مادريت ان الناس لس متخلفين من ناحيه حبهم للولد اكثر من البنت الا لما حملت عرفت هالشي

[حنونه]

مرحبا
موضوع امبين من عنوانه
فعلا لماتزوجت قالي زوجي في لليله زواجنا انه يحب البنات وانه يبغى اغلب ذريته بنات لانه يحبهن قوه
وطلب مني بذيك الليله ان يكون اول مولود لنا بنت
وفعلا لما حملت كله يقول لي من الشهور الاول انتبهي لبنيتي كولي عشان بنيتي وهي مايدري وش اللي بطني بس من شد مهو مولع بالبنات وهيك
لما قلت للناس ان زوجي يقول كذا ..اللي يضحك والي يقول ان زوجك يكذب واللي يطنز وهيك من هالكلام
وكلنا يقول لي الله يرزقك الولد واللي يقول نبي ولد واللي يقول مانبي بنت وهيك من هالكلام
فعلا ليش التخالف ان احسب هالكلام عند الناس الاولين من اجدادنا اثريه للحين
عطوني رايكم بنات صدق للحين الناس كذا ولا انا احلام
تحياتي يالله شاركوني رايكم وعطوني من تجاربكم في مجتمعتكم
في انتظركم null

[يارب عفوك]

والله ِ زوجك مثل زوجي

يدعي انه تكون ذريته كلها بنت يقول احب البنات

ويقول اولاد هالايام مافيهم خير

البنات احسسسسسسن وتصدقي يوم سويت سونار وطلع بنت والله انه فررح اكثر من يوم قلت انه

انا حامل

مو مصدق ويوم جات البنت طاير فيها يموت فيهااااااااا

ولاعليك من كلام الناس اهم شي زوجك وقناعته وهالايام الناس مستهبله ع الاولاد

ماادري ليش

[نبض الشوووق]

انا زوجي يقول انتظر البنت علشان ابقي بس اشووف عليها الحجاب والعباء شحلاتهم البنات وهم عليهم العبيات

[سموةالجرح]

اللهم احسن خلقهم وخلقهم واجعلهم بارين بنا غلاي البنات همهم للمات والولد غير مبالي الا من رحم ربي

بس للامانه احس البنات دايم مغلوب علا أمرهم مع انهم اجمل خلق الله

[ام سالم...]

انا زوجي عادي بنت والدعادي مايفرق اهم شي سلامتي وسلامه طفلي يرزقني ويرزقك بالذرية الصالحة
عاجلا غير اجل

[حنونه]

نورتوا
وردودكم احلى
يارب عفوك اشوا فيه احد مثل زوجي
نبض الشوق ياحليله يفكر من الحين بالعبايه
سموه البنات هماهم للممات لا حرم
ام سالم امين ومشكوره على الدعوه
انتظر اكثر منكم في ارائكم

[•.ღ˚نور˚ღ.*•]

حنونه
انا كنت افكر الناس لا,,مو اقول الناس خليني اقول العرب عشاان مااظلم الناس
بطلوا من حركات الجاهلية حقتهم,, لكن للاسف من حملت ودخلت المنتدى شفت تخلف ورجعية وعناوين مواضيع تفجع مثل( صدمة,,حامل ب...) او ادعو يارب يطلع السونار كذاب,, او السونار قال بنت دعواتك يطلع ولد او العكس..

اثاري التخلف موجود .. الحمد لله اني انا وزوجي وجماعتنا متقبلين الجنسين ونفرح بقسمة ربي ورزقه ونعمته علينا ,, لو الواحد فكر ثانية بس بالمحرومين والمحرومات كان عرف فضايل ربي عليه..
يارب لك الحمد على نعمة العقل والاسلاااااااام,, اما هذولاك العالم فانا بملئ فمي وبكامل عقلي اقول انهم " جاهلية" ومش بشر ابد..لان ماعندهم انسانية فكيف بيكونون اباء او امهات!!!!!!!

