هل احمل مع التكييسات ام انتظر

[دمعة عشق]

السلام عليكم

صديقاتي الجميلات انا حبيت استشيركم
بخصوص الحمل و التكيسات
انا عندي تكيسات بسيطه ع المبيض اليمين و هرمون البرجسترون نازل مره 0.8
دكتورة السونار قالت تقدرين تحملين تعالي ايام معينه واحدد لك ايام التبويض . واذا ما حملتي تقدرين تبتدين العلاج
انا قريت كذا منتدى ان الحمل بالتكيسات يسقط الجنين و لا يستمر ..
انا افكر اني انسى الحمل حاليا و احاول اقضي على التكيسات اول
للعلم عندي ولد عمره 3 سنين و صار لنا 7 شهور تقريبا احاول احمل و ماحملت وفي نفس الوقت ما أبغي اتأخر اكثر وولدي يبغى اخ او اخت ان شاء الله


نصحوني يا بنات تكفون

[ayato]

عندي صديقات ثنتين حملووو وكان معاهم تكيسات توكلي على الله واحملي

[هاجر 13]

اذا حملتي الطفل الاول بدون منشطات من الافضل تعالجي التكيسات اول شي علشان تحملي طبيعي .وهو ممكن تحملي بكلوميد هو دواء منشط وخاص بالتكيسات والمشكل ممكن يزيد الطين بلة

[تمنيتك بأحلامي]

علاج التكيسات هو الحمل
اللي يسقط الجنين هو الكيس مو التكيسات
مثلا لو كان عندك كيس عالمبيض مثل ماكان عندي هو اللي يسقطه
وانا كان عندي تكيسات وحملت والحمد لله كمل حملي وجبت ولد
وبعد الولادة سويت سونار وسألت الدكتورة عن التكيس قالت مافيه تكيس

[دمعة عشق]

شكرا يا بنات على الرد

يوم التبويض بسوي سونار باشوف كيف التبويض لان دورتي اكثر من 32 يوم

[بحــ العيون ــــــــر]

الله يرزقك ويرزقني
ياارب

[حبيبةة امها]

والله يختي شوفي .. انا كان عندي كيس مائي عالمبيض الايسر حجمه 7×4 تقريبا ... وعندي عالمبيض الايمن تكيساااات لها أول مالها اخر .. الكيس اختفى لحاله نزل مع الدوره .. والتكيسات كنت ناويه اعاالجهم اول شي بعدين احمل لان كنت توني عروس و زوجي مستعجل عالحمل لما شافني 3 شهور ماحملت قال عالجي قلت اوك ولما رحت بعالج كتبت لي الدكتورة ع مانع حمل 3 شهور و على كلوفاج و على مدري ايش ..يعني ماراح احمل بعدهم الا بصعوبه .. طلعت من عندها وقطعت الوصفه وقلت لزوجي ماراح اعالج وقتها زعل هو قال كيف تحملين اجل قلت انا احمل بدووون علاج وبعدها قلت عطني مهله شهر لو ماحملت اوعدك اعالج .. قال نشوف مع ان هالشهر يضيع عالفاضي ... قلت لا مايعدي الا وانا حامل ان شاء الله .. ومن وقتها صرت اسوي رياضة خاصة بالتكيسات استمريت عالرياضه اسبوع يمكن و كنت خلال هالاسبوع اشرب ميراميه عالريق بدون شاي و المغرب اشربها مع شاي و ماقدرت استمر اكثر من 3 أيام وتركتها بعدها جبت ماء زمزم وكنت اشرب منه و ادعي و امسح بطني فيه و اسمع سورة مريم بكل وقت و حيل الح بالدعاء خاصة بالسجود .. والله مامضى الشهر الا وانا حامل الحمدلله ومن حملت اختفوا التكيسات و ماشاء الله حملي ثابت بس بالغلط اخذت الدوفاستون وبعدها استمريت عليه عشان يثبت الحمل .. قلت لك قصتي بالتفصيل

[دمعة عشق]

