حوامل

[حكاية روح]

مرحبا بنات كيفكم دلوني ع محلات حوامل بالرياض تعبت وانا ادور مايعجبني شي

[ساره33]

طيب ليه ماتطلبين من النت اريح لك

[أم مـــاريا]

انا باالرياض والله
و ماكنت الاقي شي
في المحل حق الحوامل اللي بالرياض جاليري بوابه ٤ اذا ماخاب ظني ماعجبني فيه شي
حاجاته باهته ماتستاهل اسعارها
والا اوفر


كنت آخذ الفساتين الصيفيه اللي لها قصة من عند الصدر من محلات الملابس النسائيه العاديه
ايكونيك اكثر شي اخذت منه اللي بالرياض جاليري
فيه حاجات تصلح تنسقينها و تسنعينها و تضيفين لها شال و حركات كذا
و تصير ملابس حوامل و لا احلى
و عندك موقع جولي شيك احسن من تاجرات الانستاقرام ، تلاقين تطبيق جولي شيك بالآب ستور بالجوالات

وحده من خواتي كانت تروح محلات المراييل حق الطالبات و تاخذ لها المريول الخارجي اللي له ربطه حق الكبار ، تاخذ كل الوانه
و تلبس تحتها اي قميص او فوقها اي بلوڤر والله يطلع شكلها مرتب و يمشي حالها ذا كان قبل ١٠ سنين من آخر مولود لها ��
بس انا احب الالوان و الملابس المشجره و الفواتح و مااحب لبس الحوامل التقليدي الجدّي
فااقترح عليك تسوين مثل ماقلت لك نسقي و خذي من المحلات العاديه فساتين و بيمشي حالك

[υм вtℓαα]

بدل ماتتعبي حالك وتفري بالمحلات روحي محل الاقمشه وفصلي مايعجبك والموديل اللي تبينه

انا بصراحه كنت اشتري من المحلات بس من تالي صرت اطلع موديلات واروح افصلها وكان الله غفور رحيم وكمان نازل قماش طبيعي الجلد مايتحسس منه مشجر وساده

[بحــ العيون ــــــــر]

ربي يتمم لكي على خيررر

وان شااء الله البنات مااقصرو معك ياالغلا

[افنان الحربي]

مثل ما قالت لك ام بتلاء فصلي ولا خوذي من خواتك

[ساره33]

جولي شك كثير غالي وبضاعته ماتسوى ..
احسن شيء علي اكسبرس .. موقع منتجات حلوه وباسعار جميله في للحوامل وممكن تستغلين القطعه حتى لبعد الولاده يعني البجامه تصلح حوامل ورضاعه
والبلايز حوامل ولها فتحه لرضاعه جميله وهاديه جدا اكتبي بس علي اكسبريس ويطلع الموقع وفي تحميل تطبيق اقصد برنامجه علي اكسبريس