مين ولدت طبيعي بعد القيصري

[أحلى الأيام]

مرحبا

ماادري هل هذا القسم المناسب او لا

ماادري مين ولدت طبيعي بعد القيصري وكم الفتره مابين القيصري الى الطبيعي لان انا ولدت قبل سنه ولدي قيصري وناويه احمل مره ثانيه هل يصير احمل الحين

ارجو الافاده وتجاربكم اخواتي

[Almasah]

اختي



أختي ولدت طبيعي بعد قيصري
بعد خمس سنوات فرق بينهم

بس مدري اذا يصلح تحملين بعد سنه قيصري او لا ماعندي خلفيه
وربي يتمم لج ع خير يارب

[ام العنوود]

اختي ولدت مرتين طبيعي بعد ولاده قيصريه وكان الفرق بينهم تقريبا سنتين وشوي

[عذب الجوارح]

صباح الخير
أنا ياحبيبتي ولدت طبيعي بعد قيصري ولما حملت فبنتي الثانية كان عمربنتي الاولى سنة وثلاث شهور يعني كملت سنتين بالضبط لما ولدت وان شاالله الله يكرمني بطبيعي هالمرة بعد

[أحلى الأيام]

مشكورين اخواتي على مشاركتكم وتفاعلكم

لان انا ناويه احمل واحس سنتين وايد وانا شويه كبيره وماعندي الى ولد واحد عمرري 34 ومن قبل ولدي حملت بس ماثبتو يجيني نزيف ونزلو واتمنى اني احمل الان

اتمنى من الاخوات اللي عندها خبره بعد تفيدنا

شاكره لكم تعاونكم

[فرحة عمري]

الله يوفقك ياقلبي ماعندي معلومات بس للرفع عشانك

[زفاف]

توكلي على الله وادعي واستغفري وتصدقي والله كريم وعند حسن عبده فيه

عني انا حملت بعد قيصري واللي يكتبه الله لي كله خيررررررررر

[طالبة مختبرات]

زوجة خالي ولدت طبيعي بعد القيصري
حملت و ولدها عمره سنتين ونص
توكلي على الله والله يرزقك كل خير

[نبع المحبة]

يسلموووووووووووووو

[أحلى الأيام]

مشكورين اخواتي كان ودي بردود اكثر عشان اطمئن

يالله الله يجيب اللي فيه الخير