نزول المشيمه ؟؟؟

[عين أبوها]

السلام عليكم و رحمة الله و بركاته

بنات الله يعافيكم أنا حامل بنص الشهر السادس تقريباً و سويت أشعه قالت لي الدكتوره المشيمه شوي نازله !

ما سبق و صار لي نزول مشيمه في حملي السابق و معلوماتي عن نزول المشيمه محدوده

و نصائح الأطباء كالعاده ارتاحوا لا تبذلون مجهود لا تشيلون ثقيل لا تمشون كثير !!

مستحيل اجلس طول اليوم متمدده في السرير بدون شغل

و أحيانا يتعب ولدي و أضطر اسهر جنبه أغلب وقتي جالسه

سؤالي هل فيه ضرر من شغل البيت بدون ما أجهد نفسي كثير ؟!

يعني شغل يتخلله فترات راحه

و هل الجلوس يزيد المشكله ؟!

طمنوني الله يطمنكم لأن هالموضوع مسبب لي قلق

عندي أمل ترجع المشيمه للوضع الطبيعي لأن النزول حسب كلام الدكتوره مو مره

[أنوار الولاية]

ماعندي علم بنزولها بالشهر السادس

انا مره صار لي نزول في الشهر الثالث ومع الراحه ارتفعت الحمد لله

إن شاء الله ماعليك شر وانش يفيدونك الي مرو نفس حالتك

[حرية شخصيه]

انا سارت معي بحملي اللي قبل في الخامس
ارتحت بس شهر ولمن اتسدح ارفع رجلي على مخده والحمد لله ارتفعت
حاولي تخففي مجهودك لانها ممكن تنزل اكثر واذا انك طبيعي مو كويس نزولها مره حافظي على نفسك اشوي
وان شاء الله تعدي الله يتمم لك على خير

[أم حمودي وعبودي]

ما أعتقد أن شغل البيت أهم من جنينك

ارتاحي عشان ترتفع

[فداك الكون]

حبيبتي شغل البيت العادي ما منه مشكله انا كانت نازلة بطفلي الاول وبتنزف كمان وكانت حياتي طبيعية بس كنت ادير بالي من الجهد الزايد
والمرة هاي الدكتور حكالي ان احتمالية نزولها كبير برضو لانها جانبية

[أم بذرة]

انا بحملي الاول صارت لي وفي نفس شهرك بعد
ولازمت الراحة وكنت ارفع رجليني واشتغل بس ماجيب شي عالي
او اصعد درج او ازيح شي لو خفيف والحمدلله ارتفعت بعد شهر ...

[جالكسي و الدنيا عكسي]

الراحه الراحه ثم الراحه هي ترفع المشيمه بعد مشيئة الله وطالما قالت لك بسيط ان شاء الله
يرجع بسرعه مع الراحه. ..والشغل لا تتعبي حالك كثير يعني خذي فترات راحه بشغل بيتك ..مو متواصل
وارفعي رجولك وانتي نايمه ...
والله يتمم لك على خير ويسهلك امورك يارب العالمين وتطمني انها رجعت بأقرب وقت

[عين أبوها]

أنور الولايه & حريه شخصيه & أم حمودي و عبودي

الله يجزاكم خير ما قصرتوا مع إن بعض الردود خوفتني بزود


فداك الكون & أم بذره & جالكسي و الدنيا عكسي

طمنتوني الله يجزاكم خير

أحاول أرتاح قد ما أقدر طبعاً لما ما يكون عندي شغل بس أحيانا ما أخلص من شغل البيت !

الله يعين و يهونها علي و على كل اللي مروا بهالتجربه


مشكورين جميعاً

[ام توووولين......]

السلام عليكم و رحمة الله و بركاته


بنات الله يعافيكم أنا حامل بنص الشهر السادس تقريباً و سويت أشعه قالت لي الدكتوره المشيمه شوي نازله !

ما سبق و صار لي نزول مشيمه في حملي السابق و معلوماتي عن نزول المشيمه محدوده

و نصائح الأطباء كالعاده ارتاحوا لا تبذلون مجهود لا تشيلون ثقيل لا تمشون كثير !!

مستحيل اجلس طول اليوم متمدده في السرير بدون شغل

و أحيانا يتعب ولدي و أضطر اسهر جنبه أغلب وقتي جالسه

سؤالي هل فيه ضرر من شغل البيت بدون ما أجهد نفسي كثير ؟!

يعني شغل يتخلله فترات راحه

و هل الجلوس يزيد المشكله ؟!

طمنوني الله يطمنكم لأن هالموضوع مسبب لي قلق

عندي أمل ترجع المشيمه للوضع الطبيعي لأن النزول حسب كلام الدكتوره مو مره


انا زيك بس نازله المشيمه نزول كامل وماني عارفه عن الموضوع شي