زيارتي للدكتورة رفعت ضغطي

[أنوار الولاية]

السلام عليكم

كيفكم

اليوم رجت المستشفى وللأسف الدكتورة الي أتابع معها مش موجودة فقلت لهم دخلوني على اي دكتورة مو مشكلة

كل الدكاترة هنود .. انا كنت عاملة سونار تفصيلي للجنين واليوم قلت بشوف النتيجة مع ان الي عملت لي السونار قالت لي ان كل شي طبيعي

.....

دخلت على الدكتورة , انا انجليزيتي تمشي الحال والدكتورة تعرف عربي شوي يعني مشى الحال ...

قالت لي كل شي طبيعي حجم الجنين والماي والرحم وكل شي

وقالت لي ليش ماعملتي سونار الطفال المنغولي , قلت لها عملته وقالو لي سليم .. قالت لا ما عملتي ومصره اني ما عملته كلما اقول لها عملته وكل شي سليم ومو ذنبي اذا مو مسجل عندكم شي في الملف

بعدين قالت لي في شي في راس الجنين ما يخوف لا تخافي بس لازم سونار مرة ثانية

قلت لها شو هو قالت شريان مادري شو .. كلامها كلش مو مفهوم وكانت مالها خلق تشرح تقول لي الدوام خلص hwaml15

قهرتني ابي اعرف شو قصدها قالت لا تخافي هذا يروح بروحه بدون مشاكل ,

انزين ابي اعرف شو الي تقصده ما عطتني فرصة hwaml4

بس قالت لي ما في خوف

[أنوار الولاية]

ولا ازيدكم من الشعر بيت ...

اول نقصوني اسبوعين واليوم زادوني اسبوعين هههه مافي تقارب انا طبعا ماشية على حسابي

[tayler]

لا تخافي الله يكون معاكي والسونار دائما اسمع انه يزيد وينقص بس العلم عند الله وحده

[زهرة ال]

انا لو منك اكشف بره عند دكتور خاص علشان اطمن وسيبك من كلام الدكتوره ومتتعبيش نفسك فى التفكير لان ده ممكن يرفع ضغطك

[اتعبتني جروحي]

يختي ليش صابره عليهم
غيري المستشفى بكبره
وتطمني اكثر

[أنوار الولاية]

المستشفى تمام كل مره اروح له

بس هالدكتوره اول مره ادخل عليها

وهذا مستشفى خاص

وهذه اخر زيارة لاني من الثامن بتابع في الحكومي

[Um sara1]

منجد ترفع الضغط

هي شخصت وبعد الشخيص طمنتك بعدين وشدخل داوون بالشريان دام انك سويتيه وكل شي سليم الحمدلله لاتشيلين هم

[الصابرة23]

استغفر الله في بعض الدكاترة يرفعون ضغط الناس حسبي الله عليهم انتي معليك منها دام كلشي طبيعي

[أم حمودي وعبودي]

أكثرهم يرفعوا الضغط والسكر والكوليسترول

الدكتورة الي أتابع عندها في الحكومي بس تشوف الجنين وتقول شوفي يتحرك وقلبه ينبض وانتهى الموضوع

وفي الخاص تشوف لي الجنين بالتفصيل والحمد لله دايماً تطمني وأطلع من عندها مرتاحة

[أنوار الولاية]

الغريبه اني ابداً مو مهتمه بالكلام الي قالته يعني كلش مو خايفه اقول كل شي يجي من الله قابله بيه وعندي يقين ان الجنين مافيه الا الخير والعافية إن شاء الله ..

بس قهرني اسلوبها ماتعطيني فرصة اتكلم حتى في النهايه قلت لها اكتبي لي جو اسبرين اضايقت وكتبت لي نوع اسبرين اول مره اشوفه مستحيل استعمله واجازف

[جالكسي و الدنيا عكسي]

من رأيي انك ماتحطي كلامها ببالك وان شاء الله كل شي تمام
واضح انها ماعندها سالفه. ..
طالما حقت التصوير قالت لك كل شيء كويس وطبيعي الحمدلله
الله يطمن بالك ويكتب لك الولادة السهلة واليسرة وتفرحين بضناك باحضانك سليم معافى يارب العالمين

[أنوار الولاية]

من رأيي انك ماتحطي كلامها ببالك وان شاء الله كل شي تمام
واضح انها ماعندها سالفه. ..
طالما حقت التصوير قالت لك كل شيء كويس وطبيعي الحمدلله
الله يطمن بالك ويكتب لك الولادة السهلة واليسرة وتفرحين بضناك باحضانك سليم معافى يارب العالمين

كلامك عين العقل .. صدق ماعندها سالفه

انا اخذت نسخه من التقرير وشفته في البيت كل شي مكتوب نورمل ... الجنين بعده ينمو وكان السونار بداية الشهر السادس يعني بعده صغير ومو كامل

الله يسمع منك هالدعوات الحلوه

[أنوار الولاية]

ما اقول الا الشره علينا نروح مستشفيات خاصة وماظل عله مايحطوها فينا بس حتى تزيد التحاليل ودفعونا فلوس

