مستشفى الولادة والأطفال بالدمام

[أم حمودي وعبودي]

أهلين بنات الشرقية

بعد التشاور مع زوجي والأهل والصديقات قررت الولادة في مستشفى الولادة والأطفال بالدمام رغم أن عندي تأمين طبي وأقدر أروح أي مستشفى خاص ،، اش رايكم ؟؟

وبعد عندي استفسار
احتمال تكون الولادة قيصرية وما أدري هل يوفرون ملابس وحفاضات للبيبي ولا لازم آخذ معاي غيارات لكل يوم أو آخذ ملابس للخروج فقط ؟؟؟ وكم يوم ببقى عندهم في المستشفى ؟؟؟

[بحــ العيون ــــــــر]

ربي يكتب لكي الخير
وان شاء الله البنات مااايقصرون معك ياالغلا

ربي يسهل عليكم ياااااااااااااااااااااااارب

[أم حمودي وعبودي]

شكرا حبيبتي بحر العيون

[Um sara1]

والله انا ثقتي بمستشفيات الولادة صفر لامن ناحية النظافه ولا من ناحية الرعاية الطبية بسبب الازدحام وحالات الولادة المتتابعة لدرجة تسمعين صوت الي يولدو معاك ماعدا العسكري والحرس افضل وبمستوى الخاص لان الرقابه فيها شديدة والكوادر غالبا خبرة وتغطي الاحتياج

دام عندك تأمين ومتابعة بمستشفى خاص ولدي بالمواساة او المانع او الالماني يمدحونهم وغرفه خاصه ويوفرون لك كل احتياجاتك ولا تنحشري بغرفة وحده مع اربع او خمس حالات في مستشفى الولادة

[υм вtℓαα]

الأفضل مستشفى خاص لأنه ماش ماينفع بشي وهمجي
الله يقومك بالسلامه يارب

[عبير الصيف ع]

الافضل تولدي بالخاص على الأقل راح تكوني بغرفة خاصة وكمان مستوى الاهتمام فيكي او بالبيبي راح يكون مريح اكثر
انا ما امدح مستشفيات الولادة بالمررررررة
الله يقومك بالسلامة انتي والبيبي

[حياتي توأمي]

الأخوات ماقصروا

وربي يقومك بالسلامه

[Prestige95]

ماشاءالله الايام تمر بسرعة الله يسهل عليكي وتولدين بالسلامة يارب ومتحمسين نسمع قصة ولادتك
بالنسبة للمستشفيات الحكومية في الولادة ماانصحك فيها ابد كثير ناس تشكت منها من ناحية النظافة والخصوصية والرعاية بعد الولادة وطالما عندك تأمين ليه ماتروحي احسن مستشفيات الخاصة وفيها حضانات متطورة ليه بدك تولدي قيصري اذا كان وضع الجنين طبيعي؟الطبيعي متعب اثناء الولادة بس القيصري متعب بعد الولادة

[أم حمودي وعبودي]

أهلين بنات

أحس الأيام كانت بطيئة ههههههههه
الله يرزقكم بأولاد وبنات صالحين وصالحات
كلكم متفقين على المستشفيات الخاصة
وصار لازم أغير رأي زوجي ونبحث عن مستشفى ثاني

[أم حمودي وعبودي]

يعني ولا وحدة جربت المستشفى !!!!!!!!!!!!!

[نوني الحلوة]

أفضل لك تولدي في مستشفى خاص

صحيح ماجربت المستشفيات الحكومية

وكل ولاداتي بمستشفى خاص

بالعكس غرفة خاصة واهتمام فيك وبالطفل

خاصة اني كل أولد قيصري

ولافكرت اروح حكومي

[أم حمودي وعبودي]

على فكرة أنا سئلت بنات المنطقة المجربات ولا وحدة ذمت المستشفى
قلت أتوكل على الله وأولد عندهم

[ام طلال1989]

السلام عليكم
انا ولدت فيه مرتين والحمدلله كان زين ونظافه والاجهزه متطوره اكثر من الخاص عندهم
بس مشكلتهم الوحيده البيبي يحطونه عندك وياخذونه وقت الزياره

[أم حمودي وعبودي]

وعليكم السلام أم طلال
ما عندي مشكلة يكون البيبي عندي لأني انتظرته سنين بس أهم شي ما يكون صيوح هههههه