خايفة على بنتي من ابوها

[Omharoon]

السلام عليكم

اي نعم خايفه على بنتي من ابوها

اول ما انولدت حط ايده على انفها

بعدها بكم أسبوع وضع اللحاف على وجهها

واليوم مسك انفها بكل قوة ليكتم نفسها

ولما أكلمه يقول امزح اضحك هذي بنتي

كلمت أهله قالو ما يقصد

انا خايفه الحين لما اروح الدوام وتكون معاه

شنو أسوي !!!

[υм вtℓαα]

وعليكم السلام
مااظن ابو بالدنيا بيسوي كذا بقطعه من لحمه ودمه مولهالدرجه
اكيد في شي والا كيف بالله وش ذنبها المسكينه قولي لها ماتدري يمكن هي اللي تشيلك لاطحت
ماافي رحمه معقوله بقلبه

الله يهديه يارب
وقوولي له ياكم ناس يتمنون هالنعمه والاليش تزوج طيب دام يسوي كذاا

بصراحه حتى لو يمزح موبهالسهوله

[Omharoon]

ومرة يبي يكت عليها شاي حار

وكل شي قاعد يصير جدامي

بعد شهر ونص رايحة الدوام

وماني عارفه شنو اسوي

[حياتي توأمي]

لا لا لااااااا معقوووووله اللي انا قاعدة أقراه


اعوذ بالله ، لما شفت موضوعك بالأول قلت يمكن يمزح معك يشوف ردة فعلك

لكن لما قلتي يكت شيء حار عليها مو معقووووول يعني مو مزززرح أبداً شو هذا مافي بقلبه رحمة

حبيبتي ممكن تشرحين لنا اكثر عن نفسيه زوجك يعني شو اللي يخليه يسوي هالاشياء وشو هذا العنف بطفلة رضيعه لاحول لها ولاقوة

يعني هل كان يتمنى الولد مثلاً ولا زوجك فيه حاله نفسيه ، هل كان يعاملك بقسوة !!!!


كثير اسأله تدور ببال الواحد

استغفر الله ، ربي يهديه ولاحول ولاقوة الا بالله

[υм вtℓαα]

معليش خيتي زوجك ابدا موهوصاحي ولاهذي عقلية واحد كبير وفاهم
واللي يمكن يبي ولد والا ايش يعني مافهمنا وش المقصد


من راي تحطين بنتك عند والداتك او احد من اهلك افضل لها من انه تخلينها بالبيت باين عليه براسه شي

[Fatima 14]

سبحان الله في ناس في نعمة كبيرة وما حسين بيها حسبي الله ونعم الوكيل خبري زوجك أن في ناس بتتمنى في كل تانية وفي كل دقيقة أن ربي يرزقها ها النعمة يا رب شو ذنب ها الصغيرة يارب صراحة ما عرفت شو أقلك أنا لو كانت عندي ها البنت أسقط في النار مشانها هاي نعمة كبيرة زوجك ما عرف بقيمة ها الطفلة الله يهديه وخدي بالك من صغيرتك

[حياتي توأمي]

حسبيالله ونعم الوكيل

موضوع قااااهرني قهرررر

[ام ياسمين*]

هاذا زوجك مريض نفسي احسن شي انك ماتخلي بنتك معه وﻻ ثانية ولو إطر أمر انك ﻻتروحي دوام ﻻتروحي هاي قطعة منك وحافظي عليها بأي ثمن

[أم الزين]

مووووووو صاااااحي

[خلوني على صبري]

بطلي دوام واقعدي عند بنتك اولى

[انثى تكره الظلم]

لو ما تقدرى تبطلين دوااام خدى بنتك معك الدوام

كمان ممكن تنزليها توديها حضانه رعايه اطفال حديثى الولاده

وتاخديها اول ما تخلصين دوامك

الله معك ويحفظها يارب

تحياتى

[انثى تكره الظلم]

http://forum.hwaml.com/imgcache2/hwaml.com_1457974948_850.jpg

[نوت "̮]

والله انا كمان قلت اكيد بيلعب معاها وفرحان فيها ..
بس توصل انه بيكب عليها شي حار معليش زوجك يعاني من مرض نفسي
واذا ما تعدل الايام الجايه حرام تتركي بنتك عنده زي ما قالولك البنات ي تخليها عند اهلك او تشوفي بيبي سنتر توديها عندهم لين تخلصي دوامك وتاخذيها معاكي ..
بس ربنا يعينك عليه ويحمي لك بنتك ولا يفجعك فيها

[حياتي توأمي]

ياعالم

المشكلة مو في وين تخلي بنتها عن الأب سواء حضانه او بيت أهلها

المشكلة هذا أبوها لازم بيجتمع مع بنته ولازم الأم تلاقي حل معاه

يعني مو معقوله اللي قاعد يسويه انه توصل لدرجة يحاول يكب عليها شيء حار !!!

