نزيف في الشهر الثالث

[أم حمودي المنصوري]

السلام عليكم ورحمة الله وبركاته

حبيباتي اليوم في صلاة الفجر
رحت الحمام أعزكم الله لقيت دم ما صدقت انصدمت طبعاً

صليت الحمد الله رجعت أنام صحيت الساعه 9 بالي مشغول ليش نزل عليه دم والي يطمن انه النزيف مش وايد خفيف أخذت موعد على الساعه 11 ورحت المستشفى حبيت اطمن على البيبي والمشكله الي واجهتها
أنه الدكتورة مصره انها تجيك عليه من تحت وادخل جهاو السونار رفضت الصراحه من قراءاتي للأخوات خفت انه يصير نزيف قوي
فرفضت يوم شافتني مصره قالتلي اوكي بصورك بالسونار والحمد الله شفت الجنين بخير الحمد الله
والي أكتشفته أنه الصورة الخارجيه ارخص عن الصوره المهبليه والدكتورة مصره اني اراجع عندها مع اني قلتلها اني اراجع في حكومه
واراجع السكر كذالك وعندي مشكله تسمم الحمل في في حملي السابق
الحمد الله على كل شي

[أنوار الولاية]

الشي الزين الي سويتيه انك رفضتي السونار المهبلي خاصة اذا في نزيف ماعرف كيف تفكير بعض الدكاتره مايهمهم سلامة الجنين

ماقالت لك شنو سبب النزيف ؟ يمكن المشيمة متحركه

وهل عطتك مثبتات ابر او تحاميل لانها اقوى من الحبوب

اذكر بحملي بولدي في الشهر الثالث جاني نزيف مع ثقل اسفل البطن قالت لي الدكتوره المشيمة متحركة ولازم راحة

والحمد لله مع الراحة ارتفعت ...

[العليا]

اذا وصلتي الشهر الثاني من الحمل ممنوع انها تسوي لج السونار اللي ادخله عن طريق المهبل لانه يسبب نزيف و مضاعفات و ممكن ينزل الجنين و بالنسبه للدم اللي نزل انصحج تروحين لدكتوره ثانيه شاطره تجيك لج و تعطيج مثبت لن هالدكتوره شكلها ما تعرف او ماديه و الله اعلم ... ارتاحي كثر ما تقدرين ولا تجهدين نفسج وايد و لا تشلين اشيا ثجيله ... الله يتمم حملج و يفرحج بشوفت البيبي ...

[ρυяỉтч •]

ارجعي لدكتورتك ف الحكومي واشرحيلها وضعك وان شاءالله مو شي
بالنسبه لتسمم الحمل انتبهي لضغط وتورم الجسم ودايم شيكي ع الضغط هو المسبب الرئيسي لتسمم
قدامك العافيه يارب

[ترياق الحياه]

ضروري ابر مثبته ومثبتات روحي لطبيبه فاهمه وابعدي عن اللي يبون الفلوس ومو هامهم صحة احد
وحلو انك رفضتي السونار المهبلي
لازم مثبتات حتى لو تطمنتي
اختي جاها نفسك وعطوها ابر مثبته كل اسبوع ابره مع الورك لمدة ثلاث اسابيع مع دوفاستون

ربي يثبت مافي رحمك ويتمم عليك وعلينا ويرزق كل محروم