بنات المدينة المنورة ساعدوني

[Moon199]

سلام عليكم
ممكن تفيدوني انا افكر اولد في مستشفى النساء والولادة الحكومي بس مو عارفه لازم اروح افتح ملف قبل الولادة ولا لا ومو عارفه ايش يوفرولي لي وللمولود الله يسعدكم الي والده قريب عندهم تفيدني اتمنى تردو علي باقرب وقت وكمان ايش احتاج اخذ معاي للمستشفى في الشنطه الله يسعدكم ادري طولت بالكلام بس بكريه وخايفه ومو عارفه شي وماعندي احد اساله

[υм вtℓαα]

وعليكم السلام
ان شاء الله بنات المدينه يفيدونك

بالنسبه للشنطه حطي ملابس البيبي وحفاظته وحطي لك الالويز وحطي لك ملفع 2 وبجامتين و2روب واهم شي الشرابات
ومزيل العرق ولوشن ومشط للشعر

والله سهل عليك ويقومك بالسلامه يارب

[Moon199]

شكرا ياقلبي الله يعطيك العافيه وينك يابنات مافيه غير رد واحد ��

[bellamamita]

ان شاء الله بنات المدينة يردون
بالنسبة للشنطة
ملابس للبيبي 3 غيارات ملابس طلوع و م3 غيارات ملابس داخلية قطن
مستلزمات الحمام للبيبي
فوط
حفاظات
وبالنسبة الك 2 غيارات و ملابس داخلية والسراويل تكون قطنية وواسعة والاولويز الحجم الكبير
مزيل العرق ومستلزمات الحمام و مشط ومناديل

[bellamamita]

ملابس البيبي تكون معزولة عن ملابسك و مرتبة حسب كبف مالازم تنلبس عشان النورس ماتلخبط فيهن
ونصيحة اول ماتشعري بالطلق يتكرر متباعد خدي لك دش ساخن وحافظي لى هدوءك وزيلي شعر الابط والعانة و حطي مزيل العرق و مشطي شعرك و لميه كويس عشان مايتعبك والافضل تعملي ضفيرة اشربي حليب دافي مع عسل حر و كلي رطب بس لا تكتري اكل و روحي للمشفى اه نسيت حاولي تدخلي المرحاض اعزكم الله وتتخلصي من اي شي ببطنك

[أم مـــاريا]

وعليكم السلام
ان شاء الله بنات المدينه يفيدونك

بالنسبه للشنطه حطي ملابس البيبي وحفاظته وحطي لك الالويز وحطي لك ملفع 2 وبجامتين و2روب واهم شي الشرابات
ومزيل العرق ولوشن ومشط للشعر

والله سهل عليك ويقومك بالسلامه يارب



وعباية جديده نظيفه و مكويه و مبخرتها لوقت الطلوع

و ربطة للشعر "بكله" و فرشاة الاسنان و المعجون
هذي كل مااتنوم باالمستشفى انساها واقعد اشغلهم جيبوا لي ربطة شعر جيبوا لي فرشاة اسناني
خلاص صرت لازم اخذ ربطة شعر سبير بشنطتي حتى لو رايحه موعد عادي ههههههههههههههههههههههه

[Moon199]

الله يسعدكم ويديكم الي تتمنون يارب شكراا على الردود

[نوت "̮]

وعليكم السلام ورحمة الله وبركاته ..

ايوه لازم تروحي تفتحي لك ملف قبل الولادة عشان يعملولك التحاليل اللازمة عشان لمن تروحي لهم بالسلامة تولدي ما تتعبي ف سحب الدم والحاجات اللي لازم يعملوها قبل الولادة . بخصوص الدكاتره والله ما اعرف احد فيهم .. اساليني عن مستشفى احد او العسكري اقولك مين اشطرهم هناك .. انا ان شاءالله اذا ربنا سهل لي وكتب لي ولادة فالمدينة ح اروح مستشفى احد لاني اثق بالدكاتره الموجودين هناك وكلهم كفاءة ماشاءالله .. ما اقلل من كفاءة الدكاتره فالمستشفيات الثانيه لا .. بس اللي في احد اعرفهم كلهم واخواتي كلهم ولدوا هناك ماشاءالله

[υм вtℓαα]

هههههههههههه ام ماريا اهم شي بكلة الشعر هههههههههه

[Moon199]

شكرا نوت على الرد والله يسعدك يارب ويسهلك امورك ����

[نوت "̮]

شكرا نوت على الرد والله يسعدك يارب ويسهلك امورك ����

العفوو ي قلبي .. امين ي رب ويسعدك ويسهل لك امرك ي رب