نزول الجنين الى الاسفل والنبض سليم واستعمل مثبت

[غــلاتي حمــودي]

نزول الجنين الى الاسفل والنبض سليم واستعمل مثبت
نزول الجنين الى الاسفل والنبض سليم واستعمل مثبت


بنات طمنوني الله يطمنكم توني جايه من الدكتوره وقالت لي شهر ونص وانا حامل وشافت النبض وقالت عم ينبض سليم بس نازل شوي وعطتني مثبت بنات شنو يعني نازل وهل راح يسقط وله مع العلاج والراحه يصير تمام والله اني مقهوره لان قبل صارلي اجهاض بس طمنوني نازل شنز يعني وهل يصيى تمام مع العلاج ياربي الي ترد عليه ادعي لها

[υм вtℓαα]

ماعندي علم خيتي
بس انتي خليك مستمره ع المثبت وخلي التفكير والقلق عنك
ربي يتمملك بخير واهم شي ارتااحي

[ترياق الحياه]

سوي اللي تقولك عليه ولاتكثري مشي خليك ع ظهرك وارفعي رجولك لين مايرتفع مع المثبت
وماعليك ربي يثبته ان شاء الله

[زهره العمر]

لايظل بالك ياعمري سلمي بيد الله امانه
ولاتخافي اختي زيك شهر ونص قالتها طبيبه نازل بس عطتها مثبت وقالتلها رتاحي والحمدلله هسه ٣ اشهر ماشاء الله
انتي ظلي استغفري واقري على بطنك وريحي نفسك
ان شاء الله مافي الا الخير
يارب يسهل لنا حملنا وترزقني ويرزقكم بولد يارب

[حياتي توأمي]

إلتزمي الراحة ومع العلاج وان شاء الله ربي راح يتمملك على خير

الله يثبته لك وتقر عيونك بشوفته سليم معافا

[خلوني على صبري]

القلق والخوف يزيد عليكي وكلي امرك لله وربي يحفظه اهم شئ التزمي الراحه ولا تشيلي ثقيل اوخفيف وظلي انتي نايمه ارفعي رجولك لفوق حطي مخده اوتكايه المهم طلوع درج ونزول بلاش منها حاولي ترتاحي بقدر المستطاع وان شاء الله يرتفع ويثبت

[mnoosh980]

ربي يثبتلك حملك ويتممه ع خير انتي ارتاحي وكلي امرك لربك واستودعيه الله واسمعي كلام الدكتورة والزمي الاستغفار وهدي حالك شوي القلق والخوف والتوتر مو مناح

[حبيبةة امها]

مثل ماقالوا لك .. اسمعي كلام الدكتوره وخليك مرتاحه وعلى المثبتات ..

الله يثبت حملك ويقر عينك بشوف طفلك

[عقيلة.]

يا اختي ريحي نفسك هذا شيء عادي انا اعرف ناس كثار صارلهم مثلك والتزمو بمواعيد الطبيبة والراحة التامة وبعدين ولدو عادي
ما قالتلش نعملك ربط

[غــلاتي حمــودي]

شكري الى كل الي ردوو عليه طمنتوني والله شكرا كم كل قلبي الكم