ابر الكلكسان واستمرارية الحمل

[Banana90]

السلام عليكم

بنات... انا سبق لي الاجهاض من قبل مرتين في الاسبوع السادس والاسبوع الثامن كان النمو يوقف عند هالاسابيع الحمدالله الحين انا حامل في الاسبوع السادس.. واخذ اسبرين وفولك اسد ودفستون وابر كلكسان..هل في منكم عقب ما استمرت على هالأبر مشت أمورها!! وربي تمم عليها أمور الحمل! طمنونا يا بنات..

وشكرا

[أنوار الولاية]

اذا الحمل بدايته اساسا كان ضعيف يعني الجنين ما يصير في نبض اعتقد في هالحاله الجنين يكون فيه خلل اساسا وما ينمو وحتى الابر ماتفيده

طبعا هذا من خلال تجربه بنت خالتي كانت تحمل والجنين مايصير فيه نبض من البداية

لكن في حالات غير يكون في نبض لكن يتوقف فجأه في هالحاله يوصفون لهم ابر السيوله

ويمكن كلامي غلط إن شاء الله يفيدونك الي عندهم تجربه

الله يتمم حملك على خير

[υм вtℓαα]

وعليكم السلام
ماعندي علم والله

ان شاء الله الاخوات يفيدونك

[نونة البحرين]

اول شي لازم تعرفين شنو اسباب الاجهاض المتكرر و بالنسبة للأدوية كثير من البنات استخدموها و لله الحمد استمر حملهم
للولادة بس اهم شي الراحة خلال اول ٣ شهور و الله يتمم لك على خير

[Banana90]

مافي سبب للاجهاض... تحاليلي سليمه والرحم عندي سليم الحمدالله .. فنظرياً يوصفون الأبره.لمثل هذه الحالات تحسباً لسمح الله الدم ما توصل للمشيمه او لتجلطات الدم ..

شكراً بنات ع الردود

[أم حمودي وعبودي]

أنا أجهضت 3 مرات مرتين قبل ما كنت مسوي سونار وما سمعت النبض ومره بعد سماع النبض
وفي الحمل الرابع استخدمت الكلكسان مع الأسبرين والمثبتات بس توقف النبض
أما الحمل الخامس الحمد لله استخدمتها و جبت أحلا توأم
ما عرفنا سبب الإجهاض المتكرر قالوا عندي نقص في بروتين اس أو سي وهذا يسبب تجلط بس بعد إجهاضي الي استخدمت فيه الكلكسان قالوا السبب مجهول
وأتوقع السبب أن زوجي كان عنده ضعف بالحيوانات المنوية وسبب لنا تأخر في الحمل ولما تحسن العدد والحركة بقت التشوهات نسبتها عالية فأتوقع هذا السبب مع إن الدكتورة قالت لي لا ما يصير
المهم استخدمي الأبر وادعي ربنا يثبت الجنين ويجي في الشهر التاسع بصحة وعافية

[Banana90]

امين اختي الله يسمع منج .. ويطمن قلبي بسماع النبض يا ربي واشوفه بين يدي سليم معافه

[جنون الحب]

ماعندي خبر
لكن بنت خالتي تستخدمها
سقطت 3مرات تقريبا عقب صرفو لها هالابر والحمدلله اتوقع تبدأ بعد ماتسمع النبض تاخذها
الله يتمم لك ربك كريم

[Banana90]

الله كريم اختي الله يطمن قلوبنا ..