ابسافر

[حكاية روح]

صباح الخير بنات كيفكم انا نفسي اسافر الشهر هذا رحت لدكتوره وطمنتي ان كل شي اوكي النبض والحركه بس يوم قلتلها بسافر قالت وين قلت يمكن الكويت قالت بسياره قلت ايه وراحت تدقق قالت لا مانصحكً الشهر اللي جاي سافري عادي لان المشيمه عندك شوي نازله قلت كيف نازله قالت قريبه من الرحم بس عادي انشالله الشهر الجاي ترتفع مافيها خوف بس انا الحمدالله ماينزل معي دم وانا اللحين محتاره اسافر او لا الشهر الجاي بكون بشهر الخامس فماأدري تنصحوني اسافر اولا لأني محتاجه هالسفره اغير جو ايش تنصحوني طياره او سياره ?

[حياتي توأمي]

والله حبيبتي لاحقة عالسفر بما ان المشيمة نازله وع قولتك سفرتك تمشية وتغيير جو يعني مافي شيء ضروري

من رايي أجليها شوي او لو تقدري تسافري بالطيارة افضل واستشيري طبيبتك


موفقة

[1994meemo]

سفر مو مهم ,,
اهم شي سلامة البيبي
موفقة حبيبتي

[bellamamita]

من الافضل اختي تسمعي كلام الدكتورة مافي داعي للسفر والمشيمة نازلة مافي داعي تتسببي بمشاكل انتي فغنى عنها ربي يتمم لك بالخير

[أنوار الولاية]

نزول المشيمة مو شرط يتبعه دم

اسمعي كلام الدكتوره افضل والسيارة متعبة وتكسر الظهر

[عطر الجنة &&]

انا سافرت بالطياره في نهايه الشهر الثالث من حملي بس قبلها راجعت الدكتوره وثالت ان كل شي طبيعي ولله الحمد عشان جي سافرت اذا الدكتوره منعتج حاليا صبري لين تعطيج الضوء الأخضر لسلامة البيبي والله يتمم لج على خير

[ro_n]

انا سافرت وانا بالشهر الثالث سياره كان نفسي اغير جو
بس رتبت مرتبه السياره بشكل مريح والحمدلله طول الطريق مرتاحه
للعلم انو الدكتوره قالت لاتروحي خطر لكن اتؤكلت على ربي انتي شوفي حالك وقرري وانتبهي لموضوع نزول المشيمه الله ييسر امرك حبيبتي

[حكاية روح]

مشكورين ع الردود الله يعطيكم العافيه بس انا نفسي بها السفره ع الأقل اربع ايام وبعدها بريح عند اهلي شهر

[كبرتني ياااهم]

اذا تقدرين تأجلت شهر بس أجلي احسن لك

اعملي بلأسباب حتى تحافظين على جنينك

لو انا مكانك أجلت. لان الكويت مسافه صراحه

واذا قررتي خلاص تسافرين روحي طياره مع ان الضغط الجوي يأثر على الجنين

الله يسهل لك ويخلي لك جنينك يارب

[حبيبةة امها]

سفر تغيير جو ماينفعك لاصار شي بجنينك لاسمح الله .. أجلي لاحقه عليه .. انا بعد قالت لي المشيمه نازله ومنعت نفسي من الطلعات ومن كل شي وانحبست بالبيت كله عشان ماتنزل اكثر ويصير اجهاض لاسمح الله .. وانتي حافظي عليه

[DanDanAF]

حبيبتي دام سفرتك تغيير جو ومو سفره طارئه فالسفر لاحقه عليه بس لو لاقدر الله صار لك أو للبيبي شي موب نافعك السفر ولا الندم..
وبعدين معروف افضل وقت للسفر سواء سياره او طياره يكون من بداية الشهر الخامس ..

وبالتوفيق ياقلبي...

[ام ياسمين*]

ﻻ تخاطري واسمعي كلام الدكثورة ليصير شي وتندمي عليه العمر كله وتقولي ياريت الى صار ماصار وانت أدرا