عندي خمول بسيط في الغده 🙍🏻

[أنوار الولاية]

السلام عليكم

اليوم اتصلت فيني الدكتوره وقالت لي عندك التهاب بول وخمول بالغده بسييط

قلت لها انا ماعندي اعراض التهاب قالت عادي احيانا يكون بدون اعراض

قالت لي لازم تجي اليوم او بكره تاخذي العلاج ، قلت لها عندي موعد بعد اربعة ايام قالت الغده عادي تصبري لاسبوع الجاي لكن للالتهاب لازم بسرعه

لهدرجه التهاب شديد وماعندي اعراض

سألتها عن نسبة الغده عندي قالت خمول بسيط نسبته 4.5

واشكر اختي حياتي توأمي ❤ لانها نبهتني ان فحص الغده مهم بالحمل لان الدكتوره ماقالت بتسويه لي انا طلبت منها الفحص

عندكم علم بالنسبة الطبيعيه ؟ انا قرات بالنت شفت النسبه طبيعيه لكن يمكن وضع الحامل يختلف ماعرف

[υм вtℓαα]

وعليكم السلام
النسبة الطبيعية عند الكبار تتراوح بين (0.4) و (4.2)

عندك ارتفاع بسيط بس انتبهي انتبهي لاترتفع بزياده وتاثر ع الحمل
عطوك علاج او شي

[أم مؤيد بإذن الله]

حتى انا عندي خمول بالغده من قبل حملي الاول
وكنت اخذ علاج بداية من خمسين
ومع الحمل زادت لي الجرعه
وبعد ولادتي الاولى تركته
ولما حملت مره ثانيه
نبهتني الدكتوره ارجع اعيد التحليل وقالت لي غلط تتركيه بحمل او بدونه
تقول لو ما اخذتيه الجنين ما راح يوصله هذا الهرمون لانه من الاساس ناقص بجسمك وراح تجيه متلازمه الغده بعيد الشر عن الجميع
عشان كذا حاولي تنتظمي عليه

وبالنسبه للالتهاب الدكتوره حكت لي انه ممكن ينزل موية الجنين بدون طلق

وقدامك العافيه حبيبتي

[أنوار الولاية]

بكره بروح اخذ العلاج إن شاء الله

يعني اذا يرتفع معناه خمول ؟ واذا يقل يكون نشط ?

ام بتلاء وام مؤيد شكرا لكم

ام مؤيد ولدتي بالسلامة او بعدك ؟

[υм вtℓαα]

اي كلما ارتفعت زاد الكسل او الخمول وكلما رجع مستواه الطبيعي نشط الهرمون المسؤل عن الغده

الجرعه لاعطوك اياها خذيها ع الريق وبعدها بثلاث ساعات او ساعتين كولي

انا معي غده جاتني بحملي الثاني والجرعه تكون حسب تحليلك تبدا من 50الى 150و200
وكل مره يزودون الجرعه لين تصير نشطه

[أنوار الولاية]

اي كلما ارتفعت زاد الكسل او الخمول وكلما رجع مستواه الطبيعي نشط الهرمون المسؤل عن الغده

الجرعه لاعطوك اياها خذيها ع الريق وبعدها بثلاث ساعات او ساعتين كولي

انا معي غده جاتني بحملي الثاني والجرعه تكون حسب تحليلك تبدا من 50الى 150و200
وكل مره يزودون الجرعه لين تصير نشطه

شكراً لك ام بتلاء

انا قرأت في النت ان احتقان البلاعيم يأثر على النتيجه ماعرف هل صحيح او لا

لان انا وحمي على الماي البارد والايسكريم ف بلاعيمي كله ملتهبه

[أم مؤيد بإذن الله]

ام مؤيد ولدتي بالسلامة او بعدك ؟

باقي ١١ يوم ع نهاية التاسع
الله يكتب لنا الولاده بالوقت اللي فيه خير لنا وييسرها

[أنوار الولاية]

باقي 11 يوم ع نهاية التاسع
الله يكتب لنا الولاده بالوقت اللي فيه خير لنا وييسرها

الله ايسر لك يارب ونسمع عنك قريب

[υм вtℓαα]

ايه اختي انوار لانك عندك التهاب بمكانها صار لي كذا انا وحكالي الدكتور

تحسين انها توجعك وكنها محتقنه وماتقدرين تبلعين

[أنوار الولاية]

ايه اختي انوار لانك عندك التهاب بمكانها صار لي كذا انا وحكالي الدكتور

تحسين انها توجعك وكنها محتقنه وماتقدرين تبلعين

انا لاحتقان يجيني في اذني بدل البلاعيم قليل تجيني بلاعيمي من يوم كنت صغيره كله اذني .

[أنوار الولاية]

حبيبتي انوار

الله يبعد عنك اي شر يارب ويتمملك على خير

زين سويتي ونبهتي الدكتوره وانتي اللي طلبتي التحليل

انا ماعرف هالدكاتره من وين جايبين شهاداتهم المفروض هي اللي تطلب منك

عالعموم لازم تاخذي الدوام ، انا آخذ حبه 50 جرام باليوم وتكون عالريق قبل الفطور تاخذيها بساعه تقريباً

والله يبلغنا في اطفالنا سليمين معافين يارب

الشر ما يجيك ويتمم لك

لكن ضحكتيني هههههه تقولي لي لازم اخذ الدوام مو منك من الدوام الي متعبك في الحمل الله يعطيك العافية 😄

[أم حمودي وعبودي]

ما تشوفي شر

قبل لا تاخذي العلاج عيدي التحليل مرة ثانية

لما كنت حامل بتوائمي كنت دايما جوعانة وحرانه والدكتورة عملت لي تحليل الغدة وفي الموعد الي بعده دخلوني على دكتورة أعوذ بالله كانت نفسيتها زفته وكأنها تقول يلا اطلعوا وخلصوني وما شافت النتيجة وفوق كذا ما كتبت لي أبر الكلكسان مع إنها مهمة
والموعد التالي عند دكتورة غير وطبعا اعتمدت على آخر ورقه الي كتبتها الدكتورة صاحبة النفسية
وبعد كذا دخلوني على دكتور وراجع ملفي من البداية وهو اكتشف ان تحليلي فيه نشاط في الغدة وعدت التحليل والحمد لله كان بالمستوى الطبيعي

[أنوار الولاية]

بسألكم الحبوب الي عطوني اياه 25 جرام وانتوا تقولوا يبدأوا اول ب 50 جرام

عادي اخذ بس 25 ?

مع العلم ان الخمول عندي نسبته بسيطه فقط ٣ بوينت الفرق عن الطبيعي

[υм вtℓαα]

الجرعه حسب تحليلك خيتي لاتقلقين خليك ع نفس جرعتك لين ماتسوين تحليلك وتشوفين

كل وحده تختلف عن الثانيه