ابي قيصريه ماابي طبيعي

[جلنار2009]

السلام عليكم ياحلوات بأختصار انا راح اولد ان شاء الله في مستشفى خالد الجامعي وودي اطلب قيصرية هل يقبلون والا لازم طبيعي انا ما ابي الطبيعي

[طبيبة القلوب]

يا اختي ,,والله بنت عمة زوجي سوت قيصريةصار معها الله يعافينا جلطة بالرئة
اذا ربنا شاء واختارلك الطبيعي ,,لا تجحدي بنعمته ,,اا ماجربت الولادة وخايفة ,,ولكن اقول اللي من ربنا يا محلاه

[رحاب مكه]

ياقلبي ان كان طبيعي او قيصري ..الله يخترلك الا في الخير ويسهلك

[شوق المحبه]

مافي زي الولاده الطبيعيه الالم في وقتها

وكلها حزه وتنسي لمن تشوفي البيبي بين احضانك

لكن اذا عمليه راح تتبنجي وماراح تشيلي البيبي اول ماينولد

وهذي احلى واروع لحظه وبعدين تحسين في الم العمليه

مااقوول غير الله يسهلك حملك ويسرها لكي وعلى كل

حاااااااااااااااااااامل

[my love]

حبيبتي الطبيعي أحسن لك أنا مجربه القيصريه والله عذاب الطبيعي أحسن بكثير
وانا اذا حملت مره ثانيه ان شاء الله اولد طبيبعي اريح لي لانه العمليه متعبه حبيبتي بقوووه والله أنا مجربتهاا بولدي عبودي

[اقصوصه]

طبعا أنا رأيي من راي البنات

وعلى راي المثل اسأل مجرب

[بنت القمر]

حبيبتي انا مجربه قيصريه متعبه مررررره ولاتطلبين يسون لك بس لاتنسيني من دعائك المره الجايه اولد طبيعي

[جولييت]

طيب ليش تبين قيصري؟
مااحد ينصح بالقيصري لان خطره وبعض الدكاتره يسوون البلاوي فلبطن..الي يجرح عرق والي يمزق الرحم والي يترك قطن ومقص والي تروح فيها الحرمه مسكينه

براحتك الي فيه الخير سويه

[توتا الحلوة]

اذا تقدرين تولدين طبيي احمدي ربك لكن لو الظروف حكمت عمليه يمكن لكن خليهاااااااا تمشي بطبيعتهااااااا والطبيعي افضل اناااااااا مجربه الاثنين الطبيعي افضل الله يقومك بالسلامه انتي والبيبي

[عذب الجوارح]

ياحبيبتي أنا مجربة القيصرية والله عذاب تظلين ففراشج عشر أيام في المستشفى حتى الكحة ما تقدرين عليها من العوار غير الترجيع من كثر البنج اللي كل شوي يعطونج ابرة منه وبعدين صعب المشي والحركة ومسكنات طول الاربعين ونغزات كأنها السكاكين في العملية أنا مسويتنها من قريب الخمس سنوات بس جرحي لليوم إذا لامسه شي يعووور وبثاني حمل دعيت ربي من أول حملي أني أولد طبيعي والله أكرمني فيها الحمدلله

[ام اسكندر]

ياسلام!!!!

ولله غريب الزمن ذا
بكيفك ياحلوة دامك تبي العذاب اطلبيه وتعذبي

انا لسا والدة من 15يوم قيصري
ميزة القيصري انك تصحي وانتي والدة وفي نونو جاهز جنبك
لكن .. العذاب من بعدها مضاعف دبل ودبل الدبل كمان

الطبيعي الوجع بخروج الراس وخلاص انتهى الموضوع مجرد عوار الخياطة وبس

اما القيصري يارباااااااااااااااااااااااااااااااااااااه عملية كبرى وشق بطن وخياطة رحم وخياطة جلد البطن
وقسطرة يركبوها بمثانتك تشوفي نجوم الصبح من حرقتها
وماتقدري تقومي ولا تنعطفي
ولله يكرمك كمان الحمام ماتقدري تخشيه وحدك ولا تقدري تقعدي ع كرسي الحمام
وطبعا اول يومين ممنوع تلبسي كلوت ( داخلي ) عشان مايلمس الجرح
لذلك ماتقدري تلبسي الألويز
مجرد يفرشو حفاظة مفتوحة من حق الكبار تحتك ينزل عليها الدم والشخان كل شي لتحتك ويجو يبدلوها لك السيسترات
شايفة كيف البهذلة؟.!!!!!
وقال تبغي قيصرية قال

[قلب دافي]

انا ماعندي الا بكري الله يخليه لي

مااقولك الا تعلقي بربك وانسي كل اللي حولك وخليك متصله مع العزيز الرحيم

ماراح ينفعك اطباء قيصيري او طبيعي اذا متعلقتي بالله

ادعي ادعي ادعي وراح ربي يسهلها امين

اختك

[Almasah]

^_^
ربي يسهل ولادتك وولادة الجميع يارب

انا باقي لي موعد ولادتي شهر وخايفه وادعي من ربي اولد طبيعي واتمنى الكل يدعوا لي اولد طبيعي تكفون لاتنسوني


العمليه كل ماأتذكر وجه اختي شلون كان يوم نزورها وهي والد بعمليه
وربي ينكسر خاطري وتجي الدمعه طرف عيني
العمليه تخوف وتألم بعكس الطبيعي ألم ووجع يوم وتنسيه ولا تبين تتوجعين وتتألمين كل يوم

العمليه حبيبتي حتى بعد الاربعين ممنوع عليج اشياء كثيره
من تناقزين بعدين مع عيالج او تبين تطبين ببركه قالوا لج لاتطبين تنفجر عمليتج وان بقيتي تسوين رياضه قالوا بشوي شوي لايصير بالعمليه شيء

ترى العمليه مو هينه مثل ماتتصورين
ربي يسهل علينا اجمعين يارب

[جلنار2009]

الله يعطيكم العافية على النصيحة ويجزاكم خير ماقصرتو وادعي ربي ييسر ولا دتي ويثبت حملي ويجعله سليم ومعافى
ودمتم في خيرhwaml7