الموضوع يباله حسم وجدية ولازم هو ينوضع عند حده او يتعالج اذا هو مريض نفسي

الله يعينك يا اختي على هذا الزوج

[υм вtℓαα]

معك حق حياتي بس هو برضه مافكر فيها اللي هي قطعه من لحمه وودمه
دامه مايبي يجيب عيال ليش يتتزوج هذي نعمه من الله
شوفي حتى النفسي مايسوي فعاليه ع الاقل كان هجرها وخلصنا اما ان يؤذيها لاكلش ماهو صاحي

[خلوني على صبري]

الله يرفع عنك ويعينك بس الاب يبيله علاج خافي على نفسك وعلى بنتك منو الله يستر عليكم

[Omharoon]

هو من كثر ما يقرا عن الآباء اللي يقتلون ابنائهم متاثر فيهم و يحاول يسوي نفسهم يشوف النتيجة او ردة فعلي

لما واجهته يقول مستحيل أسوي في بنتي جذي هذي حشاشه يوفي

انا غشيم بس امزح معاها مو قصدي ومرات يقول أسوي جدامج بشوف ردة فعلج

[ام ياسمين*]

حبيبتي حاولي تقنعي زوجيك يروح يتعالج
معلش حبيبتي مابدي أخوفك بس في حالات كثيييير مثل زوجك انتها بهم امر انهم يقتلو ابنائهم وزوجاتهم
ﻻ تستهيني بالموضوع هاذا مو مزح ابداااااا

[Um sara1]

هذا موصاحي

المصيبه مو لما تداومي ممكن يضرها وانتي نايمه اومشغوله او او

استر ياستيرررر

[Omharoon]

طلبت ان يحط كاميرا لها وانا في الدوام

قال ما السبب

فقلت يمكن الشغالة ما تعتني فيها

فقال لا تحاتين انا والوالدة موجودين لا تخافين

[أنوار الولاية]

لا حول الله ولا قوة الا بالله ..

ناس في نعمة ومو حاسين بيها ..

الله يحفظها ويهدي زوجك .. لكن شو السبب ؟ طفلة في برائتها !

كلميه وواجهيه شو السبب ؟

الله يعينش تفكير الجاهلية هذا

[أنوار الولاية]

هو من كثر ما يقرا عن الآباء اللي يقتلون ابنائهم متاثر فيهم و يحاول يسوي نفسهم يشوف النتيجة او ردة فعلي

لما واجهته يقول مستحيل أسوي في بنتي جذي هذي حشاشه يوفي

انا غشيم بس امزح معاها مو قصدي ومرات يقول أسوي جدامج بشوف ردة فعلج

اسمحي لي حبيبتي ..

هو مش طفل حتى يتأثر بقصص وما يعرف يفرق بين الحرام والحلال والصح والخطأ !

[υм вtℓαα]

يشوف رده فعلك ليش جايه بسهوله يعني
كلش بتعب ومن دمه ولحمه وش هالقلب

يختي الواحد يشفق ع عيال الغير موعاد اللي منه وفيه
الله يعينك هذا اللي اقول

[الصابرة23]

احلفك باغلى شيئ عندك لاااااااااا تتركي بنتك ولا لحضة وحياة بنتك متتركيهاش دوام ايه اللي يكون سبب في إيداء بنتك
اللهم احرسها بعينك اللتي لا تنام يا ساتر استر من كتر ما نسمع اصبحنا نخاف حتا من الحيطة

[تيم الأحمدي]

لاحول ولاقوة الا بالله
الأخوات ماقصروا ومني عارفه ايش اقول

[ام فافي]

استغفر الله العظيم لااااا صراحه مو طبعييييي وااااااعليييييي عليها
اقسم بالله انا لمن ولدت بنتي كنت اخاف عليها من الهوا الطاير ولمن كان يجي زوجي من الدوام اخليه يدخل يتروش ويتعقم ويحط معقم ع ايده عشان اذا مسكها مايجيها بكتيريا او جراثيم رغم انه زوجي نظيف جدا بس من حرصي وخوفي عليها من اي اذى وهذا تقولين يكت شي حااااار لااااا واضح انه عنده شي نفسيييي
طبعا تكنسلي دوامك وتقعدين عند ضنا قلبك مافي شي بالدنيا اهم من بنتك اصلا انا لو بموت جوع وما بحصل لقمه اكلها ما اخلي بنتي عند حد يمكن عند امي اوكي بسسسس احط بنتي عند احد وما يتأمن فيه اعوذ بالله
والله اني انقهرررررت قهرررر انتبهي عالبنت دخيلج ولا تسمحين لاي مكروه يصيبها ريي يحفظها ويحميها من كل اذى

[Huda.91]

جطي بنتك عند أهلك أحسن لك ولا تخلينها لحالها معاه
باين زوجك مريض مو صاحي الله يهديه
انتبهي على بنتك بالليل بعد

[A..N]

لا حول ولا قوه الا بالله ،،
رأي من راي البنات

الله ييسر امرج ويحفظ بنتج يارب

[العليا]

عادي ابوها و يلعب معاها ما فيها ششي ما اظن بيضرها في الاخير هي قطعه من قلبه و البنت معروف عنها بنت ابوها لا تكبرين الموضوع يا اختي