مستشفيات جده

[Bssma w]

السلام عليكم
كيفكم يابنات
انا دخلت التاسع ولحد الان ما قررت اولد فين
روحت الطبي الدولي وما استقبلوني لاني ف التاسع واغلب المستشفيات
نفس النظام

والان بفكر اروح مستشفى ايه التخصصي عند دكتوره فاطمه العتيبي
الله لها تجارب تقولي وتطمني لانها مستشفى جديده ومافي تجارب كتير

الله يعطينا السلامه جميعاً

[zena]

الله يقومك بالسلامه اسفه ماعندي معلومات

[Om nony 3nony]

معقولة بالتاسع مايستقبلو؟
انا بنص السابع ولحد الان ماقررت اولد فين
أخذت موعد بالأطباء المتحدون أعطوني موعد بعد اسبوعين
وان شاءالله الاسبوع الجاي موعدي عندهم عند دكتورة ريم محلي وبسأل عن الولاده وكل شي بس ان شاءالله انهم يستقبلو ومايقولو مانستقبل خوفتيني الصراحه

[Bssma w]

معقولة بالتاسع مايستقبلو؟
انا بنص السابع ولحد الان ماقررت اولد فين
أخذت موعد بالأطباء المتحدون أعطوني موعد بعد اسبوعين
وان شاءالله الاسبوع الجاي موعدي عندهم عند دكتورة ريم محلي وبسأل عن الولاده وكل شي بس ان شاءالله انهم يستقبلو ومايقولو مانستقبل خوفتيني الصراحه

الاطباء يقبلو عادي بس انا مني حابه اروح الاطباء بس يقبلو حتى لو يوم الولاده بس روحتيلهم

[خلوني على صبري]

غريبه هذا النظام مايستقبلو روحي فقيه احسلك حلوى ولادتهم

[Om nony 3nony]

ايوا ياقلبي ولدت ف الأطباء بولدي وبنتي مرتين اولد عندهم غرف الولادة عندهم الصراحه كبيرة وتفتح النفس لك والي مرافق معك
بس صراحه لمن ولدت فيها اول مرا في بكري كان من أجمل مايمكن رعايه وعنايه واهتمام وخدمه فندقيه بكل شي
وبولادتي الثانيه مش قد كده كانو من ناحية الرعاية والاهتمام بس يستخير وأتوكل على الله وأروح واشوف الوضع الحالي والله يكتب لي ولَك وللجميع الخير

[Bssma w]

غريبه هذا النظام مايستقبلو روحي فقيه احسلك حلوى ولادتهم

فقيه زحمه ولو تبغيى مواعيد مافي الا بعد شهر 8 ميلادي كل الحجوزات فللل ف ما بالك بالولادات

[بحــ العيون ــــــــر]

مدام عند فاطمه العتيبي لا تشيلي هم كثير ممتازه ماشاء الله عليها
الله يسهلهاااا عليك يارب

[خلوني على صبري]

فاطمه العتيبي مو في فقيه

[خلوني على صبري]

يارب رحمتك مافي مواعيد اجل فين نولد

[Meryama]

حبيبتي اذا عندك ملف في الطبي الدولي اذا حسيتي بوادر ولاده
ادخلي لهم طوارئ باْذن الله يستقبلوكي
انا الاسبوع ذَا عندي موعد عندهم
بسأل لك و استفسر عن الطوارئ يقبلو ول لأ

و زي ما قالو البنات ما دام انتي مع فاطمة العتيبي
هي أشهر من نار عَل العلم خليكي متطمنه

و ربي يسهل لي و لك ولاده حلوه
و لكل الأمهات يارب

[Om nony 3nony]

بنات انا امس كنت بمستشفى الأطباء المتحدون عند الدكتورة ريم محلي
سألتها عن الولاده وكده وقالتلي الطبيعي يبدأ ب ١٠ آلاف وإبرة الظهر ب ٢٧٠٠
الأسعار مرا زادت عن اخر ولاده ليا عندهم قبل سنتين ونص
وكمان كشفيتها صارت ب٣٥٠
وطلبت مني تحاليل وأشعه تفصيلية لاعضاء الجنين ضروريه قبل الولاده حق الثلث الأخير قيمتها تقريبا ١٧٥٠
لكن المواعيد مرررا متعبه صراحه موعدي من ٥ ونص مادخلت غير ٩الا ربع ده غير الاشعه التفصيليه وبعض التحاليل لازم ينأخذ لها موعد كمان :(
وبس حبيباتي حبيت أفيدكم
الله يتمم عليا وعليكم بالخير والسعاده

[أم تالين6]

فاطمه العتيبي مو في فقيه

لا حبيبتي طلعت منه فقيه من زمان

[خلوني على صبري]

ربنا يسهل راح افتح ملف في فقيه وفي الطب الدولي واسوي كل التحاليل المطلوبه وبعدها اسحب عليهم لحد يوم الولاده واقرر فين اولد انا حاليا اراجع في العسكري بصراحه ارتحلهم في الفحوصات بس وقت الولاده راح اشرد

[يارووووحي]

انا من رجب ماراجعت بفقيه والسبب المواعيد الله المستعان .. الحين اراجع بالعسكري مؤقت .. وبالتاسع اذا لقيت موعد والا اروح طورائ ..
شوفي اكيد فيه انتظار بالطبي مثل فقيه واذا مالقيتي روحي فقيه بالولاده مرا كويسه والله يعينك عالانتظار

[رضآك ربي]

مررره مافيه مواعيد بفقيه كلها انتظار .. انا ناويه ان شاءالله اولد بفقيه
الله يسهلها وييسرها ياااارب ..
خلوني على صبري تفكيرك زي تفكيري هههههههه انا كدا قلت افتح ملف عندهم وبعدين اجيهم وقت الولاده
بس مااعرف دكتوره شاطره عندهم حاليا .. غير سحر ملودي لانها مو على التامين
اللي تعرف غير سحر ياليت تقولي ...