هل مافعلته صح او غلط 🚫

[أم مـــاريا]

السلام عليكم و رحمة الله




كيف حالكم بنات
انا من ثلاثة شهور و زياده نقلت من بيت أختي "احنا كنا مستأجرين عندها"
الى بيت اصغر

بيت اختي كان كبير علينا و نظامه دورين و انا كل ماحملت اعاني منه ، فقلنا نظلع نعطي مجال اختي نستفيد منه و من حجمه مع انها كانت حابه اننا نبقى في بيتها و حاسه بالامان على حلالها




نقلنا شقه جديده
اصحاب العماره يسكنون باالدور الارضي و نحن الثاني
من يوم كلمنا مكتب العقار قال لنا اهل البيت يريدون ناس ماعندهم عيال لانهم ساكنين تحت و يبون ناس نظاف و مايخربون البيت و لا يزعجون "انبسطنا انا و زوجي قلنا عز الطلب قلنا شكلهم اهل البيت هاديين و ناس مرتبين عشان كذا يبغون ناس زيهم " لان كنا ندور بيت اهله مهتمين و نظاف ايضاً و هاديين
بعد معاناتنا في اول بيت سكناه بعد زواجنا و قبل مانسكن بيت اختي ،


المهم
بعد سكننا بشهر انتقلو اهل البيت لبيتهم و سكنو
يابنات ريحة المعسل تملا البيت و اصواتهم طالعه عندنا
و سوالفهم و رقص و طقطقه و تشجيع
و المشكله اغلبهم بنات مع امهم
انواع الازعاج و القرف يابنات
و المعسل ريحته في العماره كلها ، و اصواتهم فوق عندنا صراخ و ضحك و مياصه





في احد الايام من هالعيد
الصوت زاد مرره و الضحك و الروائح و الغناء و اظن جايبين اكبر سماعه في البلد
انا وصلت حدي كانت الساعه 2:30بعد منتصف الليل
ارسلت لامهم كيف الحال و عيدك مبارك اعتذر ولكن الاصوات ادت عن حدها
اتمنى تتفهمون و تنقصون للصوت شوي



ارسلت لي عندي ضيوف و البنات فرحانين و الدنيا عيد !!!!' 🙂


انا صُدمت من ردها و حسيت نفسي اني تلقفت و البيت هو بيتهم
و كمان مو عارفه كيف اتصرف مع همجيتهم هذي
دائما نفس الحاله كل ويك إند ماارتحت الا في رمضان


بعض خواتي قالوا ليه كلمتيها و عيب ، و زوجي قال عادي و زين جت منك و انا محتاره صراحه
كيف اتعامل معهم
و هل اللي سويته انا صح او تعدي على حقهم
و كيف نفهمهم ان كل هالاشياء تزعجنا اذا كان شافو ان كلامي عن الاصوات تدخل
و احس انها ماتقبلت انتقادي و هذا ولضح من طريقة ردها علي في الرساله







شورو علي وضحو لي الموضوع و كيف اتعامل مع هالاشكال
و هل مافعلته انا غلط ام لا ...😪




شاكره لكم

[أم مـــاريا]

احياناًاحس انهم متعمدين يتكلمون بصوت عالي
و يتعمدون رفع صوت الاغاني و يفتحون الشباك المطل على الحوش حقنا
مع ان الدنيا حر

و كل مامرينا انا وزوجي و هم بالغرفه المطله على الحوش تعلو الاصوات و تبدا ضحكات المياصه



هم طبعاً حريم لحالهم
و البيت ملك لهم
معهم عيالهم مراهقين اتوقع مالهم كلمه عليهم

[أم مـــاريا]

تخيلو اذا احد مر من الحوش حقنا يشوف عورة اهل البيت و كل مافي الغرفه

الشباك نازل يوصل لعند الكتف �� استغرب من البجاحه اللي زي كذا




بنات هل الوضع طبيعي وانا مبالغه والا كيف ؟ �� اول مره اشوف هالاشياء وانعامل معها

[υм вtℓαα]