جزاكم الله خير و الله يثبت كل حامل يارب و يرزق كل محرومه

[bellamamita]

فيه علاج لتكيسات البسيطة وينظم الدورة و يثبث الحمل اكيد تعرفيه دوفاستون انت خديه ثلاث شهور متتالية و ان شاء الله بتحملي فبها انا كان عندي تكيس بسيط جدا و اخدتو
تاخدين حبة باليوم مدة 10 ايام ابتداءا من 16 بالدورة

[υм вtℓαα]

انتبهي حبيبتي مايكون التكيسات حجمها كبير لانك لوحملتي راح يصير الحمل ضعيف وينزل ع شكل دوره
مثل ماصار معي اول زواجي

هي ماتمنع الحمل ابدا بس اذا حجمه موكبير فيك تحملي
وكمان سوي رياضه واشربي ماء كثير
والله يرزقك الحمل السليم

[دمعة عشق]

اللهم امين .. اليوم رحت حق وحده مراخه
اتقول الرحم متحجر !! يابس ؟؟؟

[قوتشي]

دكتورتي تقول يصير تحمل الوحدة وفيها تكيسات
بس المشكلة في أنه الحمل في الغالب مايتم للي عندهم تكيسات
فالأفضل تبدين علاج، وليه حبيبتي مستعجله عندك ولد ماشاءالله وتوه نونو دلعيه
اهتمي في تنمية عقله اتعبي عليه وحده قبل لا يأخذ الجو عليه اخوه أو اخته
عشان يصير فعال في المجتمع وشاطر وذكي، مشكلتنا نفكر في الكم مانفكر في الكيف
يعني همنا نجيب واحد ورا الثاني حتى يصير عندنا درزن عيال وبعدين نهمل واحد ونركز على الثاني
لين يطلع منهم من هو عاله على المجتمع ههههه أو مظلوم بين أسرته مالقى الرعايه والدلع الكافي فيصير معقد
غير فخور بذكريات طفولته!
طيب تصدقين أن حماتي عندها قرحة رحم ودورتها مو منتظمة وتكيس وفوق هذا كله تحمل طبيعي ماشاءالله،
و انا وزوجي مافينا ولاشي سليمين ومايصير حمل سبحان الله.

لأن الأرزاق بيد الله
ولأن الله لما يأخذ منك شي تأكدي انه عطاك شي
مو عند غيرك شي مميز فاقدينه غيرك، الحمدلله.

[دمعة عشق]

اختي قوتشي انا الحمدلله رب احمد ربي ملييييون مره
لكن لما يكون عندك ولد مع السنين يكبر ويلهى وانتي يصير خاطرج بطفل ثاني واكيد التربيه للاثنين .. و حتى الطفل يحتاج اخ او اخت .. انا مو مستعجله وايد لكن دام احنا بصحتنا بمقتبل العمر انييب هالمره وخلاص الله العالم شنو الزمن مخبي لنا .. و الحمدلله ع كل حال .. لان انا ع كلام الدكتوره ان احتمال من زمان انا فيني التكيسات لان اعراضها من وانا بنت الحرار و الشعر و الوزن وحملت عادي وولدت اللهم لك الحمد و الشكر .. الله يعطيكم حبايب ع قد نيتكم واكثر

[دمعة عشق]

Uuuuuuuuuuuuuuuuup

[تمنيتك بأحلامي]

كيف الرحم متحجر؟ وكيف هي عرفت اذا ماعندها تصوير؟؟
انا ولا مرة اقتنعت بفكرة الممرخة مع ان ام زوجي كانت تزن فوق راسي اروح لممرخة بس طنشت ولا سمعت كلامها
وراجعت بالمستشفيات واخذت علاجهم والحمد لله ربي رزقني

[دمعة عشق]

تمنيتك بأحلامي
ضانل رحت لها بس جذي قلت باجرب حظي
لكن ماهتميت لكلامها الصراحه
بس قالت لازم كل وحده تولد لازم اتسوي مسااج للرحم يرجع مثل قبل