المساعد الشخصي الرقمي

مشاهدة النسخة كاملة : واااايد خايفه من الولاده

دموع الليل الجريح
11-09-2010, 09:13 AM
بسم الله الرحمن الرحيم

السلام عليكم ورحمه الله وبركاته


شخبااااااااااااااااااااااااركم

بصراحه الايام قاعده تمشي وكل محد شافني يقولي الله يعينج على الولاده

واااااااااايد صرت اخاف

كل وحده تخرعني بشي : الولاده تقعدين فتره لانج بكر والخياطه والتنظيف


صرت وااااااااااااااااااااااااااااايد خايفه

الله يسهل عليكم طمنوني
لوووورا
11-09-2010, 09:51 AM
والله يااختي عندي ولد والحمد الله الولاده بسطلعت الراس صعبه ولا والله سهله بالعكس لا تخافين توكلي على الله
بس والله تسمعين صوت النونو تنسين الالم
زهرة البنفسج
11-09-2010, 10:06 AM
الله يسهل عليك وعلينا يارب ترا التساهيل من ربي ادعي وتوكلي على الله وربي يقومنا بالسلامه يارب
حنين الجنة
11-09-2010, 10:27 AM
توكلى على الله
وكل شئ يهون بس تشوفين البيبي
وبعد ما تشوفيه راح تنسي كل الالم سبحان الله

واما عن الخياطه هم راح يعطوكى بنج مخدر
وبعدها كلها 3 اسابيع ويفك الخيط لحاله وترجعى مثل الاول
حنين الجنة
11-09-2010, 10:27 AM
توكلى على الله
وكل شئ يهون بس تشوفين البيبي
وبعد ما تشوفيه راح تنسي كل الالم سبحان الله

واما عن الخياطه هم راح يعطوكى بنج مخدر
وبعدها كلها 3 اسابيع ويفك الخيط لحاله وترجعى مثل الاول
شمس الصباح
11-09-2010, 10:41 AM
لا تخافين الولادة مو صعبه والله المسهل ولو الم يعور لدرجة الموت محد حمل وجاب الثاني والثالث والرابع
وكل شي لعيون الأمومة يهون هونيها وتهون وكل بأجره
أم حماني
11-09-2010, 11:02 AM
هونيها وتهون ... وكبريها تكبررر واهم شي لاتفتحين اذنج لاحد لانه من طبع الناس والحريم بالذات المبااااالغه .. انا نفسج كانوا يخرعوني ويقولون لي شلون بتولدين لاني من النوع اللي ماستحمل .. بس صدقيني كل وحدة ولادتها تختلف عن الثانيه وتعاملج مع الموقف يختلف عن غيرج ... اختي صدقيني الولادة صج متعبه وتؤلم بس حلوة ... التجربه حلوة ,,, فكري فيها تعبتي تسع شهور و هالولادة هو الوقت الي تجنين فيه ثمره تعبج وبيكونون حواليج اهلج واللي تحبينهم وكل العيون مترقبه بس ينتظرون يسمعون خبر ولادتج و وقتها وانتي تولدين كل القلوب تدعي لج واخر شي يطلع البيبي وتنسين كل لحظة الم ... انا والدة لي شهرين ومتشوقه اعيد التجربة مره ثانيه
آلاء
11-09-2010, 11:16 AM
ام حماني
الله يسلمك
والله حكيك وانك متشوقة للحمل
شجعني وشوي خف الخوف
الشمس الشموسة
11-09-2010, 11:38 AM
والله ياقلبي لا تخافي انا شفت الموت بس مو من الولادة من كلام الحريم الله يسامحهم وبخصوص الخياطة كل وحده كانت تقولي شي والله والله انها سهلة بالمرة بالنسبة لي انا ولله الحمد لما خرج النونو جالسة اقولهم بس خلاص وجلسوا يضحكوا علي انا لي سنتين متزوجه وعندي طفلين مشاء الله بس انا كنت اقول للحريم والله ماتعبت والولادة سهلة وبسرعة ولدت والله لايوريك كنت حموت في ولادتي الثانية الوحدة احسن شي ما تقول شي لهم لانهم من جد الناس ماتعطي خير عموما حياتي بخصوص الخياطة حيعطوكي كريم ابيض استخدميه باستمرار وصدقيني ما حتحسي الا بخلال اسبوعين والالم تخف الا ان تنتهي والله يسهلك ويرزقني برهم
ام بسملة
11-09-2010, 01:49 PM
أول شي الله يقومك بالسلامة .وانا بقلك انو أول ما تشوفي النونو تبعك بتنسي كل شي.وما تخافي لأنها لحظة و تفوت .انا عن حالي اللي بنت حلوة كتير عمرها 3 سنين وانا هلأ حامل في الشهر السادس وانا مو منتظرة اي شي غير اني شوف بنوتي التانية
الله لا يحرم كل وحدة من نعمة الامومة
ام الخلفاء
11-09-2010, 02:03 PM
الله يسهل علينا جميعا
wow
11-10-2010, 07:32 AM
الله يسهلها عليك وعلي يارب العالمين
دموع الليل الجريح
11-11-2010, 05:35 PM
مشكوووووووووورات جميعا

ربي يسهل عليكن كل صعب

بس الله يعينا ويرحمنا برحمته

بس بعد رهبه الموقف
راجيه ربها
11-12-2010, 12:38 AM
الله يهووون عليك
رمال
11-12-2010, 03:26 AM
هاذي مشكلة الحريم
المبالغه ..
والله لاتسمعين كلام أحد ..
والله الولاده مافي أحلى منهآ ..
والألم لو مافي أحد يستحمله كان حتى القطاوه مابتحمل وتولد ..
صدقيني لما بتجربين يتستغربين من الكلام اللي إنقال لك ..مثلي أنا
لما بولد أبكي من الخوف مابي أولد خخخخخخ وبس ولدت ضحكت على نفسي
وبعدين الالم نفس ألم الدوره بس بصوره أكبر
ولما يودونك غرفة الولاده وتبدين بالدفع يروح الألم ويصير عندك بس الرغبه في الدفع

خلي عنك كلام الحريم الفاضي

وعليك بسورة الزلزله وإذا السمآ أشقت ..

والله يسهل لك إنشالله
جولييت
11-12-2010, 08:43 AM
لاتفكرين ولاعلى بالك...والله الحريم بس يبون يوترونك عشان وقت ولادتك تتعب نفسيتك

واكلي امرك لله وادعيه بتسهيل ولادتك ولاتهتمين للي يقولون لك صعبه وناس تموت ومادري شنو...

ياما قالولي ان في ناس تموت واهم يولدون والله العظيم وانا فالمستشفى جى في بالي اني بس اولد بموت>>>تخيلي وقت استجابة الدعاء وتفكرين كذا يعني بتموتين من خوفك وتفكيرك بس ربك رحيم صارت ولادتي قيصريه ..يعني لو انها طبيعي كان طول ماانا اطلق افكر بالموت وكان مت ومافرحت بولدي بس الحمدلله رب العالمين ربك رحيم بعباده

ولاتهتمين لكلام الناس الي ماوراه الا الهم والغم
أم جعفر
11-13-2010, 08:04 PM
أني أتعالج للحمل وانتظر نهاية الشهر هل في حمل أو لا وخايفة من ألحين من الولادة وساعات اقول وش حادني احاول احمل واني ادري ان الولادة متعبة ومؤلمة