يارب لك الحمد والمنة ع فضايلك ونعمك اللي ماتعد ولاتحصى..

[سحر البراءه]

انا كمان زوجي عادي عنده
وانا بعد ابي بنات لان البنات بعيلتنا قلال
بس اتمنى ان الله يرزقني بحملي هذا ولي اربع شهور
الله يثبت حملي وحمل كل حامل
ان الله يرزقني بولد
عشان اسمي على اخوي الله يرحمه توفى بحادث وهو عمره 22
بس اخت زوجت اخوي
عندها 3 بنات وزوجها واهل زوجها
يبون ولد
كان الخلفه بيدها
الله يعينها ويعطيها الولد
يااااااااااارب

[ملكة الرومانسيه]

ولد أوبنت كلهم نعمه اهم شي بصحه وسلامه

[zo0oba]

خيتووو ليش منقهره
ترى حتى زوجي كان يبي بنوته
انا قلت هذا الشي مو بيدي
ولد او بنت الي يجي من الله حياااه الله
اهم شي سليم
اول شهور الحمل كلهم قالوا الي بجيب بنوته
بس سبحان الله طلع فيني ولد ولما درى اني بجيب ولد اضايق ونقلب وجهه
قلت ليش مو مستانس
قال انا نفسي في بنتhwaml4
عصبت hwaml15
الله المعين
لا تنقهري ولا شي hwaml7 استانسني الحين بجي لك ضناااhwaml7

[أإأم ع‘ـــزُوـوزُ]

أإأنـآ زوجي بعد يحب البنـآـآت حتى مسمي نفسه أبو ريم ويتمنى أول مولود بنت لأنه يحب البنات

وأول مآيشوف بنـآت خوآته ينهبل عليهم والله يرزقني البنت أو الولد الصالح

وألحين أنـآ حامل بالولد بإذن الله

بس الحمد الله رآآضي إللي بعد الولد إن شـآء الله بنت ...

أنـآ أحب الأولآد لأن أمي الله يطول بعمرهـآ خلفت كلهم بنات وولد وآحد وكنت أدرس أولآد فحبيتهم أكثر من البنـآـآت ...

[بذخ~]

اتمنى من ربي يرزقني الولد والبنت ..
الولد احسه بيكون رجالي ومحرمي ..والبنت صحبتي وصديقتي ومؤنستي ..
كلهم نعمة من الله .. واللي ربي يكتبه للإنسان فيه الخير ..

[زهرة البنفسج]

والله فعلا مايقدر النعمه الا المحروم الله يعطي كل محرومه الذريه الصالحه
انا زوجي يموت بالبنات ولما عرف ان ببطني ولد بعد فرح يعني كله رزق الحمدلله اهم شي ذريه صالحه باره سليمه معافاه بإذن الله تعالى

[shooog]

انا زوجي كذاااا عادي عنده
وانسان مثقف وواعي
مع اني عندي بنتين الا انه فرحان بالبنت الثالثه الله يجيبها على خير
مع ان اللي حولي اهله واهلي وودهم بالولد
اللي جاب البنت يجيب الولد
ووكلهم ارزاق مقسمه
وكلهم نعمه
والحمد الله والشكر على مااعطيتنا

[لوووورا]

زوجي يوم درى ان في بطني بنت فرح فرح بطير من الفرحه الحمد الله يتمم علي على خير عشان اجيب البنت
رضي بالبنت والولاده بس يقول البنت حنووووووووووونه

[TooLeeN]

والله ياقلبي مو كل الناس يحبون الاولاد انا عن نفسي كنت متعشمه مليون يالميه بنت وامس انصدمت يوم قالو ولد وزوجي كمان زعل وهو نفسه في بنت من اول حمل وبتلقي موضوع صدمتي يوم عرفت اني حامل بول
بس الحمد لله كل خير وبركه
وماعليكي من الناس اهم شي انتي وزوجك

[ام اليان]

كلهم نعمه نحمد ربي عليها
انا عندي بنت والحين حامل
وانا وزوجي نتمنى الولد بس طلع فيني بنت والحين فرحانين فيها
اهم شي الخلقه التامه والصحه والعافيه ..

