مين استعملت مثبت من بداية الحمل الى الشهر التاسع

[فرح 2016]

مين استعملت مثبت من بداية الحمل الى الشهر التاسع


السلام عليكم ورحمه الله وبركاته

صباح الخير بنات

بنات من استعملت مثبت الى الشهر التاسع ( الين ماولدت ) وماضرها ولا ضر جنينها

وايش اسم المثبت ؟

انا خايفه من الولاده المبكره ولاربطت لان عندي ظروف وودي استخدم مثبت الين ما ادخل التاسع لو يوم

انا بمدينه ماعندي دكاتره شاطرين كل ما اجيهم يقولون الدفستون الي الخامس وخلاص

وانا ودي بمثبت استمر عليه الين اخر حملي

تكفون بنات الي عندها شي تقول لي

لاتقولن روحي الدكتوره هي ادرى بس ابي كل وحده استخدمت مثبت تقولي او سمعت عن احد مستخدم

وانا بسأل عنه اكيد ماراح استخدمه من كيفي لازم أستشير

❤


مين استعملت مثبت من بداية الحمل الى الشهر التاسع

[υм вtℓαα]

وعليكم السلام
ماعندي علم خيتي
الله يتمملك بخير

[nour karim]

انا استعمل من يوم اعرف اني بالحمل الى غاية نهاية الثامن ابر البروجيسترون مرة كل اسبوع طبعا بوصفة من طبيبتي
الله يثبت حملك اختي

[جنون الحب]

ليش اختي على اي اساس تبين مثبت
عندك مشكله يعني لاسمح الله ؟

احس هالمثبتات خفيفه او ثقيله لو يكتبها طبيب احسن
انا مااقدر افيدك لأن 3مرات وبكل مره استخدم حبوب او تحاميل بس ربي مايكتب لي الجنين واولد مبكر ربي لايعيدها علي
هالمره اعطوني مع الحبوب ابر

اللي استغربت ان الحبوب حبتين كل12ساعه
بالعاده حبة كل 12ساعه او 8ساعات
يعني له عدة وصفات على حسب الحاله فإحنا مانقدر نفيدك لو دكتور احسن

[فرح 2016]

الله يعطيكن العافيه


جنون الحب ايوه عندي ولاده مبكره

الله يثبت حملي وحمل الجميع ولايفجعنا

ويقر عيوننا بشوفه مافي بطوننا على خير سليمين معافين

[غفران]

انا بعد كان عندي ولادة مبكرة وفي حملي هذا ربطت واخد مثبتات ابر وحبوب ولمن خلصت ثلاث شهور الدكتوره وقفت لي الابر ومازلت مواصله علي الحبوب الدافستون مرتين في اليوم حبيبتي كان ربطتي حمايه للبيبي وربي يثبت للك ولنا

[جنون الحب]

اها الله يتمم لك يارب
انا نفس غفران الفرق اني الى الان مستمرة ع الابر والحبوب والله يعين
الله يتمم علي وعليكم ولايفجعنا
طيب ماكلمتي الدكتورة تكتب لك او تشوف لك حل ممكن يكون فيه مشكله بعنق الرحم ولازمك ربط

[أم حمودي وعبودي]

أنا استخدمت تحاميل سايكلوجيست مرتين في اليوم للشهر الثامن عشان كان عندي إجهاض متكرر وكنت حامل بتوأم

أولادي عصبيين بشكل ما أدري هو من الأدوية الي أخذتها وقت الحمل ولا وراثة

[جنون الحب]

ام حمود وعبود

مااتوقع من العلاجات احس ماتتدخل
اختي عندها ولدها قمة العصبيه مع انها ماكانت تاخذ شي وهي حامل

اخت فرح
أعرف وحده كانت تاخذ ابر من أول حملها للثامن والسبب انه حمل عزيز اول حمل لها بعد علاج 9سنين والحمدلله ولدت بالسلامه لكن تخيلي كانت ماتحس بالطلوق مع ان في التخطيط واظح وولدوها بعمليه والسبب حملها عزيز وخافو يجي شي لاسمح الله لها او للجنين والحمدلله الله يتمم لك ولنا على خير ويحفظ لنا اجنتنا ويقر اعينا بشوفتهم ...انتي استمري على الحبوب وان شاء لله خير وخلك مرتاحه وان شاء لله حتى ربط مايأثر انك ماسوتيه توكلي على الله كل شي بأمره