تأخر الدورة الشهرية 6 ايام ونتيجة التحليل مافيه حمل

[Alaaghamdi]

تأخر الدورة الشهرية 6 ايام ونتيجة التحليل مافيه حمل
تأخر الدورة الشهرية 6 ايام ونتيجة التحليل مافيه حمل


السلام عليكم

للحين محتاره ما ادري ليش متأخره عندي الدوره !!
المفروض انها تجيني الجمعه اللي فات ، ورحت حللت يوم السبت اللي فات وطلع مافي حمل
والى اليوم الاربعاء ما جتني ، يعني لي سته ايام تقريبا ، ولا احس بأي من الأعراض ابدا ابدا
ولا حتى افرازات ابدا ، فقط غازات وخصوصا اذا جيت اكل وبعد الاكل شوي وتروح .
سويت تحاليل وسونار والحمدلله سليمه ..


بس ليه تأخرت الدوره عندي ؟؟
وهل ممكن يكون تأخرها هو حمل بس ما تظهر نتيجة الحمل الا بعد فتره طويله ؟؟؟
ولا في سبب معين ؟؟ ساعدوني اللي مرت في هالشي وش صار معاها !!

[عرق الوتين ♡]

م عندي علم بس اختي ان شاء الله انه حمل الله يرزقك

اختي كذا اليوم كملت 13يوم وهي متاخره واليوم حللت وم بان معها حمل وقالت لها الدكتورة اعملي تحليل دم يبان اكثر ♡

[Alaaghamdi]

ان شاء الله .. الله يحفظك

[التائبة لله(ام محمد باذن الله)]

حبيبتي سوي تحليل دم هرموني اذا في حمل رح يبين

[υм вtℓαα]

سوي تحليل دم هرموني وباذن الله يبين

[همس .]

سوي تحليل دم هرموني ب يبين اذا فيه حمل

[Alaaghamdi]

طيب هل ممكن يكون هذا شي غريب وأول مره يصير يعني ؟؟
لأنه متزوجه لي شهرين ، ولم يسبق لي الحمل

[Alaaghamdi]

:( :( :(

[sofita]

نفس حالتك بالضبط، وو ما اعرف السبب
التحليل سالب و الدورة متاخرة سبعة ايام
يا رب بشرنا
يمكن يكون حصل تبويض متاخر
ان شاء الله نطلع حوامل. آمين

[أم حمودي وعبودي]

عادي هذا الشي يحصل عند كل الإناث
ممكن تتلخبط الدورة شهر وبعدين ترجع لطبيعتها
بس طبعاً ما نستبعد فكرة الحمل
عشان كذا خذي كم يوم وعيدي التحليل مرة ثانية
وإذا حابة تعرفي سبب تأخر الدورة اعملي تحليل هرمونات لما تجي بس مو ضروري كون في سبب هرموني
ممكن تتأخر الدورة لأسباب نفسية أو الإجهاد والحركة الزايدة أو بسبب برودة الجو

[همس .]

انتي توك متزوجه ؟ حبيبتي لا تخافي
هي كذا تتلخبط عندك وبعدين ترجع لطبيعتها
مثلي انا كانت قبل ما اتزوج ملخبطه وحوسه
وبعد ما تزوجت ما كانت تجيني الا نهايه الا في شهر
جاتني ب البدايه وجاتني بالنهايه بعد يعني مرتين ب الشهر
وخلاص والشهر الي بعده ما جاتني في البدايه
وشكيت انو حمل بس جاتني ب النهايه وخلاص ثبتت ع النهايه
وصارت منتظمه كل 28 يوم ..

[نفحة أمل]

انشاء الله يكون في حمل. خذي ديفاستون على 5 ايام اذا في حمل يثبته واذا ما في حمل تنزل الدورة