[Om Rodina]

الحمد لله على رزق الله لنا سواء بنت او ولد لكن سبحان الله من خبرتى بالحياة ان البنت تكون سبب رزق على اهلها وربنا يبارك لنا فى ذرياتنا ويصلحهم لنا

[صمتي حكآيهـ !]

صراحه انا من حملت وزوجي يقول انتبهي لولدي ويكلمه على اساس انه ولد .. حاسس ان اللي ببطني ولد .. ويوم عرف ان بنت ابتسم وقال شكلك انتي مثل امك كله بنات << طبعا يمزح
هو عادي عنده بنت ولا ولد .. بس مازال مصر ان اللي ببطني ولد مع ان الاشعه بينت انها بنوته مثل القمر ههههههه بس مو مقتنع يقول نساتك شينه وشكله ولد هههههههههههه للحين عنده امل
هو وده بولد بس لاصارت بنت عادي .. صراحه حتى ابو زوجي اول ماعرف اني حامل صار يسميني ام عبدالله .. وده بولد .. وام زوجي دايم تدعي لي .. يارب تجيبي ولد .. واهلي كلهم متوقعين ان اللي فيني ولد ..

صراحه .. مجتمعنا فاشل ومدري ليه يفضلون الولد عن البنت .. مع ان ماحد يشيل الاهل اذا كبرو غير البنات واغلب الاولاد صراحه عاقين .. "
لو نسوي احصاء بالابناء البارين والعاقين .. والله راح تطلع نسبه البنات اكثر من الاولاد من ناحيه البر بالوالدين ... "

مدري متى تتغير هالنظره .. ومدري متى الناس عقولها بتكبر ..
الله يهدي الجميع .. شكرا على فتح هذا الموضوع .. صراحه كلام بخاطري من زمان ودي اطلعه
يعطيك العافيه وماقصرتي .. والله يسهل عليك وعلي .. وعلى امه محمد اجمعين

لاعدمنآكـ :)

[دودي الجميلة]

انا نفسي زوجي ميت على البنوته
وانا كمااااااااان حابه البنت تكون بكري احسسسسن
بس اذا قدر الله ماتفرق معاااااااااي
وترى اغلبية الرجاااااااال الحين يبون بنات اكثر
جوووووهم غير فديتهم hwaml84

[فريز*]

اممممممم

انا زوجي وده اول وحد ولد وبعدين عااادي

بس انا ودي ببنوته

[Almasah]

^_^
من قبل ماأحمل وزوجي يقول اتمنى تجينا اول شيء بنوته
البنوتات الصغيرات وش حلاتهم

وكل اهلي يقولون لي ان شاء الله تجيبين بنوته
وحتى انا اتمنى بنوته يارب العالمين ماترد دعائي يالله اللي ببطني بنوته

وحتى تخيلي صديقاتي وخواتهم يقولون مايناسبني الا عندي بنت
اقولهم ليش يعني مايناسبني ولد يقولون انتي حنونه حيل ونعومه مناسب يكون لج بنت
يعني الأم القاسيه تجيب ولد ؟؟؟ خخخخخ
واختي تقول اصلا مره وحده مايناسب عندج عيال هههههههههههه

بس الحمد لله وأدعو لي يكون اللي ببطني بنت يااااااااارب
وأولد طبيعي يارب
وربي خايفه اولد عمليه ولا طلق صناعي احس ماأتحمل بجلس طول الوقت أصيح >>> حدها صياحه ع الصامت