[أم حمودي وعبودي]

حتى المستشفيات الحكومية أعوذ بالله

تخيلي إلى يومك هذا ما عملت لي الدكتورة ولا تحليل دم وأنا وصلت للشهر الثامن

أما السونار التفصيلي ما عملته لي إلا في نهاية الشهر السادس وهو المفروض يكون في بداية الشهر الخامس

أحسهم مهمليني ومواعيدي معاهم ما لها فايدة


بالنسبة لكلام الدكتورة طنشيه

[فداك الكون]

هو معك حق امشي ع حسابك وبس كلامهم فاضي
ولا تخافي ولا تشغلي بالك

[ام ياسمين*]

ما يهمك منها هاي اكيد ما طالعت على جنين كويس لأنها تخاف يخلص دوام وهي لساتها بالمشفي فكرتني بالأطفال صغار لما يكون بالمدرسة بينتظرو جرس مشان يطلعو على فصحة ههههههههههه
الدكثورة ماعندها ضمير لي مهنتها الله يهديها

[أم بذرة]

اتركي كلامها علي جنب ممكن تبي زيادة فلوس بس واذا جت طبيبتك روحي عليها واتطمني اكثر ،،
الله يتمم عليك ..

[bellamamita]

مو عارفة شو احكي الاطباء يجيبو الاجل مو بس يرفعو الضغط بس مادام انتي عملتي تحاليلك قبل وكل شي سليم لا تعيدي شي ولا تفكري بالموضوع خصوصا انها بتلخبط فكلامها

[أنوار الولاية]

مشكووورين جميعا الي ردو على الموضوع

ومثل ما قلتوا الدكاتره ياما قالو اشياء وتطلغ كلها غلط

يعني اذا خبيرة السونار نفسها قلت لي كل شي طبيعي والتقرير مكتوب عليه ان كل شي طبيعي مافي أي ملاحظه هي ويش دخلها تفتي من عنرها

دماغ الجنين كان بعده ينمو ماكتمل

كنت بسألها عن علاج اسناني وعن قدمي منتفخه شوي وعن كم شي ماعطتني فرصة

مثل ما قلتي ام يسمين كأنها تنتظر الجرس تبي تطلع

ام حمودي ..

المستشفيات الخاصة استغلاليين وطلعوا علل وتحاليل من تحت الارض حتى الأجنه ماسلمو منهم

والحكومية لا مبالاة

الله يعين

[أنوار الولاية]

مساء الخيراااات ..

دخلت دكتور قوقل وترجمت المكتوب في التقرير .. طلع ان الشي عادي يحصل في الثلث الثاني من الحمل ويزول في الاسبوع 32 يعني شي طبيعي مافيه اي داعي للخوف

لكن خبركم اسلوب الدكتورة ما عطتني مجال للسؤال حتى اطمن أكثر بس قالت لي يروح قبل الولاده بس لازم سونار


وهني عرفت ليش تسأل عن تحليل متلازمة داون .. انا عملته وطلع سليم الحمد لله لكن المستشفى ما سجل في الملف مو مهم المهم انه سليم

طلع انه قد يكون في علاقة بين المغولي وبين الشي الي ماعرف حتى اسمه (choroid plexus cyst ) واذا تحليل الجنين للداون سليم مافي خوف ابداً


اللهم لك الحمد والشكر الله يتمم حملنا بصحة وعافية يارب

كنا غافلين اول عن بدعة السونار التفصيلي الي بس يجيب الهم للأبويين بأطفالي كان السونار فقط قياس اعضاء الجنين مو حتى داخل الدماغ يدخلو ويفتوا ان الجنين فيه وفيه وهو بعده ما اكتمل نموه

انا اعتبر الشي الي صار اشارة لي حتى ابدأ اقرأ سورة البقرة لحفظ الجنين كل مرة أأجلها ..

اسفة طولت عليكم , بس نصيحة لا تثقوا بكل شي يقولونه الدكاترة هم ماعندهم العلم بخلق الجنين الا اذا الشي وااضح من التحاليل وبعد يظل الشك ..

[بنت الظبي 2016]

شو اسم المستشفى اختي

[أنوار الولاية]

اسمة المركز الطبي

هالمستشفى كلش زين كل مره اروح له دكاترته زينين

لكن حظي داك اليوم طلعت لي دكتوره ماليها خلق وتبي تطلع بسرعه

المستشفى ابدا مافيه عيب بالعكس عجبني احسن من غيره ماحسهم استغلاليين

[υм вtℓαα]

ان شاء الله مافي الاالخير
تطمني خيتي دام سويتي كل شي وطلع سليم
وكل امرك لله واستودعيطفلك وربك هو الحافظ

الله يتمملك ع خير

[أنوار الولاية]

ان شاء الله يارب

الله يسلمه ليي بصحة وسلامة

[أم حمودي وعبودي]

الله يحفظ أجنتنا ويقر عيونا بشوفتهم بصحة وعافية يا رب

[ayato]

طنشيها ولا تسمعي لها


حسبي الله عليها من دكتورة

[ayato]

ربي يسهل حملك وتولدين بسلامه يارب