيان اخاف منه لانه يسبب لي الم في بطني


الله يسعدكـم ابي مشورتكم انا من جد محتاره
وانشاء الله ادعي للي ترد وقت الولادة والطلق بالاجر الكبييير


اسفه طولت عليكم

[om feesal]

الله يهون عليك وعلينا

من تجربة زوجة اخو زوجي كانت تشرب زيت الخروع اللي ينباع بالصيدليات وتجلس بعدها تقريبا خمس ساعات ثم تمشي وبعدها يجيها الطلق لانها كانت دايم تعوشر


بس انا نصيحتي لك اشربي موية مقري فيها سورة الزلزلة
وامشي
بس تاكدي انك دخلتي التاسع :)

وبالتوفيق

[نوفي توفي]

مشكورة يا ام فيصل عالرد وانشاء الله ادعي لك بالخير كله يارب


انتظر باقي البنات

[نبع المحبة]

يسلموووووووووووو الله يسهل عليكي

[حجــآزيــۃ]

الله يسهل عليك ي قلبي
وانا كمان زيك نفسي اولد اليوم قبل بكرا ، بس انا بكريه واخاف استخدم شي

وان شاء الله يفيدوك البنات

[ام شوق2]

اختي انا معك على كلام الدكتوره لي ثلاث ايام بالتاسع ونفس الشي ما اولد الا بطلق صناعي لاني اخلص التاسع وما يجيني طلق والحين محتاره مدري اشرب شي او لا الله يسهلها علينا جميعا

[شوق المحبه]

الله يسهل عليكي ياارب

نصيحتي لاتاخدي ولاشي خليها من ربك

انا كنت مثلك ادور اي شي اشربه علشان ابي اولد بسرعه

وشربت اشياء قالولي عليها وتعبت مرا نزلت عليا موية الجنين والرحم لسه

ماهومفتوح ولا سم غير ولدت بطلق صناعي

يعني نصيحتي خليهاا بوقتهاا متى ما ربنا راد ينزل

ويشررف ان شاءالله

والله يقويكي ويساعدك

[نوفي توفي]

شكرا حبايبي عالرد ويارب يهون علينا الطلق والامه ويارب ما يحرمنا الاجر ويرزق كل وحده محرووومه بالذرية الصالحة التقية

[ام حميد]

انا بصراحة ربيت قبل ثلاث شهور عقبالكم

المهم انا كنت بكر وعوشرت بس الدكتورة عطتني حبوب زيت الخروع وممنوع تنباع ويانا

انا فالبداية ما خذيتها وهي قالتلي حبوب عادية اطلع الغازات <<< دكتورة جذابة على بالها انا غشيمة وبكرية وما اعرف شي بالدنيا

المهم يوم اتأخرت أسبوعين فوق التاسع خذيتها بصراحة طفرت خذيت وحدة اليوم ما سوت وباجرها وحدة <<<< سوت بلاوي حلوة الصبح نشيت بألم خيف يعني مو خفيف وااايد طلعت ولادة ونزل الماي

باختصار سهلت الولادة وااايد لاني ما حسيت بألم فضيع وقالولي لانها تساعد في فتح النفس أسرع

على العموم ما انصح تاخذين شي اصبري وامشي وخذي زعتر وشاي أخضر اطلع الغازات من الرحم إذا كانت في يعني ماراح اضرج

[مرومه]

نصيحه لا تنتظرين الولاده

خليها تجي لحالها والله بيطول عليك الوقت

اسأليني من لما بديت بالتاسع كأنها سنه

[ASO.VIP]

لا تستعجلي ياغاليه .. كل انسان مكتوبه ساعة ولادتو .. الله يخفف عليكي يارب ويجيكي متعافي يارب انتي وكل الحوامل يارب .. اهم شي سلامتكم .. وصبرك مأجوره عليه ..

[نوفي توفي]

الله يسلمكم يارب ويبارك فيكم ومشكورين

البارح بديت احس بالم في ظهري لدرجة انه بالقوة امشي بس مافي الم في بطني وكمان منطقة العانة احس فيها الم تتوقعون انه الطلق
اليوم رايحه اكشف عند الدكتورة واشوف
يارب تقولي انه الرحم مفتوح وتكون الولادة قربت

[مون لايت]

دائما التاسع ثقييييل
بس نصيحتي تحملي خلاص هانت الا صبرك 8 شهور يصبرك كم يوم
وترى كل محرضات الولادة تجيب الطلق لكن ما تفتح الرحم

افضل شئ تسوينه (( المشي ))

[لولو الدلوعة]

كلنا مشتاقين نولد بسلامه
برغم اني بكريه بس مو مستعجله خليها على
الله وادعي واستغفري بنية الولادة
والله يسهل علينا ياااراب