شكل اهل البيت عايشين جوهم والام شكل بناتها هن اللي مشياتها ع رايهن
انا من راي تدوري غير هالبيت لانك راح تتعبين وباين عليهم الوضع فري عندهم وراح تتعبين انتي وهم ابرد ماعندهم
واحس انهم يبون يطلعونكم بهالاسلوب ودامها مااحترمت راي المستاجرين اعتبريها دجه
وشكل عيالها هم الحريم وهي الرجل ع الاقل تعذروا من زوجك واللي بدر

ودامه ريحة المعسل والصوت والطقطقه عز الله ماربحتي خير
باين عليهن قويات ولاهمهن احد
يختي ارجع عند اختك ابرك من القعده عندهم

[أم مـــاريا]

هم المشكله توهم ماعرفو خيرنا من شرنا
و الحمدلله نظاف و مالنا حس باالمره
يعني الظاهر مايسمعون الا هاالباب اللي دايم دريشتهم مفتوحه عليه حسبي الله عليهم


بس هم الاسابيع اللي قبل رمضان كلها كذا طقطقه واغاني و قلة حيا
و جا رمضان هجدو الحمدلله ع اساس احترام للشهر
و ريحة المعسل كانت صااااكه من بعد الفطور انا ابخر بيتي و هم يبخرون باالمعسل و يطلع الريحه لعندي و تخرب كل ريحه حلوه ببيتي

و الحين خلص رمضان و رجعو للفله انبسط يوم اشوف بيوم الدريشه مسكره و الجو هادي




حسبي الله و نعم الوكيل حرموني من الراحه و شيلوني هم كبير
و قرفوني بهاالحركات
بس البيت بينهم و يسوون فيه اللي يبون
هم لو هم مستأجرين كان شكيناهم بس لا هم الداخلين و حنا الطالعين بقلعة وادرين



بيت اختي ياام بتلاء جداً كبير و مليان غرف حتى بعضها لسى ماقدرنا نأثثه و هي خسرانه فيه علينا و كانت مراعينانا بالايجار و مطيحه سعر البيت
احس كنا ملخذينه و موقفين رزقها
يعني اللي ندفعه لها كان شوي من اللي يستحقه البيت ماشاءالله
و هذا احنا اول ماطلعنا ماشاءالله جوها مستأجرين و باالسعر الاساسي للبيت
ان شاءالله تتسهل الامور و نطلع و الله مااقول لا يا ام بتلاء

[Fatima 14]

حسبي الله ونعم الوكيل الله يكون في عونك بس حبيبتي لا تسكتي عل حقك هاد حقك هم شكلهم مو مرابين مو لازم يعملو هيك لأن احترام الجار واجب شو ها العصر موسيقى ورقص الله يهديهم يارب الضاهر ما في رجال في البيت اللي يحكمهم على العموم حبيبتي نصيحتي إلك إذا كان في إمكانك إنتقلي لبيت جديد وشي آخر خلي زوجك بعيد على ها المسخرة لأنو في بعض الناس بيعملو هيك حتى يلفتو إنتباه الرجال ومن بعد تبدا المشاكل تكلمي مع أمهم وإذا ما فهمت الكلام هون لازم تنتقلي لبيت جديد غاليتي راحتك فوق كل شي
الله يسهل لك أمورك حبيبتي ويهديهم يارب

[jojo 123456]

انا لو منك أنقل فورااااا هدول شلة ستات فلتنات لا ترددي في الرحيل حتى لو بيتهم حلو ورخيص الظاهر العالم لي سااكنة كمان رخيصة
حفااظا على راحتك وعلى زوجك انقلي في اقرب فرصة

[أم مـــاريا]