بس زوجي مره سألني قالي اذا صار ولد بتزعلين قلت لااااااااا ابي بنت
قال من الله ولاتزعلين يعني مابتحبين ولدنا
سكت فتره
وجلس ينتظر اجاوبه بعدين قلت له ابي بنت
وسكت شوي
بعدين قلت له أكيد بحبه ولدي مابقدر مااحبه
أحب الأطفال حيل

[رانو]

وانا من ناحيتي أفضل الولد
طبعا لا حد يعصب عليي...اتريو شوي اشرحلكم
انا من كثر حبي ليها ما أبيها تشوف هذي الحياة القاسية
ما أتمنى ينحرق قلبي عليها
ولا تتعذب
ما أتمنى هالشي...لانو برايي كل البنيات مظلومات
لكن الحمدلله على نعمة الله وزرقته
هذي رزقتي ونصيبي
لكني أتمنى يطلع السونار غلط
ويكون ولد
ولما تكون صج بنية..ما اقدر اقول الا حسبي الله ونعم الوكيل
ربي يعينها ويعين قلبي

[الدانـه]

كلهم نعمه من رب العالمين

[احساس بلا اساس]

كلهم نعمه وهديه وامانه من رب العباد
والرجال يحب الولد في اول خلفه له لجل انه يساعده ويكون سند لامه
لااكثر من ذالك
اما البنات يحبهم الرجال لحنيتهم ودلعهم
فالحمدلله على كل حال

[حنونه]

ارائكم تهموني
وتفاعلكم يفرحني
اريد المزيد من الاراء

[شذى الايمان]

يعطيكِ العافيه اختي ,,

الحمدلله عندي ثلاث بنات الله يخليهم لي ويجعلهن من عباده الصالحين وابوهم يحبهم كثير ويخاف عليهم احيانا في التربيه ومصاريفهن انا اشد واقول لابعض الكماليات مالها لازم يقول بنياتي ضعاف مالهن غيري يحب يجيب لهن ويسعدهن و قبل ينام يمر عليهن ويشوفهن ويغطيهم,,, احنا راضين بعطاء ربي الله يعطينا الصالح منهم آمين ....فعلا الناس يفضلون الولد في مجتمعنا اسمع الحريم يسولفو عن اولادهم يقصدوني انه ما عندي ولد وام زوجي دئما الله يسامحها تلمح بهذا الشيء حتي بنتي الكبيره اذا شافتها تقول ليتك ولد الله يعفي عنا وعنها آمين ,,

دعواتكم اكون حامل ليه تقريبا شهرين بطلت حبوب منع الحمل يارب ترزقني بالذريه الصالحه وكل من يرجيك يارب آآآمين

[•.ღ˚نور˚ღ.*•]

شذى الايمان ربي يخلي لك ولزوجك بنياتكم ويسعدكم ببرهم وصلاحهم
ذكرتيني بحبيب قلبي بابا ،، حنا 4 بنات وآخر العنقود ولد ولليوم الحمد لله مدللنا وطاير فرح فينا،، ودوم يتشكى من اخوي لانه خجوول وبيتوتي :)

رانو،، خخخخ ودي أصدقك ياشيخة،، بالعكس البنات هالايام ماعليهم خوف بإذن الله،، خافي ع الولد اكثر
*
حنونه،، تسلمين ع الموضوع الرائع.. شوفي الموضوع باين من عنوانه ولسى تشوفين ردود ناس مستميته ع الولد،،وش ذنب الجنين اللي ماله حول ولا قوة اذا بنت! واذا ولد وانتي ولا حضرته تبونها بنت و ع كيفكم ؟؟ يعني بتميزون بالمحبة والمعاملة بينهم وتسوون حواجز وحساسية بينهم؟؟ انتوا الأساس حرام عليكم ،، والله لو كان زوجي من هالنوع وايش ماكان زوجي عندي بحتقره واكرهه ع تفاهة عقله.. يكفي ان هالجنين حشاشة جوفنا وقطعة مني.. مدري وش اقول خانتني الكلمات .. بس اللي تتكلم بأفضل وياليت تدري ان ربي ميزها بنعمة الأمومة؟ وان الجنة تحت رجولها بغض النظر اذا هي ام لولد او بنت وان كلنا يوم القيامة ننادى باسماء أمهاتنا وهذا ميزة ربي كرم فيها البنت وبالاخير أمي حبيبتي بنت وابوي جعلني ماابكيه ولد ،، كيف اقدر احب احد اكثر من الثاني ..

