حامل وابغى اعود بنتي ع الحمام ..

[أم مؤيد بإذن الله]

السلام عليكم اخواتي الغاليات

حابه استشيركم بشغله للي مرت بتجربه مشابهه لوضعي
انا الان الحمدلله حامل بنهايه الشهر السادس
وبنتي عمرها سنه و١١ شهر بالضبط

حابه اسألكم اذا اقدر اعودها ع الحمام بهذا العمر
وممكن انها تتعلم قبل ولادتي ؟؟ الثلاث شهور اللي باقيه لي فتره كافيه ؟
والا الشغله تاخذ وقت ؟

انا حابه انها تتعلم الان لان بعد ولادتي الجو يكون بارد
وكمان تعرفو تعب المولود الصغير

شورو علي اعلمها الان والا ااجل الشغله ل ست اشهر ؟؟
وجزاكم الله خير

[ρυяỉтч •]

شوفي حبيبتي حسب طفلتك اذا تحسينها بسم الله عليها ذكيه وتستوعب عوديها عادي
انتي جربي مو خسرانه شي بس اذا حسيتي انه شي فوق طاقتها حاولي م تهاوشينها ووقفي
دخليها الحمام معاك ووريها وتذكري انها صغيره وبتحتاج وقت وصبر ونهائيا م ينفع تهاوشينها بتاخذ رد فعل عكسي
لبسيها شورتات ف البيت لو ماقدرت تلحق ع الحمام
قللي السوائل لها خصوصا بعد المغرب
كل عشر دقايق اسأليها نروح الحمام ؟ ووديها حتى لو قالت مافي وافتحي المويه قدامها وخليك صبوره
اذا الامور تمام كلها اسبوع وتتعود ب اذن الله

[υм вtℓαα]

تحتاج وقت خيتي
والشغله يبيلها صبر مومن اول يوم تزبط
جربي البامبرز عنها واذا بتفهم قولي لها اذا في شي قولي ابي حمام
صيري لبسيها وقت النوم بس حتى تتعود وقللي شرب السوائل بالليل واعطيها ملعقة عسل قبل النوم تقلل من كمية التبول

[بحــ العيون ــــــــر]

الله يتمم لكي على خير
والبنات ماااااااااااااااااااااااقصرو معك يا الغلا

[أم مؤيد بإذن الله]

الله يجزاكم خير

بإذن الله بعد العيد ابدأ معاها ع خير

وربي يسعدكم ع ردودكم

[أم مؤيد بإذن الله]

الله يسعدك حبيبتي حياتي توأمي
بس معليش ع السؤال
قريت بكذا موضوع انه مو كويس تلبسيها الحفاظه وقت النوم
الافضل تقطعيها عنها مره وحده

اخاف لو لبستها وقت النوم تتشتت البنت

[أم مؤيد بإذن الله]

جزاك الله خير ياقلبي
وانا لي اسبوع فاطمتها من الرضاعه وتنام بدونها الحمدلله

وان شا الله اخفف عنها السوائل

الله يسعدكم جميعا ع ردودكم

[ρυяỉтч •]

عادي حبيبتي مايضر حفاظه الليل
وانتي مع الايام راح تلاحظين ان البامبرز اصلا نظيف وهي بدت تتعود م تتبول على نفسها
لان حرام تصحينها من نومتها وتودينها الحمام
وصدقيني انتي مستصعبتها اكيد اول بيبي بس بعدين هو امر بديهي والطفله بنفسها بتكرهه البامبرز وتنبسط ع الحريه واللعب بالمويه

[أم مؤيد بإذن الله]

تعب مره اول يوم
اخواتي يقولو اجليها لحتى تكبر وتستوعب اكثر

يبغالي اعودها واتعب معاها كم يوم
واشوف النتيجه

اه مره تعب