فيني طلق وافرازات مصحوبة بدم والرحم 2 سم من 3 اسابيع

[مجهولة زماني]

ابي اشياء توسع الرحم للولادة
حاليا اني بالاسبوع 35 و 6 ايام
وقاعد ينزل مني دم مع الافرازات
والم الطلق معاي حتى المستشفى تنومت فيها
يومين وطلعت على مسؤوليتي
توسعه مافيه بس طلق وافرازات مصحوبة بدم
عندكم حل حق ولادة ابي اولد بسرعه
وغير ان الرحم متوسع من ٣ اسابيع
ومو راضي يتوسع حتى عطوني ابر مهدئة لعضلات للرحم
وعشان توسعه واولد بس مانفعت معاي وبعد ماتوسع لي
ولسى هو ٢ سم ولا تغير شي قبل الابر وبعد الابر
اذا تعرفون شي قوي يفتح الرحم ساعدوني وكتبوه

[υм вtℓαα]

المراميه زينه تفتح الرحم
والمشي خيتي كثري منه والجماع بعد
الله يقومك بالسلامه يارب

[ترياق الحياه]

الله يهون عليك ويقومك بالسلامه ويسهلها عليك

[بحــ العيون ــــــــر]

ربي يسهل عليك
ولاتنسيني من دعواتك ربي يرزقني ياالغلا


http://forum.hwaml.com/t330477.html


http://forum.hwaml.com/t328581.html

[bellamamita]

اختي 35 اسبوع بكير على الولادة استني شوي حتى مايجتاج ابنك حضانة لانو بالاسبوع هذا ممكن يحتاج حضانة ولو خدتي ابرة الرىة بحكي عن تجربتي الخاصة

[مجهولة زماني]

ماخده ابر الرئة واليوم اول يوم لي من الاسبوع ٣٦
يعني دخلت الشهر التاسع وانه من الشهر الثامن
اعاني من الالام الطلق حتى ما انام من الالم بالليل ومافيه توسعه
انه كنت بالاسبوع ٣٣ اخدت ابر الرئة وابر توقيف الطلق
ويوم دخلت الاسبوع ٣٥ و٥ ايام اخدت ابر توسع الرحم
بس مافادت وشربت الزعفران مع حليب وهيل والجماع مواصله عليه
واخدت منقوع كف مريم واخدت تمر ورطب وقرات سورة مريم
وسورة يس والانشقاق والذاريات ومشيت واركب وانزل بالدرج وهم نفس الشي
ماكو توسعه وطلق موجود ، وبعد شربت جاي الزعفران وعصير الزعفران
بس نفس الحالة ماتغير ولاااا شي ...

[اتعبتني جروحي]

الله يسهل عليك يارب
اشربي قرفه مع كمون
وكف مريم ممتاز لتحفيز الولاده والله يسهل امرك

[مجهولة زماني]

ان شاء الله يارب ادعوو لي
حاليا امس كان موعدي عند دكتورة الحمل
قالت الي ان وزن الجنين ناقص اسبوع
يعني انا بالاسبوع 36 وهو وزنه وزن طفل بالاسبوع 35
فبتنتظر علي ادخل اسبوع 37 عشان هو يكون وزنه وزن طفل بالاسبوع 36
وبتعطيني طلق صناعي عشان اولده لان اذا كبر فبطني مابتحمل اولده طبيعي
وبيطرون ان يحولوني لقيصري فهذاك الوقت فيبون يولدوني خلال الاسبوع ذا
عشان وزني قليل وانه ضعيفه ومابتحمل اجيب طفل ازيد من 2.500 gram
وهو وزنه الان 2.274 gram ، محتاجة دعواتكم ياجماعه الخير
عشان اتوسع بروحي واولد مني ومن نفسي بدون طلق صناعي وبدون عمليات
ويارب تنفع معاي الادوية الشعبية لان صايدني خوف ومرتعبه من فكرة
الولادة بعملية قيصرية او ان يركبون لي طلق صناعي ، وقاعده احاول
بقد ما اقدر واشرب الاشياء الي توسع عنق الرحم وتجيب الطلق
واسوي رياضه وغيره من الاشياء الي تخلي الوحدة تولد بس انتظر فرج ربي
واهي جيكت لي خلال الموعد وللحين انه ٣ سم يعني مافيه اي تغيير في عنق الرحم
حبايبي لاتنسوني من الدعاء كثر الله خيركم ..