[لووووولي]

وربي كلهم نعمه الحمد لله اهم شي سلامت صحتهم وخلقتهم

وربي يرزق الجميع بالي يتمنووو

[om salma]

مشكورة حنونة على الموضوع وكلهم غلاوة واحدة عن الابوين

لكن انا اهلى واهل زوجى بيحلموا بالولد وخصوصا ابو زوجى

يحب بنتى لكن يقول احب الأولاد اكثر والله العالم ببطنى الان بنت ولا ولد

انا بقول اللى يجيبة الرحمن رحمة من عندة لكن انا احس بمن حولى يطلب ويتمنى

ويلح على الولد بشدة ولكن الله عليم انى ما كنت بحمل مرة تانية لظروفى

الصحية واكرمنى بالحمل ما راح أتامر واطلب منة ولد ولا بنت كل عطاياه رحمة وكرم

واحنا عندنا بأهل ابوى يقولوا لام البنات الله يعوض عليكى كإنها ما خلفت ولا شفت خلفة

سبحانك يارب يشوفوا المحروم !!!!!

[حجــآزيــۃ]

والله كلهم نعمة ورزق من الله ،، ونقول الحمد لله ع كل حال
والله يرزق كل محروم

/

بـ النسبة ليا زوجي مافرقت معاه يقول اللي يجي من الله حياه الله ،،
بس وده يكون اول مولد ولد عشان يساعده ويكون عون له ،،

والحمد لله دحين انا حامل بولد والله يتتمملي ع خير ويسهل للجميع ،

وجعلهم صالحين بارين ،،

[الريانه333]

السلام عليكم
عموما الازواج يبون الاولاد علشان اشيل اسمهم بس
ولكن يحبون البنات اكثر على قولتهم البنت حبيبه ابوها
الله يرزقنا الذريه الصالحه

[متى اكون ام]

لللاسف فيه هذا التخلف للحين اول حمل لي وكان كيس فااضي بس لسى ماعرفت ام زووجي جاتنا زياره ام زوجي وقالها زوجي شكلي حامل بنت قالت مانبي بنت كل العايله بنات ومن بعدها كسرت قلبي صرت مهمومه من كلامهم وبعد شهر اكتشفو انه كيس فااضي وسقطت
يعني لاتم لابنت ولا ولد

ونا بصراحه بحب البنات بس نفسي يكون بكري واكبر عيالي ولد والي يجي من الله يامحلاه اهم شي يكون سليم ومن الذريه الصالحه

[سموة الشوق]

نقاش رائع

وآراء أروع

البنت والولد

كلها نعمة من الله سبحانه وتعالى

وبهالزمن
البنت مثل الولد

أهم شئ يكونوا من الذرية الطيبة الصالحه
وهذا بني آدم

مايملي عينه إلا التراب

اللي عنده الولد يبغى البنت واللي عنده البنت يبغى الولد
ولكن حسبنا قوله تعالى
((يهب لمن يشاء اناثا و يهب لمن يشاء الذكور أو يزوجهم ذكرانا و اناثا و يجعل من يشاء عقيما))

فالحمد لله على نعمه وآلائه الجزيلة..