حسبي الله ونعم الوكيل الله يكون في عونك بس حبيبتي لا تسكتي عل حقك هاد حقك هم شكلهم مو مرابين مو لازم يعملو هيك لأن احترام الجار واجب شو ها العصر موسيقى ورقص الله يهديهم يارب الضاهر ما في رجال في البيت اللي يحكمهم على العموم حبيبتي نصيحتي إلك إذا كان في إمكانك إنتقلي لبيت جديد وشي آخر خلي زوجك بعيد على ها المسخرة لأنو في بعض الناس بيعملو هيك حتى يلفتو إنتباه الرجال ومن بعد تبدا المشاكل تكلمي مع أمهم وإذا ما فهمت الكلام هون لازم تنتقلي لبيت جديد غاليتي راحتك فوق كل شي
الله يسهل لك أمورك حبيبتي ويهديهم يارب





انا عارفه المقصد انو لفت انتباه حسبي الله عليهم

هو انا حكيت مع امهم بالواتساب و ردت علي بااسلوب كريه
حسستني انه انا غلطانه




ان شاءالله نقدر نطلع باالقريب

[أم مـــاريا]

انا لو منك أنقل فورااااا هدول شلة ستات فلتنات لا ترددي في الرحيل حتى لو بيتهم حلو ورخيص الظاهر العالم لي سااكنة كمان رخيصة
حفااظا على راحتك وعلى زوجك انقلي في اقرب فرصة






احنا باقي لنا شهرين في الايجار لأنو دفعنا مقدم لنص السنه
دفعنا حق ثلاث شهور عشان نرتاح من القسط الشهري

باقي لنا تقريباً هالشهرين
و الله يعيينني

الحمدلله كمان انتي ياجوجو نفس فكرتي و فكرة البنات
انه هذول الناس مثل ماجاء فبالي ،
الله يسعدكم حسستوني اني طبيعيه
انا قلت شكلي شايله هم بزياده و موجعه راسي
بس والله حركاتهم واااااضحه و يتعمدون بعض الاشياء





ان شاءالله نقدر نطلع قبل هاالشهرين كمان الله ييسرها
انا تعبت صراحه 🙂و مو ناقصه امور تشوش لي راسي
حابه اركز على امور الحمل و حياتي


الله لا يشغلنا الا بطاعته
و حسبي الله و نعم الوكيل

[أم مـــاريا]

و البيت هو اصغر من بيت اختي بس اغلا ب ٣٠٠٠ زياده من السعر اللي مأجرتنا اختي فيه ،
اختي كانت مررا مساعدتنا بالايجار و ماكنت مأجره البيت باسعر الحقيقي كانت منزله عن سعره ب ٦٠٠٠ اظن
كانت خسرانه بيتها فينا مع ان بيتها يستاهل اكثر
بس هي كانت قايله بتخلي الايجار كذا حق سنتين ثلاث سنوات من زواجنا وبعدين بترفعه
عشان كذا احنا طلعنا و عطيناها مجال تستفيد من بيتها

[υм вtℓαα]

الله يعينك
باين مثل ماقالت جوجو فلتانات
من الحين طيب دورو ع غير هالشقه ع مايخلص هالشهرين
والله يسهل اموركم يارب

[حياتي توأمي]

ام ماريا

مايبالها كلام انتقلي من هالبيت فورااااً

اشمعنه هم اشترطوا يسكنون ناس بدون اطفال

وليش انتو مالكم حق انكم ترتاحوا

نصيحة ابعدي عن هالأشكال انتي ارقى من انك تعيشين وسط ناس بهالأخلاق

خافي على زوجك من عوراتهم ع قولتك عوراتهم واضحة والشيطان شاطر

المفروض تاخذي القرار بأسرع وقت لحقي ع زوجك هالأشكال مالها أمان

واللي سويتيه انك ترسلين لهم هذا صح ومب غلط

اتصرفي بأسرع وقت

والله يسهل أمورك وتستقرين في مكان مناسب

[حياتي توأمي]

