كيف اتابع حملي بالطريقة الصحيحه ؟

[حبيبةة امها]

مساء الخير ..

عندي سؤال .. انا توني بكريه وما سئلت الدكتوره عن الموعد الجاي لان قالت لي الحمدلله امورك تمام و وضع جنينك مستقر و و الخ .. و انا ودي اتابع حملي أول بأول و اشوف اخر التطورات بالنمو واشوف اذا ماشي تمام او لا .. بس ماعرف .. متى اروح للدكتوره ؟ و ايش اقول لها ؟ و الاشعه كل كم اسويها ؟ يعني اسويها كل ثلاث اسابيع ولا كل شهر ماني عارفه شي وماني حابه اتأخر وتكون صايره مشكله لاسمح الله .. يعني ابي متابعة طبيه صحيحه .. انصحوني ..

[أم مـــاريا]

انتي روحي المستشفى كلمي دكتورتك انك تبين متابعة للحمل
راح تعطيك كرت متابعه و تسوي لك موعد كل شهر
و بهالموعد راح تشوف لك بالسونار وضع جنينك و تسوي لك تحاليل دم و بول و تعطيك اللازم من الادويه

مثلا بالاشهر الاولى ضروري تاخذين حمض فوليك
راح تكتبه لك
و بعدها راح تبدا معك باالحديد و الكالسيوم
وراح اشوف لك هي باالتحاليل الشهريه وش ناقصك وتدلّك عاالطريق الصح ..

[حبيبةة امها]

ايه بس دكتورتي مدري وش فيها مع انها استشاريه والكل يمدح فيها بس حمض الفوليك انا طلبته منها ماكانت تبي تقول لي عنه .. و حبوب الغثيان الا طلبتهم منها بعد و السونار انا اطلبه منها اذا شكيت ان صار شي .. مع ان من اول ماطلعت حامل قلت لها بتابع حملي عندك قالت اهلا وسهلا .. وعملت لي تحاليل شامله .. بس بعدين مدري حتى ماقالت لي تعالي لي بعد كذا .. عشان كذا ما ادري

[أم مـــاريا]

اهاا ، صح وش عندها ذي
انتي كما هو واضح بمستشفى خاص
و شكلها مالها خلق ذي باالمره


انا بحملي اتابع بمستشفى عسكري و بمستشفى خاص
باالمستشفى العسكري ع طول اول ماتحللين وتطلعين حامل
يعطونك كرت المتابعه حتى لو ماطلبتي
و يبدون يصرفون لك الادويه المهمه للحامل ..

و باالخاص والله دكتورتي كانت متحمسسه مررا و كل ماشافت حاجه مو طبيعيه تنبهني
و تسألني عن التغييرات اللي احسها كأنه اول حمل لي ، كانت خدومه "بغض النظر عن انها كانت تبي تكسب فلوس"
و عطتني الكرت و البوم اجمع الصور حق السونار حق جنيني
و بطاقتها الخاصه عشان اذا عندي استفسار اسألها عالواتساب
و كانت تلّزم علي عشان آخذ ادويه فوليك و حديد بس انا الادويه كنت آخذها من المستشفى العسكري
فما كنت آخذ من هاالدكتوره الا المثبتات التحاميل ،،

[حبيبةة امها]

ايه انا لمستشفى خاص لأن الحكومي ماعرف نظامهم بس ماخذه عنهم فكره ان مواعيدهم تتأخر .. ما ادري يعني اغير دكتورتي ولا اروح لحكومي مره وحده ؟ المشكله انا حابه اولد بالخاص اذا الله تمم لي .. وحلوه دكتورتك ماشاء الله احب اللي كذا تحسسني اني حامل جد وتغرقني بالنصايح مو مثل حقتي الا انا اذكرها بالاشياء المهمه

[υм вtℓαα]

وليش ماجربتي تتابعين بالحكومي وخلي الولاده بالخاص ع خير

[ام ياسمين*]

هاي فكرتني بدكتورتي انا لما اكون رايحلها افكر بقموس اسئلة لانها ادا مسئلتها ما بتقولي وفي كل موعد انا اسئالها عن الموعد الجاي وتصدقو هي عمرها ماقلتلي انا في اي شهر انا بحسب لحالي وحتى اخر زيارة سئلتها عن موعد الولادة قالتلي اه بنشوف بعدين انشغلت او ماقلتلي
ولله مادري شو لى خلاني اتابع معها كل هاده الشهور كلها اتقولي كنت نايمة ولا شو هههههه
حبيبتي ادا مارتحتي لها غيريها من الاول احسن

[dreamfati]

هي لازم تعطيك موعد تاني انا من رأيي غيري الدكتورة وشوفي شي وحدة شاطرة . على فكرة حاولي تسأليها توصف لك فايتمينات انا طبيبتي اول ما حملت اعطتني فايتمينات فيها كلسيوم وفايتمين دي وحمض الفوليك وكله . هدي الفايتمينات بتساعدك كتير .

[Om nony 3nony]

غريبه ماتعطيك موعد للمره الجايه !!!؟
انا اول ماتخلص من كل شي على طول تعطيني الادويه اللازمه وموعد الزيارة القادمة

احسن شي غيريها وبعدين كيف ماتسويلك سونار الا بطلب معروف السونار بالأشهر الاولى يتسوى كل شهر مره عشان تتطمن على وضع الجنين ونموه وكده ..

[كبرتني ياااهم]

حبيبتي. متابعة الحامل تتم كل شهر شامله لتحليل البول
وأشعة السونار. وقياس الضغط والوزن...


كل شهر زياره واحده للطبيبه... مدام وضعك سليم والحمدلله


لان كثره أشعة السونار مضرة للجنين..... لاينصح بكثرتها
واشاعه مل شهر مره كافيه...

لاتكثرين


واهتمي بنفسك وحملك طوال الشهر وارتاحي وان شاء الله تسمعين نتائج واخبار حلوه عن جنينك

[أم مـــاريا]

مدري عن المستشفيات الحكوميه الثانيه


باالعسكري الحامل من نفسهم يسوون لك موعد كل شهر
و احياناً كل ٣ اسابيع

يمكن باالمواعيد الاخرى لغير الحوامل يتأخرون
بس الحوامل كل شي ماشي عالاصول ��❤️

خليك بحكومي و خلي الخاص للحالات الطارئه بحملك
و الولاده اولدي باالخاص هذا شي راجع لك


او غيري المستشفى اللي تراجعين به