[حنان9]

الله يرزقنا الذرية الصالحة سواء بنت او ولد

[ام ميمي ان شاءالله]

انا ابي ولد وزوجي نفس زوجك تدرين ليش يبي بنت عشان يسميها على المرحومة امه وانا عشان هالسبب ابي ولد خخخخخخخخخخخ

[لغة صمتي]

والله يا قلبي زوجي كمان يحب البنات
ويقو اذا جت بنوته بدلعها واذا جاء ولد بربيه
وانا مررررره احب الاولاد
وكلهم والله خير وبركه

[حنونه]

نورتوا باراكم
عموما تختلف الاراء وليس للانسان الاماكتب له
عجبني رد الاخت نور كلام درر تقول البنت امي والولد ابوي
شكرا لكم جميعا

[أم أصيـــل]

زوجي يقول ابغى بنوته ,وربي رزقنا ولد شحليله الله يحفظه وكنت أدعي يجيني ولد
بس لما حملت ببنت كنت بجن عليها ولما جبتها ماتت وربي بكيت من قلب محروق
ولحد دحين مانسيتها ومحتفظه بملابسها ,,
حسيت نفسي أحبها نفس محبتي لولدي مع إنها ماعاشت غير ساعه,,الله يعوضني فيها...

[мαяαмє]

أنآ أحب وزوجي وأهلي كلنآ نحب البنآات ..

بس اللي من الله حيآه الله =) ~

:

ويآرب أروح الموعد وتقول لي انه بآن الجنين بآلكيس ولد بنت كله واحد ..

[اغليك يا الجنوب]

الحمدلله اهم شي الصحه والعافيه

[مجنونة بحبها]

اممممممممممممممم احكي لو لا اخاف تضحكون علي انا حملت مرتين وسقط الطفل والمره الثالثه عملت عمليه ربط وثبت وكانت حركتي كلها قليله وكان زوجي مدلعني للاخر لانه يريد ولد واهله نفس الشي كان يريدون ولد انا اموت في البنات بس عشانهم تركت حلمي وردت الولد وياسبحان الله بس دخلت الشهر الخامس زوجي كال تعالي انشوف الجنس وانا مامصدكه بان حملي ثبت وكنت متشوقه اعرف الجنس ولما فحصتني الدكتوره وسالتها عن الجنس كالت بنوته والله فرحت وحمدت ربي على النعمه بعد ماكنت احلم بالطفل الحين كبر وبان جنسه لاكن الفاجعه لما طلعت وسالني زوجي شنو الجنس كلتله بنوته كال لا بتمزحي وحلفت اله بانها بنت واذا فيه يعصب ويصارخ علي وياخذني مشي الى السياره عكب ماكان ميخليني امشي خطوه وحده وحكى عني كلام جارح وانا بكيت وانقهرت وكلت الى متى شوكت ارتاح لا من حملت ارتحت ولا من سقطت ارتحت ولما وصلنا البيت وكال لامه بانها بنت كالت وشسوي فيها انا اريد ولد وانا متت من القهر مو من البنت لا والله وانما من كلامهم وبالتالي ولدتها وتعلق فيها ابوها والحين مايقدر يفاركها ساعه يموت فيها وهي تموت فيه لكن بعده يريد الولد وانا بعدها ايضا سقط طفل والحين ينتظروا اذا ما حملت ولدت ولد يفكر يتزوج علي لانه يريد الولد هههههههههههههههه حجيتلكم كل القصه

[نرجسة]

