سؤال لبنات الرياض عن افضل دكتورة تحدد نوع الجنين

[حبيبةة امها]

مرحبا ..

حبيت اسئل اللي من الرياض خاصة شرق الرياض .. من تعرف دكتورة شاطرة تحدد نوع الجنين بنص الرابع او نهايته ويكون كلامها صح 100% يعني ودي بدكتورة شاطرة غير عفاف اللي بمستوصف الجزيرة لان عليها زحمه حيل ماشاء الله .. جربتها مره وماندمت معاملتها طيبه وتعطي كل تفاصيل الجنين وتحلل السونار صح و تخليك تشبعين من البيبي وتمزح وروحها حلوه بس طولت وتعبت من الانتظار زحمممممه ماتوصف.. ضليت اكثر من 6 ساعات انتظر .. ودي اجرب دكتوره ثانيه بشطارتها .. اللي تعرف لاتبخل علي

[υм вtℓαα]

ان شاء الله بنات الرياض يفيدونك
الله يتمملك ع خير

[حبيبةة امها]

امين يارب ..مشكوره ام بتوله

[ro_n]

انا كمان ابغى اعرف
نصحوني بمنى الريس اعتقد اسمها كذااذا مو ناسيه
يقولو تعرف جنس البيبي من مقاسات العظام

[حبيبةة امها]

وين مكانها !

[ro_n]

للامانه ماعندي علم بس ممكن تبحثي وتسإلي عنها

[اتعبتني جروحي]

والله يابنات اللي يروح للدكتوره فاطمه حسين بمستوصف لمسة الفارابي ماراح يندم
ممتازه ممتازه ماتتخيلون وتحدد لك جنس الحنين بالشهر الثالث
اشعتها دقيقه واسلوبها جيد وممتاز ودكتوره دينه وتخاف الله

[حبيبةة امها]

وين مكان المستوصف ؟ اخاف بعيد عني ..

[اتعبتني جروحي]

الدكتوره ياقلبي بمستوصف لمسة الفارابي
بالبديعه شارع المدينه بقرب اسواق الرياض الدولي

[ro_n]

الله يبشرنا بما انفسنا
ويقر اعيننا فيهم من غير سوء ولاشر يارب
واتذكرو دائما خيرة الله اجمل من امانينا ♥️

[Rawanals]

فيه الدكتوره هناء بمستوصف الثميري 2 بالروضه

[حبيبةة امها]

سمعت ايضا عن الدكتورة الهام بمستوصف الفرائضي بس مادري ماعمري رحت هناك .. احد يعرفها او سمع عنها ؟

[hayaSs]

منى الريس بمستوصف الشبلان
عليها مدح كثير ماجربتها بس زميلات لي جربوها وفعلا يجيبون نفس الي تقول ❤