طمنووني الله يخليكم 😣

[Solso]

السلام عليكم ورحمة الله وبركاته
كيفكم حبايبي ؟؟!
انا عضوة جديدة في المنتدى وابا رأيكم مين حصلها زيي وطلعت حامل ؟؟!
انا كان لسا باقي على دورتي أسبوعين بس في اليوم ال15 من الدوره نزلي دم أسود قليل دا كان في النهار وبعدين صباح اليوم التاني نزل عليا شي كتير تعرفو لمن تكونو معبين بالونه مويه ولمن تفقعوها كيف تنزل المويه كتيره دفعه وحده انا دا اللي حصل معايا ولمن حسيت بشي نزل لدرجة اني بقعت ملابسي كان على بالي دم وقولت خلاص دي الدوره جات قبل موعدها بأسبوعين بس لمن دخلت الحمام الله يكرمكم لقيته مو دم طلع مويه فأستغربت ومن بعدها سار بس ينزل عليا دم فاتح وطبعا عندي الم تحت بطني وسويت في نفس اليوم تحليل وطلع سالب وجاتني سخونه ودوخه واستمر كل دا أسبوع وغثيان من غير تقيؤ للآن مستمر ودحين كملت 10 ايام من يوم ماحصلي دا الشي ووقف الدم اول مره يسير معايا كده وموعد دورتي الخميس الجاي يوم 29-6 ..
اسفه على الاطاله ولكن طمنوني مين حصلها كده وحللت وطلعت حامل خايفه احلل ويجيني احباط زي كل مره احلل فيها واطلع مو حامل انا ليا سنه ونص متزوجه وماقد حملت ونفسي احمل ؟؟!
الله يرزقني ويرزق كل محرومه يااارب في العاجل القريب

[tayler]

وعليك السلام اهلين وسهلين بك اختي مااعرف الصراحة بس اسمع انه اذا نولت بقعة دم بعد الدورة بكم يوم معناها حامل وماعندي عبم بالشياء التانية انت حللي دم افضل والله يعطيك الخير

[Solso]

مشكوره يااختي ع الرد وان شاء الله ياارب اني اكون حامل اتمنى من الله الله يرزقني الخير

[jmo0ol]

افضل لك اختي تحللي دم
وان شاء الله ربي يرزقك وتفرحين بحملك ف القريب العاجل يارب ..

[Solso]

تسلمي يا عسل على ردك واللهم امييين يااارب انا وكل محرومه ياارب
طيب متى تنصحوني اسوي التحليل في دي اليومين ولا استنى موعد الدوره وبعدين احلل ؟؟!

[amel27]

السلام عليك ورحمة الله وبركاته
انا ماعندي ولافكره على الموضوع ولكن حبيت ادعيلك ان شاء الله تكون صحتك مليحة اولا هذا اهم شي اختي و يااااااارب تكوني حامل
ربي يرزقنا الذرية الصالحة

[Solso]

اللهم اميين ياااارب ومشكوره حبيبتي ع الدعوه

[tayler]

تسلمي يا عسل على ردك واللهم امييين يااارب انا وكل محرومه ياارب
طيب متى تنصحوني اسوي التحليل في دي اليومين ولا استنى موعد الدوره وبعدين احلل ؟؟!

الافضل انك تستني الدورة تتاخر الافضل

[Solso]

مشكوره ياقلبي ان شاء الله حأستنى موعد الدوره وحأعمل تحليل ويااارب دي المره تكون نتيجه ايجابيه ياارب

[bellamamita]

نزول الماء امر غريب عمري ماسمعت عنو من الافضل تستشيري دكتور ويارب يكون بشارة حمل ويفرح قلبك

[Solso]

انا المشكله انو عندي موعد مراجعه عند دكتوري ولكن بعد شهر جدا بعيد لكن بستنى موعد الدوره واحلل ويارب خير

[اخت عبدالرحمن]

افضل شي تروحين المستشفى شي غريب صراحه وبدري ع التحليل

الله يرزقك ب الحمل عاجل غير اجل

[Solso]

اللهم امييين يااارب ومشكوره ياعسل وان شاء الله حأروح دا الاسبوع ويارب خير