من رأيي ترجعي لبيت اختك لأنك كنتي مرتاحة فيه

او شوفي شقه غير هذي

والله لو منك ما انتظر هالشهرين يمرون حتى لو دافعه فلوس

ياشيخة اقنعي زوجك وانفدي بجلدك من هالناس واضحة نواياهم الخبيثه اعوذ بالله من هالأشكال

[ام ياسمين*]

الله يعينك حبيبتي على هالأشكال
احترس منهم وﻻ تكلامهم باين نواياهم الخبيثه

[أم مـــاريا]

والله يا حياتي اني مره تعبت وودي اطلع اليوم قبل بكره

حتى زوجي متأذي و يقول كل طلعه للصلاة الا مايسمع صوت
و الدريشه كم مره يجي يقول لي احس انها غلط انهم فاتحينها و هم عارفين ان في رجال يمر كل شوي من هنا
و كم مره يجي يعلّق و متأذي منهم على انه المعسل اللي ريحته ماليه البيت
كنت اقعد اقول له اكيد انه ولدهم المراهق محرق صدره بهاالمعسل
و هي واااضحه الريحه و صوت الحريم و الاغاني طالعه من مكان واحد و واضحه انها فلتهم هاالشكل
خفت اكثر يوم زوجي لاحظ معي هالدريشه اللي ماتنفتح الا اذا هم موجودين
يختي الجو حار و الواحد مايبي نقطة هوا حار يجي من برا باالذات اذا المكيف شغال
اتعجب شلون مكيفهم اللي مطل عالحوش شغال و هالدريشه مفتوحه شلون اصلاً بيبردون!!



الحمدلله بدينا فعلياً ندور
لأن بيت اختي راح على طول تم استأجاره بعد ماطلعنا



دعواتكم ان الله يكفيكم و يكفينا شر الفتن و يبعد عنّا كيد و قرف هاالاشكال
الله يحفظكم جميعاً
ام بتلاء فاطمه جوجو حياتي توأمي و ام ياسمين
الله يبعد عنكم كل شر يا خواتي

[أم حمودي وعبودي]

ارجعي بيت أختك وإذا مستحية منها عشان خسرانة بالأجار اعطيها أكثر

[أم مـــاريا]

ام حمودي اختي استأجروا بيتها ناسٍ بعدنا
بعد ماطلعنا
و مااظن بيطلعون لين يكملون السنه

قاعدين انا وزوجي من امس طول الوقت على موقع حراج ندور شقق تناسبنا و بنبدا نطلع مكاتب العقار
مااظن زوجي بيمديه يخلينا ننقل بهاالشهر هو قال ماراح اجدد العقد للسته الشهور الثانيه
عاد المره الجايه بعد ماننقل بإذن الله بنركز على الجيران و على اللي حولنا
و بنسأل مكاتب العقار عن كل شي قبل نسوي العقد

[حياتي توأمي]

اللهم آمين ام ماريا
الله يبعدنا ويبعد ازواجنا عن فتن الدنيا اللي مالها أول ولا آخر ماليين الدنيا حسبيالله عليهم

حبيبتي الحمد لله انكم اخذتوا القرار بسرعه واذا اختك أجرت بيتها الله يوفقها

شوفي شقه غيرها ونصيحة لاتدفعوا الاقساط مقدمة لكذا شهر ادفعوا للشهر الأول او بالكثير لشهرين لين تحسوا المكان أمان وإنكم ارتحتوا فيه


وربي يسهل أمورك اختي ام ماريا

[أم مـــاريا]

اللهم آمين



و ربنا ان شاءالله يسهلها



و حسبي الله و نعم الوكيل
الله يجعل تدبيرهم في تدميرهم
الله يصرف شرهم عنّي و عن زوجي لين نطلع




اي والله بيت خيتي تأجر
و صحيح غلطتنا دفعنا المبلغ كامل
احنا متعودين من كنا عند اختي نرتاح و ندفع حق نص السنه مع ان اختي و اغلب مٌلاّك العقارات صارو مخلينها شهرياً