اااااااااااااااااااااااااه
نحنا 6 بنات ولا صبي عنا طبعا بابا وبيت جدي والكل
ان شالله بتحملي بصبي لامي
ولما يسالوها الجيران او اي حدا شو عندك اولاد بتقول ست بنات
ياااااااااااااااي ةياحرام والله يزينهم بصبي والله يعوضك
وكانو البنات مصيبةhwaml4
طبعا انا كبرت ودخل براسي مفهوم انو الصبي شي ثميييييييييين ومو اي وحدة بتحصل عليه واللي بتكون حامل بصبي نيااااااااااللها شو محظوظة
طبعا للاسف هالافكار براسي بس المحيط الخارجي اللي حوالي من انا وصغيرة اله دور
اتزوجت .. وطبعا جوزي متلو متل هالمحيط اللي عشت فيه بحس عندو رغبة شديدة للاولاد
انا بفضل الله وكرمو حامل ويارب المهم الخلقة التامة صدقوني لما عم شوف رغبة جوزي الشديدة بولد
وبيحكي مع البيبي انو ولد وبس اثرر ع نفسيتي وصرت خاف انو البيبي لو ببطني بنوتة رح يزعل وانا مارح اتحمل زعلو ورح حط الحق علي استغفررررررررر الله hwaml15
حسبت لحالي بالطرق البدائية قبل السونار بالجدول وما جدول وطلع بنت بتصدقو من هلئ خايفة؟ وعم ادعي بكل صلاة يطلع الجنين ذكر
بعرف البنات بجننو ومافي منن وحناين بس ..hwaml5
قالي جوزي انا بفضل الولد بس ازا اجت بنوتة مابزعل
وياربي بس الخلقة التامة يااااااااااااااارب وبتمنى من ربي يجعل جنيني ذكر سلييم معافى
مشكووووووووورة حبيبتي موضوع حلو كتير

[سبحانك اللهم وبحمدك]

لا حول ولاقوة الا بالله ما اقول الا الله يعينكم يابنات على محيطكم الغريب
الحمد لله اللذي عافانا مما ابتلى به كثير من الناس
انا عندي ولد وكنت اتمنى بنت بس برضو فرحت بالولد وبتمنى الان البنت لكن لو جا ولد حياه الله كدا اكون خاويت ولدي لكن شوقي للبنت مازال
اختي عندها بنتين ومشتاقه للولد ومسميه نفسها ام حمزه مع انه لسى ربي ماكتبلها تجيب حمزه
الله يرزق الكل مايتمنى
والبنات او اولاد ياحلااااتهم اهم شي يجو بصحه وعافيه وتذكرو المحرومات واحمدو ربكم وادعولهم

[أإأم ع‘ـــزُوـوزُ]

ها الجيل مافي فرق بين البنت والولد

وبالعكس صار الولد ينخاف عليه أكثر والبنت صارت تدرس وتشتغل وتصرف على نفسها وصارت هي من تعين اهلها

سمعت بقصص كثيره كيف الاولاد تخلو عن اهـأليهم وتزوجو ونسوهم والبنات حتى بعد ماتتزوج ماتفكر الا بأهلهـآ

طبعا مو كل الاولاد فيه اولاد بارين بأهلهم وفيه اولاد لا
نفس الشي البنات فيه إللي بارات وفيه بنات لا

وانا اشوف مافي فرق بينهم ليه نفضل الولد على البنت

وانا احب الاولاد مو لسبب لاني درست تمهيدي وروضه اولاد فحبيتهم
والبنات بعد حبوبات

وزوجي قبل ما اولد كان مسمي نفسه ابو ريم واول ماحملت كان يقولي ان شاء الله ريم
بس الحمدالله ربي رزقني بولد الله يحفظه لي ....

[هنافي والزين وافي]

روى مسلم عن رسول الله صلى الله عليه وسلم أنه كان يقول إذا أمسى " أمْسَيْنَا وأمْسى الْمُلْكُ لِلَّهِ والْحَمْدُ لِلَّهِ لا إلَهَ إلا اللهُ وَحْدَهُ لا شَرِيكَ لَه اللَّهُمَّ إنِّي أعُوذُ بِكَ مِنَ الْجُبْنِ وَالْبُخْلِ وَسُوءِ الْكِبْرِ وَفِتْنَةٍ فِي الدَّنْيَا وَعَذَابٍ فِي النَّار " وإذا أصبح قال مثل ذلك(أصْبَحْنَا وَأصْبَحَ الْمُلْكُ لِلَّهِ .... ).