حركة البيبي بالثامن عنيفه ومخيفه و اليمه .. !!!!

[حبيبةة امها]

مرحباااا ... وحشتووووني
من زمااااان ماكتبت موضوع ولا شكيت لكم ههههههههههه
الحمدلله حاليا انا بالشهر الثامن ومشكلتي حركة بنتي .. يمكن بعضكم يضحك علي بس جد حركه توجع يعني احسها تبي تششششق بطني وتطلع .. لما اكون جالسه او منسدحه اشوف تفاصيل جسمها وخاصه كوعها مدري ركبتها شي دائري يصير بارز بقووووه ويخوف منظره ويوجع من داخل احس عضلات بطني تقطعت .. سمعت ان بهالحاله امسح عليها وتهدي ترجع ورى بس انا لما امسح عليها تتحمس اكثر وتحاول تطلع بقوه يعني تتقدم قدام اكثر ومن قوة الوجع اللي احس فيه اضغط عليها شوي ارجعها او اقوووم .. من دخلت الثامن صارت الحركه تخوف والله يعني صرت ما استمتع بكل حركاتها مثل قبل .. لما تحاول تطلع وتوجعني وبعدها بالغصب ارجعها ورى هي ترجع وخلاص تهدا بسس مكانه يضل يوجع كأن شي تقطع فهمتوا علي وهالشي صار يتكرر كثير حتى نوم ما انام ولما اكون امشي اوقف .. هو كذا يصير بالشهر الثامن ؟ حركة البيبي تصير قويه وكثيره والتفاصيل تطلع واضحه ؟ يعني فيه امل اوصل التاسع بدون ماينشق بطني !!ههههههههههههه > اخر سؤال امزح ..

[zena]

اوووووه ياحلاتها شكلها مستعجله الله يقومك بخير وسلامه وتجي بااحسن صحه صراحه مابشرف في شي يخوف كثير من حالاتك البيبي يكون كبير ماشاءالله والمكان صغير وأقل حركه تحسيها مجسمه بس ان شاءالله مافي غير العافيه

[بحــ العيون ــــــــر]

الله يسهل عليك يا الغلا

وان شااااااااااااااااء الله البنات ماااايقصرون معك


ويخليه لكي وتفرحي فيه

[أم حمودي وعبودي]

أنا ما كنت أتألم من الحركة يمكن يختلف من بنت للثانية
أو حركة بنتك فعلا عنيفة
أهم شي الصحة والعافية
وقولي ماشاء الله

[υм вtℓαα]

اذكري الله ع بنتك
الله يجيبها لك سالمه وباحسن صحه وعافيه يارب
يختي خليها تتحرك مثل ماتبي وعندها بالبطن أفضل من تكون ع الدنيا
يمكن لاسمعت الأصوات تتحمس معكم
الله يتمملك بخير ويقومك بالسلامه يارب

[ام ياسمين*]

ههههههه مشاء الله عليها واضح انها نشيطة

ﻻتخافي اظاهر انها مشتاقة تلك وبحركاتها بدها تتوصل معك
هيك بنت كانت تعمل فيني كنت اشوف بطني تتحرك ويطلع رجليها حتى زوجي كان يشوفه معي بس ماكان في الألم كثيييير صحيح لما تخبطني فبطني فجئة أصرخ بس عادي

حبيبتي الله يتمملك على خيييير ويسهل عليك ياارب

[كبرتني ياااهم]

حبيبة امها. اهلين ياقمر

وينك مختفيه. اي والله. فقدت أسألتك


بالنسبه للحركه القويه الصادره من البيبي كذا هم البيبيهات. حركتهم ماشاء الله

مع كل حركه ابيك تقولين ماشاء الله. وتسمين عليها

وانا معك انها تخوف ومزعجه خصوصا اذا جت على غفله. تطيح قلبي هههههه

عادي لاتخافين. نشاطها الحين بالثامن تقريبا. لاكن بالتاسع تبدأ تهدأ ويضيق عليها المكان أكثر.

تولدين بسلامه يارب...

وابي منك دعوه لي خلاص قرب موعد ولادتي. الله يسهل علينا كلنا ونشوف البيبيهات بخير يارب

دعواتكم لي😘

[حياتي توأمي]

ماشاء الله
تبارك الرحمن

عااادي حبيبتي حركة الببيبي لما تكون كثيرة افضل من تكون قليلة على كلام الدكتورة

الله يتمم لك على خير

[A..N]

حبيبتي اللهـ يسعدج ع الوصف ،، ان شاءالله الله يتمم لج ع خير يارب وتقومي انت والبيبي بصحه وعافيه

[خلوني على صبري]

يازين اسألتك اسالي و لا يهمك واذكري الله على بنتك ياعمري فعلا بعض الحركات توجع عشان كدا يقولو ولا تجازي امك برفسه من رفساتك في بطنها وهي اسهل الامور عند الام تتحمل برائي انتي حاولي تستمتعي بحركاتها وتناسي الالم لانها فعلا تتواصل معاكي حطي يدك مكان حركاتها وحصنيها وربي يحفظها لكي وتقومي تولدي بسلامه والله يرزق كل مشتهي ومنتظر يارب

[ترياق الحياه]

بسم الله عليها هههههههههههه
عادي احمدي ربك واذكري الله عليها واقري وسمي وسمعيها صووتك ترا كلها ششهر وبتشوفينها قدام عيونك باذن الله

الله يقررر عيوونك فيهااا

خليها ترافس على راحتها 😝😝

[حبيبةة امها]

حبيبااااات قلبي كلللللكم الله يسعدكم على هالردود مثل ما اسعدتوني ما اقدر اقتبس الردود لان النت مايساعد .. بالنسبه اني مختفيه انشغلت بالتجهيز وبالمواعيد ومن وصلت المرحله الثانيه صار كل شي واضح بالحمل يعني ماعاد اقلق مثل اول لان الحمدلله الحركه تطمني وماعندي مشاكل او استفسارات مزعجه مثل اول لما ازعجتكم ههههههههه .. جد الله يسعدكم كلكم والحوامل منكم يااااااارب سهل لهم ولادتهم وقومهم بالسلامه . و الله يرزقكم كلكم الذريه الصالحه ويحقق لكل وحده مبتغاها

[nno]

هههه شكلها على قولتك مستعجله الله يتمملك على خير

[سهام سعيدة]

اهلين حبيباتي كيفكم و الله مشتاقتلكم

[Meryama]

اسم الله عليها
ماشاءالله تبارك الرحمن
كلهم كذا في الثامن نشاطهم يكون اكبر ربي يحفظهم
بس حاولي لا لا ترجعينها يدها او رجلها
انا لم اشوف كذا
اسيبها براحتها ولا اضغط مكان الرفسة
اخاف أوجعها
تعرفي عظامها صغيره و لينه ما تتحمل اي ضغط
اذا قومتك و قعدتك بسرعه او بطريقة غلط ممكن تأذي النونو

ربي يحفظ لنا و لك عيالنا
و يقومنا جميييييييع بالسلامه يارب

[romanci_ms22]

نفس بنتي التانيه كنت بشكي للدكتور و اقوله جلد بطني وجعني من الحركه قالي في ناس بتتمني نشاط البيبي
ما شاء الله عليها باين عليها الشقاوه
ربنا يتملك علي خير و تقومي بالف سلامه