الحقوني الله يعافيكم

[زوجة السهلي]

بنات الله يعافيكم انا قالت الدكتورة ان الرحم مفتوح اشوي وعطتني مثبت اكل حبتين في اليوم تتوقعون يرجع يسكر ان شاء الله ﻻن باقي لي اسبوع وادخل السادس باذن الله دعواتكم الله يثبته ويتمم لنا على خير والحمدلله مافيه دم وﻻماي ينزل تقول كل شي تمام الحمدلله بس خوفتني علشان الرحم

[Fatima 14]

أختي ما عندي علم بس ارتاحي الله يتمم لك على خير وتشوفي ابنك كامل الخلق يا رب

[زوجة السهلي]

اللهم امين اجمعين يارب

[Am Fatmai]

حبيبتي ان شاءالله مايفتح وتقومين بالسلامه التزمي بالتعليمات حبييتي. وارتاحي عالاخررررر حاولي تكوني بدون مجهود ان شاءالله بتعدي هالفتره على خير ويطمن قلبك وتفرحين فالبيبي

[ام ياسمين*]

حبيبتي ﻻ تخافي ان شاء لله مافي الى الخييير ممكن يرجع يتسكر اهم شي انت ارتاحي ﻻ تقوم باي مجهود ماكان
الله يتبتلك حملك يتمملك على خييييييير

[زوجة السهلي]

اللهم امين الله كريم يثبته لي ولكم يارب

[أنوار الولاية]

اختي اسأليها يمكن تحتاجين ربط حتى ما ينفتح زياده

وحاسبي على انواع الاكل لا تاخذي اشيا مو زينه للرحم

[زوجة السهلي]

قالت مايحتاج ربط بس علي بالمثبت والله كريم ان شاء الله طيب ايش اﻻكﻻت اتجنبها علشان مايفتح زياده ومتى يتسكر ﻻنها قالت تعالي بعد شهر اشوفك

[بحــ العيون ــــــــر]

ربي يتمم لكي على خيررر

وان شاء البنات مااراح يقصرون معك ياالغلا

[أم مـــاريا]

ياربي


ليه بعد شهر
المفروض اذا ماطلعت الانسجة يسوون لك ربط
انا بحملي اللي نزل قبل اسابيع
رحت لهم وهو مفتوح قالت لي لو الانسجه مو برا كان ممكن نسوي لك ربط
تقول الحين اغلبها برا و الرحم انفتح كامل و اي عمليه نجريها لك الحين ممكن نحتك باالكيس و ينفقع معانا
عشان كذا كانت حالتي ميؤوس منها
بس انتي باقي فيه وقت ينقذونك
ان شاءالله زي ماقالو البنات يرجع ينقفل
انا كان مفتوح كامل يوم وصلتهم قالت مافيه مجال ينقفل ابد
تخيلي اسدحوني على سرير وحتى قومه للحمام ممنوعه منها
قالت بنحاول قد مانقدر ماتولدين بدري
تخيلي كمان رفع السرير وتنزيل و التقلب يمين ويسار قالت لي ابداً ماتتحركين
بس سبحان الله بعد كم ساعه جاني الطلق وولدته و الحمدلله على كل حال




انتبهي من الحركه من غير لزمه
وحاولي فيهم يسوون لك ربط ان امكن او يشوفون اي حل بما انك باقي ماشاء الله




انتبهي لحالك ودعواتي لك
حاسه بااللي فيك و حاسه بخوفك
الله لا يضيع لك تعب

[أنوار الولاية]

مثل ما قالت لك ماريا

لا تاخذين براي دكتوره وحده وتجازفي

خسارة وصلتي لهذه المرحله ويصير شي لا سمح الله ،، يمكن عنق الرحم عندك قصير او شي من جذي ينفتح اذا زاد حجم الجنين

فإذا في امكانيه اعملي ربط في اسرع وقت

الله يتمم لك يارب على خير ويعوض ام ماريا قريبا بالحلم السليم ...

[bellamamita]

السلام عليكم ربي يتمم لك بالخير حبيبتي
قريت لبارح نفس حالتك وكانت ردود البنات مطمئنة كثير المهم لاتتحركي كثير والجماع يكون بعازل طبي

[bellamamita]

ومثل مقالو البنات شوفي دكتور ثاني يطمنك اكثر

[زوجة السهلي]

الحمدلله هي طمنتني بس تقول اشوي يعني تقريبا 1مفتوح وتقول مع المثبت والراحه ان شاء الله يرجع طبيعي ﻻن اذكر ببنتي كان مفتوح 2 لين التاسع الحمدلله ربي قادر يرجعه لوضعه الطبيعي وخواتي قبل كذا الرحم يكون فاتح عندهم والحمدلله اختي جابت ولد في السادس داخله على السابع وولدها ماشاء الله الحين بالروضه واختي انفتح عندها الرحم وهي بالخامس وظلت لين السابع ونص وولدت الحمدلله وولدها الحين 11شهر

[زوجة السهلي]

انا الحين ببيت اهلي مرتاحه مااقوم اﻻ للدورة المياه وانتم بكرامه والله كريم يثبته لوقته الله كريم الحمدلله عندي ولدين و3بنات الله يحفظهم يارب ويتمم لنا على خير ويقومنا بالسﻻمة

[أم مـــاريا]

دامك متطمنه و الرحم مو مفتوح عندك كثير
الله يثبته لك و لا يضّرّك

و ان شاء الله بعد ذا الشهر تروحين تلاقين الرحم تسكّر مره
انا بصراحه مااعرف وش اللي يسكر الرحم و ماعمري سمعت بذا الشي
بس اذكر يوم كنت باالملاحظه كنت اسأل البنات هنا وش اسوي رحمي مفتوح
قالوا لي اسألي الدكتوره في شي يقفله
قالت لي لأ بما انه انفتح ماراح يتسكر
بس الطب يختلف عن اللي متوارثينه البعض من اهلهم او من الطب الشعبي
يمكن قد ضبطت مع احد فكره او عشبه او اكله تسكر الرحم

المهم الحين
خلّس مرتاحه و لا تطمنتي بعد ذا الشهر حاولي تتجنبين الاسباب اللي خلته ينفتح ، و اي اعراض تجيك ع طول للمستشفى
الله يتمم لك حملك و لا يضيع تعبك ابد ،

[زوجة السهلي]

الله يجزاك خير ام ماريا والجميع الحمدلله على كل حال واللي الله كاتبه بيصير الله يعوضك ويتمم لنا على خير يارب اللهم امين بس بغيت اسال عادي انام على ظهري واﻻ يضر

[أنوار الولاية]

يعني الشي مو جديد عليك اذا صار لك من قبل

الله يثبته إن شاء الله ويتتم حملك

[ناطرة الفرح]

استودعيه الله قبل كل شي
وانتبهي تشيلي اي ثقيل ومن كل المنبهات
شاي قهوة زنجبيل قرفة و اي شي فيه حبه سودا أو سمسم
والله يثبت حملك ويقر عينك بشوفة طفلك تام الخلق والخلقه

[زوجة السهلي]

اللهم امين الله يثبت لي ولكم ويفرحنا ان شاء الله ويقومنا بالسلامه يارب ربي قادر يرجعه لوضعه الطبيعي