نزول ماء في الشهر الثامن؟؟ ممكن مساعدة

[نارسيس]

اليوم الساعة 3 الصبح قمت من النوم شفت في بلل على ملابسي ونزل مني إفراز مثل الماي وانا متاكدة انه مب بول اعزكم الله ، جلست شوية وعقب وقفت نزل مني ماي على رجولي وقمت امشي سريع للحمام عند باب الحمام نزل ماي على الارض وانا انادي زوجي أقوله ان ماي البيبي نزل ، لو انه بول كنت اقدر أمسك عمري ولونه شفاف وريحته غير وعقب دخلت الحمام وسويت بول طبيعي ، لو انه مب ماي الجنين ما كنت بسوي بول مرة ثانية
المهم رحت المستشفى بعد ثلاث ساعات
سولي الفحوصات والالتراساوند وتخطيط قالوا كل شي طبيعي احتمال كان بول وانتي ما حسيتي وانا أقول مستحييييييل .
وطلبت الدكتورة ان أخذ إبرة الرئة احتياط بس انا ما خذيت قلتلها إنتي اتقولين كل شي طبيعي ليش أخذ الابرة وخلوني أوقع على ورقة أني ما خذيت الابرة

منو مرت بهالشي او قراري صح أني ما خذيت الابرة؟ وهالماي اللي نزل شو كان ؟؟؟

[تيم الأحمدي]

هلا حبيبتي حملي السابق صار معايا نفسك بالظبط
لين جريت ودخلت الحمام نزلت مويه عليا وكانت دافيه سبحان الله
ورحت ع المستشفى وكشفوا عليا واعطوني طلق صناعي
وولدت الحمدلله وانا كنت في اول يومين في التاسع
وهذي مويه البيبي
والله يسهلك ويقومك بالسلامه

[خلوني على صبري]

طيب ليش مااخذتي الابره تراها ماتضرك في صالحك لو حصل ولاده مبكرا مكان حصل للبيبي شي بس الحين عليكي خطر لانك مااخذتي الابره الله يهديكي عشان كدا خلوكي توقعي وتتحملي المسؤوليه روحي خذي الابره افضلك مابقى شى على الولاده والله يقومك بسلامه

[خلوني على صبري]

كم لكي في الشهر الثامن

[ρυяỉтч •]

انا كان ينزل مني مويه بس مو كثيره وماكانت مويه البيبي
قالت الدكتوره ذا التهاب
الله يسهلك وتقومين بالسلامه

[Om nony 3nony]

فعلاً بعض الأوقات المويا تكون بسبب التهابات روحي اتاكدي وخذي إبرة الرئة احتياط لو جتك ولاده مبكرة لاسمح الله مايكون في ضرر
والله يتمم لك ولي ولكل الحوامل على خير ويعطينا مانتمنى ويرزق المحرومات عاجلاً غير آجلاً يارب

[أم بذرة]

كل حاجة في كفة ورفضك ل ابراه الرئة في كفة ثانية ،،،
ليش رفضتيها اذا مابتضرك والطبيبة نصحت لك لان احيانا يكون باالكيس الجنيني ثقب بسيط،،
وتنزل منه الموية وتتعوض سبحان الله لكن ممكن بعد يكبر الثقب انصحك ارجعي خوذيها باقرب وقت .

[نارسيس]

هلا حبيبتي حملي السابق صار معايا نفسك بالظبط
لين جريت ودخلت الحمام نزلت مويه عليا وكانت دافيه سبحان الله
ورحت ع المستشفى وكشفوا عليا واعطوني طلق صناعي
وولدت الحمدلله وانا كنت في اول يومين في التاسع
وهذي مويه البيبي
والله يسهلك ويقومك بالسلامه

الحمدلله كنتي في التاسع وعدت على خير انا المشكلة في بداية الشهر الثامن والحمدلله قالولي مب ولادة لكن انا مستغربة اللي نزل شو كان؟؟


طيب ليش مااخذتي الابره تراها ماتضرك في صالحك لو حصل ولاده مبكرا مكان حصل للبيبي شي بس الحين عليكي خطر لانك مااخذتي الابره الله يهديكي عشان كدا خلوكي توقعي وتتحملي المسؤوليه روحي خذي الابره افضلك مابقى شى على الولاده والله يقومك بسلامه

لأنهم قاموا بكل الفحوصات وقالوا ما في شي انا قلت ما يحتاج أسرع في نمو رئة الجنين خلي كل شي طبيعي بس الدكتورة قالت ضروري بكرا أراجع أخصائية وأخذ الابرة



كم لكي في الشهر الثامن


اول أسبوع من الثامن أسبوع 32 ويومين


انا كان ينزل مني مويه بس مو كثيره وماكانت مويه البيبي
قالت الدكتوره ذا التهاب
الله يسهلك وتقومين بالسلامه

قالتلي احتمال التهاب لكنهم فحصوا البول وقالوا ما في التهاب احترت انا

فعلاً بعض الأوقات المويا تكون بسبب التهابات روحي اتاكدي وخذي إبرة الرئة احتياط لو جتك ولاده مبكرة لاسمح الله مايكون في ضرر
والله يتمم لك ولي ولكل الحوامل على خير ويعطينا مانتمنى ويرزق المحرومات عاجلاً غير آجلاً يارب

آمين يا رب
انا شاكة انه التهاب وحتى وهي تفحص اتقول في افرازات كثيرة لكن النتيجة ما في التهاب ؟؟!!!