بس احنا نقول نبي نرتاح و مانشيل الهم
عشان كذا ندفعها مره وحده
و نريح روسنا من التفكير بالايجار كل شهر

بس مايبي لنا نعتمد هالنظام مع البيوت اللي مو عارفين اصحابها



الله يعين

[Fatima 14]

آمين حبيبتي الله يبعد عنا أصحاب السوء ويحفضنا ويحفض أزواجنا
ام ماريا تاني مرة راح أقولك إبعدي عنهم وريحي حالك

[بحــ العيون ــــــــر]

مااقصرو البنات يا الغلا ربك يعين وتلاقين انا مثلك جاالسه ادور وربك يسهلهااا عليك وعلينااا يا الغلا

ويبعد الشر عنكم وعنااااا

وماا دام هذي بدايتهااا انسي استغفر الله العظيم

والأفضل انكم تدورون بنفسكم من المكااتب لو راح تجلسين على مواقع الحراج رااح يطول معك الوقت

[أم مـــاريا]

ايه طلعنا يا بحر
و موقع "حراج" لهم تطبيق في الآب ستور باالعكس مفيد و اسرع لك
يحدد موقعك و يفتح لك البيوت المعروضه للايجار في الحي اللي انتي تحددين
و صورها و ارقام وتتواصلين مع رقم المكتب و تروحين تشوفين البيت

ك

و فيه بيوت كويسه و اسعارها زينه ازين من سعر شقتنا هذي
بس باقي مابيمدينا الحين لأنه عندنا مصاريف لزواج اخوي و حوووسه




تخيلو البارح نفس الحكايه
اذن العشا و حنا باالسياره ف ماامدا يصلي زوجي الا باالبيت و متأخر

جينا و البيت طقطقه و اغاني و تقولين عرس فيه
تخيلو شغلنا المكيفات و الدرايش مانفتحها اصلاً مع هاالحر
تخيلو والله ماامدانا نركز باالصلاة
زوجي يكبر و يرجع يقطع صلاته
يقول والله ماعرفت اركز
شوفو يعني قد ايش الصوت عالي
بطريقه مبالغه فيها

والله اذكر فبيتنا الاول يوم جيرانا عندهم حفله او مناسبه خاصه و هالحاله تجي مره كل كم سنه
يشغلون اغاني و نسمع بس مو لهاالدرجه الصوت عالي لدرجة اللي واقف عند باب الشارع يسمع
و حاولنا ننام بهالاصوات و الحمدلله قدرت انام
صحينا للدوامات يابنات الساعه ٨ و الله العظيم صوت اغاني
اقسم بالله العظيم ��


انقرفت انا
قمنا عاد و حنا طالعين حطينا تلفزيون الصاله على قناة السعوديه للقرآن
و رفعناله اعلى صوت وطلعنا
كذا عناداً



حسبي الله و نعم الوكيل
حالتهم زادت المرضى



الله لا يوريكم هاالشي

[أم مـــاريا]

فاطمه


والله قاعدين نحاول على قد مانقدر


الله يسهلها

[ام ياسمين*]

بصرحة اخاف يكون هالناس مشبوهين حاولي ياحبيبتي تطلع حتى قبل شهرين انفدي بجلدك او ﻻ تحول تكلميهم عن الصوت العالي لايجيبولك بلوة ﻻ سامحة الله هالناس ماينفع معهم الحكي وإحتريس منهم وإحرسي على زوجك منهم والله يعينك حبيبتي

[أم مـــاريا]

صحيح ام ياسمين

هم ماراح يكونو مشبوهين و بقضايا
بس اكيد والله جت فبالي انو لو حصل و كلمتها مره ثانيه راح يبدو يسوو لنا شي او يحاولو يضايقوني في زوجي



