آخذ الكلوميد ولا ...!

[عيون بريئه]

السلام عليكم ورحمه الله وبركاته

اشلونكم بنات شخباركم
اسأل الله العلي القدير ان يرزقكم بالذريه الصالحه عاجلا غير آجلا ويفرح قلوبكم يارب

بنات انا من 4 سنين اخذت الكلوميد لان كان عندي هرمون الذكوره مرتفع والحمدلله حملت من اول شهر وبدون ابره تفجيريه ويبت بنوته
وامتنعت عن الحمل طول ذيج الفتره و ماكنت استخدم حبوب منع الحمل ولا عازل

ومن ثلاث اشهر وانا افكر بالحمل بنتي كبرت وتحن علي مسكينه تقولي تبي بيبي وبصراحه انا بعد اشتقت وبخاطري احمل

الشهر الي طاف ماصار حمل والحمدلله هذي حكمه ربي لان تعبت وسويت عمليه
الشهر هذا عشت بالخيال على اني حامل بس للاسف شرفت الدوره وخلتني اعيش الواقع

ففكرت اخذ الكلوميد هالشهر يمكن الله يكتب لي و احمل على اساس ابتدي من باجر
يعني يمكن هرمون الذكوره مرتفع عندي والله مالي خلق تحاليل ولويه
شتنصحوني ...!

[سموة الشوق]

أنصحك تزورين طبيبة قبل ماتاخذين الحبوب

يمكن حالتك تغيرت

وقلتي سويتي عملية الشهر اللي فات

الأفضل غلاتي تكشفين وتاخذين إستشارة دكتورة قبل كل شئ

والله يرزقنا واياكي الذرية الطيبة من عنده

[لن أيئس]

اسأل الله العلي القدير ان يرزقك باالحمل السليم عاجلا غير اجل ..
وان يفرح قلبك وقلب بنتك ويجيها اخ أو اخت مثل القمرقريبا ان شاءالله..
انصحك تروحين لطبيب يشوف اش المشكله الا عندك باالضبط وان شاء الله ما تشوفي شر..
كمان الافضل تروحين للدكتور مو دكتوره ..... لاتسوين مثلي رحت للدكتوره وبلعت فلوسي على الفاضي وماسوت لي شيء الله يسامحها كل شهر اقولها تعطيني منشطات وتقول لا حسبي الله وكفى باالله وكيلا ..
لااااااااااااااااااااااااااااااااااااتأخذي الكلوميد من نفسك .. لازم الدكتور هو الا يكتب لك ويتابعك باالسونار ..
لانه اخذه بدون استشاره يسبب تكيسات لا قدر الله .. والله العظيم هذا كلام دكتور مو من عندي..
واسأل الله لكي التوفيق والسداد..
أسفه طولت عليك باالكلام ..

[دمعة حرمان]

لا تاخذين اي علاج من نفسك
انصحك تروحي عند دكتورة تشوف لك التبويض
واذا حالتك تستدعي تاخذين كلوميد اكيد بتكتبه لك
خاصة امراض النساء المفروض ما نعالجها بنفسنا حتى لا تكبر المشكلة عندنا
الله يكتب لك الحمل القريب السليم

[تعبت اعاني]

الله يرزقك بإذن الله ويفرح قلبك،،،
ماعندي شي اضيفه الاخوات ماقصروا

[بدايات الوله]

انتبهي تاخذي منشطات من نفسسك
الطبيبه وهي طبيبه لاازم قبل تصرفلك كلوميد تشيك على حالة الرحم والمبايض والتبويض
يمكن ماتحتااجي تنشيط
ششوفي يالغلاا طالماا انك ماششاءالله حملتي قبل كذاا
جررربي تنتظري اياام التبويض وتشدي حيلك
واذاا ماصار شي رااجعي طبيبه بــسس اعطي نفسسك فرصه

[عيون بريئه]

اشكركم حبيباتي ماقصرتوا والله
معنه زوجي امس يابلي الكلوميد بس رح اخليه وانطر اشوي
ورح اتصل على الدكتور الي عالجت عنده من البدايه والله كريم