مشكلتي مع تأخر الحمل تحليل زوجي يتناقص بالحركة والعدد

[*جوود*]

مشكلتي مع تأخر الحمل تحليل زوجي يتناقص بالحركة والعدد
مشكلتي مع تأخر الحمل تحليل زوجي يتناقص بالحركة والعدد


السلام عليكم حبيباتي
انا عضوة جديدة انضميت لمنتداكم الرائع
انا متزوجة من سنه واربع شهور وماحملت بالبداية قالت لي الدكتورة ان عندي هرمون الحليب مرتفع وتكيس بسيط وضبطتها الحمدلله واخذت منشطات شهرين ورا بعض وماصار حمل وقالت الدكتورة وضعك ممتاز لازم زوجك يحلل ولما حلل صارت الصدمه عنده ضعف في الحركة 10 بس والعدد 20 مليون بدا يتعالج اول شهر ومع العسل بعد وحلل بعد شهر والحركة ماتغيرت والعدد نقص صار 9 مليون وبعدها ترك العلاج لمدة شهرين تقريبا وبعد ضغط مني رجع لعلاجه وحلل بعد اسبوع من رجعته للعلاج والصدمة ان الحركة صارت صفر والعدد 5 مليون وفيه لزوجه وصرف له الطبيب اورثومول فيرتل بلس لمدة 3 شهور له الحين اسبوعين

الي محيرني ومخوفني ليش تحاليله تنقص كذا ؟
انا ودي احمل طبيعي ومابي الحقن المجهري خايفه من فشله وغير كذا انا معلمة في قريه ووراي طريق شلون لو حملت بالحقن
ذبحني التفكير والقلق
طمنوني بنات
انا خايفه ان حالة زوجي تكون ميأوس منها من هالتناقص المخيف وخاصه ان عمري فوق الثلاثين احس كل الظروف ضدي يارب رحمتك hwaml78
hwaml80

[υм вtℓαα]

وعليكم السلام
اهلا وسهلا فيك

مع العلاج يتحسن بس خليه يستمر
والحقن طبعاا للي مستعجل وكل ع حسب حالته يعني الدكتور يقرر
كمان اذا كان يدخن او يشيش ياثر ع الحيوانات المنويه

استخدمي خلطة المكسرات مع العسل
وخليه ياكل جرجير ربيان الاشياء اللي تقوي ماء الرجل البصل الثوم

اللله يرزقكم يارب ويفرح قلوبكم بالذريه الصالحه

[Fatima 14]

أختي جود كلو بيد الله الله يرزقك بس إعملي خلطة العسل وطلع النخيل وعليك بكترة الإستغفار وسورة البقرة والله يسعدك يارب

[لاجئة إلى الله]

حبيبتي زوجك لازم يأخذ فيتامينات مع خلطة العسل وأنصحك بكثرة الإستغفار وقراءة الرقية الشرعية والبقرة والصدقة وقيام الليل وحصني نفسك بالأذكار وأبشري بالخير والفرج بإذن الله، هناك العديد من القصص في النات حملو بدون حتى علاج بفضل كثرة الإستغفار وخذي بالأسباب الطبية وربي يرزقك حبيبتي عاجلا غير آجل بالذرية الصالحة.

[بحــ العيون ــــــــر]

البنات مااقصرو معك ياالغلا

وربي يسهل امرك

ويرزقك ويرزقني وكل محرروم يااااااااااااااااااااااااااارب

[بنت المرحوم]

الله يرزقك
اولا المفروض مايحلل الا بعد 3 شهور من بداية العلاج
ربي كريم وراح يرزقكم

[ذروة امل]

حبيبتي لازم ب اسرع وقت يسوي تجميد لانه ممكن يلقى العدد صفر الله لايقدر
وبعدين لسى بدري الحمدلله توكم ب اول حياتكم لكن احتياطي يجمد عينه
ونصيحه بما ان هذا وضعكم ؟؟ افضل شيء الحقن المجهري لان مدة علاج العقم تطول وحرام تروح سنين عمرك وفي حل لله الحمد

[ذروة امل]

توي انتبه لعمرك ياحياتي لا تضيعين الوقت استغلي الاجازه وسوي العمليه وان شاءالله ربي يفرح قلوبكم
العمر له دور في نجاح اطفال الانابيب وعلاج العقم يطول اكثر من تخيلك

[smile girl]

حبيبتي الله يصبرج ويرزقج الذرية
ويارب يتحسن زوجج

بس اذا تريدين رآي اني اكول انتظروا بعد سنة اذا مصار حمل لجؤء للحقن حتى هم تكون نسبة نجاحة عاالية بما انو بعدهة اعماركم زينة

وربي يرزقكم الذرية الصالحة

تحياتي الج

[تمنيتك بأحلامي]

ربي يرزقك بالذرية الصالحة يارب
خل زوجك يلتزم بالعلاج اللي عطاه الدكتور وياكل كل يوم عالريق ملعقة عسل ملكة النحل
وبعد 3 شهور يحلل وان شاء الله خير
ولو ماصار في تحسن لاسمح الله الافضل وبأسرع وقت تسوون الحقن المجهري
مافي داعي للخوف ممكن تنجح وممكن تفشل
توكلوا على الله وسووها العمر يمشي اختصروا الوقت افضل شي