زواج اخوي بعد اسبوعين
الراتب ينزل لنا قبل الزوج بيومين
راح يكون الراتب القادم لي و لزوجي لتجهيزات الزواج و اللي يتبقى من رواتبنا
راح نحطه ع جنب و نزيد عليه الشهر اللي بعده و راح نطلع ان شاالله


وقاعدين ندور بيوت يكون دفعتها الاولى بسيطه
اذا حصلنا فا رح يمدينا نطلع بما يتبقى من رواتبنا هاالشهر




الله ييسرها

[بحــ العيون ــــــــر]

ربك يسهلهااااااااااااا عليكم يارب ويسهلهاااااااااااااا علينا
ويريح خااااطرك

والله يكفيكم شرهم ياااااااااااااااااارب

وحاااولوا قد ماااتقدرين لا تحتكين فيهم لين مااتطلعين لانهم من شكلهم ناااااوين با المشااااااااااااااكل عيني عينك
وعلى الموقع اعرفه يا الغلا مو انا مثلك ندور فيه بس اذا أي وقت فااضين نروح ندور با المكااتب ونشووف الحي بعد مريح ولا لا

[حياتي توأمي]

الله يعينك ام اماريا

لااااا خلاص لاتفكري تكلميهم ابد عن ازعاجهم فعلاً هالناس ممكن يجيبولك بلوة الله يبليهم

انتي وزوجك دوروا على مكان ثاني بسكاااات وتحملوا هالفترة لين تطلعون من هالعالم


الله يسهل أمورك

[أم مـــاريا]

بسكات هذا اهم شي



وهذا اللي جا فبالي



الله يجزيكم خير خواتي

[ام ياسمين*]

الله يسهل عليك حبيبتي وتلقون بيت حلو وحتى اصحاب طيبين مثلك ياقمر

[أم مـــاريا]

اللهم آمين يا ام ياسمين ياجميله ❤️❤️

[بحــ العيون ــــــــر]

معليش يا الغلا والله نسيت اقوولك على شئ كثيرررررررر مهم وعن تجربه

انصحك لا لا لا تستاجري بيت يكون المااالك سااكن فيه نصيحه لوجه الله

احنا مشااكل مع راااعي البيت بشكل متتوقعينه وحنا لحاالنا ماافي بزارين مثل مااقال
وشرطنا لماا نسكن انه الحوش تبع الشقه لنا لانه عنده حوش لحااله
طبعا واافق والحين مغير رايه ماشاء الله يوم تشووفين عياله با الكوره ويووم جااب الكراسي حقته القديمهااا ورصهاا عندنا

يعني بيت فيه راااعيه انسي لو كااان ببلاش مااراح نغلط ونجلس فيه

لانه الشقه الي كنت فيهاا اول مرتااحين فيه بس الغرف كثيره علينااااااا والايجاار غالي كثيرر مره
ورااعي البيت مو معااااانا

والحين حنا ندور وكل ماا رحناا مكاان نسأل فيه راعي البيت ولا لا منيوم يقول لا نروح ونشووفه واذا قال ايه نقول لا ماانبي

ربي يسهلهااااااااااااااا عليكم وعلينااااااااااااااااااااا

[أم مـــاريا]

جبتيها يا بحر

تصدقين توقعت انه اريح لما يكون صاحب البيت فيه

و بينتبه و بيراعي
و توقعت هذي الحرمه حاله خاصه


بس دام الوضع كذا بااكد على زوجي و حنا ندور يقول لراعي المكتب مانبي مع المالك





الله يجزاك خير
والله ماكانت فبالي باالمره

[υм вtℓαα]

الله يعينكم والله مهازل هالاجار وغير كذا غالي مرره

الناس قامت تتاجر بالشقق حشى موسكن

وع قولتك بحوره لاصار راعي البيت فيه قسم غثى وكل شي بيحطه ع المستاجر وغير الاهانات اللي يشوفها الواحد عينك عينك

[أم مـــاريا]

يا رباه يا الغلا


الله يقرفهم
مستغلين الشعب والله