[حياتي توأمي]

الله يسهل عليكي وتولدي بالسلامه

توكلي على الله وساعتها التساهيل من ربك

[افنان الحربي]

كولي تمر واشربي حلبه هذول الشيئين ما سويتيهم

[سماري ذابحهم]

جلست القرفصاء تساعد على فتح الرحم ج

[مجهولة زماني]

عملت الي بيدي والله احس مو طالع لي شي او متغير شي
سويت الي نصحتوني فيه وكثرت مشي كل يوم اتمشى يمكن بالساعتين
واكل تمر واسوي القرفصاء بس احس لسى مافيه طلق ولا متغير شي
ادعووولي بالتساهيل والتيسيير وان اولد باقرب ووقت
واذا تعرفون شي جديد انه ماسويته علموووني تكفوون
انه صرت الحين اسبوع 36 و 5 ايام وان شاء الله اوولد بسرعه
قبل لا يسوون لي طلق صناعي او ان ادخل عملية قيصرية

[ريوووف]

الله يهون عليك ويسهل ولادتك انتي ارتاحي والله كاتب له يوم معين ينولد فيه عليك بالصبر والاستغفار

[bellamamita]

ربي يسهل لك خيتي ويقومك بالسلامة الولادة اجل ولازم يوصل عشان تصير ربي يسهل ولادتك

[مجهولة زماني]

ان شاء الله ادعوووولي
والي تعرف اشياء عشان اخلي الماء ينزل
لان تعبت من الطلق صارلي ٤ اسابيع اطلق
ابي انزل موية البيبي عشان يجي
قالولي ناس انزل موية البيبي وبيجي
بس مادري هل هو شي زين او لا
ومجربين اهم يقولون وان جابو اطفالهم بخير
كتبولي اذا تعرفون شيي

[خلوني على صبري]

لا تلعببي بنفسك افضل شى المشي والجماع كثري منه وربي يسهل ولادتك وخديلك دش حار بلمويه دافئه اذا جاكي طلق كلي ملعقة عسل اصلي يزيد الطلق

[خلوني على صبري]

وبعضهم يتبخرو من تحت وقت الطلق عشان يفتح الرحم

[نواليتا]

الله يسهل عليك ولادتك يارب بس نصيحتي لاتسوي شي يضرك او يضر مولودك
يمكن تنزلين موية الجنين والجنين ماينزل وبعدين يصير مشكله له انتبهي ،
له يوم محدد بيجي فيه

[مجهولة زماني]

مشكلتي ماتحمل الجماع تعبت منه ,
ومن انام مع زوجي تجيني الالام قووووية ,
هذا اني صابرة وبكرا موعدي حق الطلق الصناعي ..
اليوم انا 36 اسبوع و6 ايام بكرا اول يوم لي 37 من جذي بخلونه لي بكرا ,
ادعووولي بالسلامة والتوفيق وان نقوم بخير انه والصغير hwaml42

[حياتي توأمي]

اذا بعد الجماع تجييك آلام قويه معناه هذا المطلوب انتي غرضك التحريض للطلق استمري عالجماع

وكيف تسألي عن ماء الجنين كيس الماي مايفتحونه إلا بالمستشفى لانلعبي بنفسك

وراح تولدي باليوم اللي ربك كاتبه


الله يسهل ولادتك

[ساره33]

ليه مستعجله
من كثر ما انتي تحاتين متعسر عندك الطلق
خليها على كتبت ربي ..
والعمليه مافي احسن منها ..
مريحه وهينه مومثل قبل ..

[مجهولة زماني]

حبايبي حبيت ابشركم الله سهلها علي الحمدلله
رحت المستشفى تاريخ ٢٧/٤/٢٠١٦ وخبرتني الدكتورة
انها بتصبر علي لان عنق الرحم لين جداً جداً وان مابتتسرع
وتخلي لي طلق صناعي او انها تفتح كيس الماء
وظليت بالمستشفى من ٦ الصباح الى ٦ و٨ دقايق يوم اولد
ولدت بالسلامة والطلق جاني من الله وتوسعت وولدت
وماحتجت لانهم يفتحون الي كيس الماء من البداية
فتحوه يوم وصلت ١٠ سم ، ولا ان يخلون لي طلق صناعي
كله بفضل الله وهالدكتورة والاشياء الي كنت اشربها
الحمدلله ، الله سهل علي وولدت بدون اي احتياجات ثانيه
ظلو بس يجيكون لي كم وصلت بين فتره وفتره وتوسعت
انه غبت فتره وقلت خلني اخبركم وافرحكم مثل مافرحت
واجاني ولد الحمدلله على النعمه يارب يحفظه ويحفظكم اجمعين
والله يسهل على كل الحوامل اهني ويقر عيونهم بشوفه عيالهم ������

[أنوار الولاية]

الف حمد لله على سلاااامتك

والحمد لله الله سهلها ويسرها لك

عقبالنا بالتسهيل إن شاء الله ❤️

[عقيلة]

الف مبروك والحمد لله على سلامتك

[خلوني على صبري]

الف مبروك والحمد لله على السلامه والحمدلله ومن فضله ولدتي دون ان احتجتي طلق وتوسع