كل حاجة في كفة ورفضك ل ابراه الرئة في كفة ثانية ،،،
ليش رفضتيها اذا مابتضرك والطبيبة نصحت لك لان احيانا يكون باالكيس الجنيني ثقب بسيط،،
وتنزل منه الموية وتتعوض سبحان الله لكن ممكن بعد يكبر الثقب انصحك ارجعي خوذيها باقرب وقت .

فعلا انا ندمانة ليش ما أخذت الابرة لان صعب بكرا ارجع المستشفى مع تجهيزات العيد لكن اذا في ثقب صغير يعني ما راح يبين معاهم

[نارسيس]

في شي ثاني ان بعد اللي صار أمس بدا معاي الم في الظهر وألم في البطن نفس الم الدورة لكن على اخف يعني محتمل ولكنه مستمر لين احين ، اعرف انه مب الم طلق
معقولة عندي التهاب بس ما يبين معاهم ولا هالشي عادي من الحمل

[" ملاك "]

اخذي الابره احسن اذا ما نفعت تراها ما تضر
بالعكس تضمني لو حصلك شي جنينك بخير
لان الولاده في الثامن خطره وما يعيش الجنين يقولون فعشان كذا اخذي الابره لو لا سمح الله ولدتي بالثامن يكون عادي

الله يسهل عليك بوقتك

[أم حمودي وعبودي]

خذي ابرة الرئة والإحتياط واجب
أنا بحملي بأولادي التوأم أخذتها والحمد لله هم بخير

[خلوني على صبري]

لاتندمي ولا شي روحي طواري وقوليلهم نزل مويا وعندي مغص والم في الظهر وخليهم يعطوكي ابرة الرئه لاتجازفي بنفسك انا مثلك بعد اسبوعين عندي مراجعه وراح اطلبهم الابره عشان عندي الضغظ والسكر وخايفه من ولاده مبكر ا

[أم بذرة]

اتركي تجهيزات العيد وكل شيء صحتك ياختي والنونو اهم ،،
خوذيها بقرب وقت لان اعراضك شووي مقلقة ويمكن فعلا ماف شيء بس الحيطة بعد الله بهالامور وووواجب ،،
وبالنسبة للالتهاب انا صار لي زيك ببداية حملي ومازلت اشكك ان عندي التهاب مرة افرازات ومرة الله يكرمك تغير بلون اوصعوبة بالتبول
وكل مرة يسون تحليل سليم الحمدلله فـأعتقد اذا مافي التهاب بعد الكشف تكون تأثير الحمل ..

[نارسيس]

جزاكم الله خير عالنصايح

ما رحت المستشفى لان الم الدورة اختفى وما نزل ماي مرة ثانية وموعدي أسبوع القادم ان شاء الله اشوف شو تقول الدكتورة
يعطيكم العافية

[العليا]

شوفي ي اختي ع حسب تشخيص الدكتوره و شافت الماي حولين البيبي طبيعي و البيبي بخير ما عليج من الماي اللي نزل لنه سبحان الله ممكن يكون بول و انتي بكرامه لكن انتي من الخوف ما قدرتي تميزين و لو ماخذه ابره الرئه احسن لنها بتنفع الجنين ما بتضره انا في حملي الاول ببنتي طحت وانا في السابع و عطوني ابره الرئه و الحمد لله عوشرت و يبتها بقيصري ...

[نارسيس]

العليا مشكورة الغاليه عالنصايح
رحت موعدي أمس مع دكتورتي وقالت كل شي طبيعي وان احيانا البيبي يضغط عالمثانه وينزل بول وأنتو بكرامة
ههههههه بس كيف ما ميزت وحتى الإحساس كان غير سبحان الله
بس الحمدلله تطمنت
وجزاكم الله خير

[نارسيس]

غريبة اصلاً ليش ترفضين ابرة الرئة !!!

المفروض كنتي خذتيها


الله يتمملك على خير

لان بعد كل الفحوصات قالت كل شي طبيعي انا قلت اذا طبيعي ليش أخذ الابرة بس يوم رجعت البيت خفت واستشرتكم
الحمدلله احين الأمور طيبة