استفسار عن كيس الجنين

[Noosha]

السلام عليكم ورحمة الله وبركاته
شخباركم بنات؟ ان شاء الله تكونوا بأحسن حال

بسالكم سؤال بس لا تضحكون علي لاني بكريه وماعرف شي

انا الان حامل في الشهر السادس الحمد لله والكورس الجاي بداوم جامعتي وعلى الشهر التاسع بكون باقي اداوم بس فيه شي شاغل بالي وخايفه منه..
اخاف كيس الجنين ينفتح وانا ف الكلاس مثلا واتفشل😓
سؤالي هل كيس الجنين ينفجر فجأة بدون سابق انذار؟
وكيف كميه الماي اخاف تبلل ملابسي وانفضح.. يا بنات مادري يمكن سؤالي غبي بس صدق ما عندي علم😢

ومشكورين مقدما

[لون المطرر]

هلا حبيبتي عادي ياقلبي خذي راحتك حنا هنا اخوات نفيد ونستفيد من بعض وخبراتنا
عموما ياقمر الولاده ماتجيك فجاءه لابد سبحان الله مقدمات وجع متواصل بالظهر مغوص يعني يومتها لوحسيتي نفسك تعبانه ومو تمام واوجاع ماحتروحي الكلاس والبكريه
الاغلبيه التاخذ التاسع كامل فلاتشيلي هم ووكلي امرك لله سبحانه يمكن تخلصي الكلاس كلو وبعدها تولدي بالسلامه

[υм вtℓαα]

وعليكم السلام
بماانك بكريه فاراح تاخذين الشهر التاسع كله
ولاجتك الولاده موشرط تنزل المويه ممكن يجيك افراز دم او اخضر او اصفر تكرمين

بس فيك ترتاحين الفتره الاخيره لانك ماتدرين باي وقت تولدين

[أم حمودي وعبودي]

صرت أتخيل الموقف عن جد محرج وغصب عني ضحكت

البكرية مو شرط تكمل التاسع أعرف بكريات في بداية التاسع
كيس الجنين أحيانا ممكن يتسرب شوي شوي وأحيانا ينفجر فجأة
ممكن لما تدخلي الشهر التاسع تاخذي اجازة

[غصن مايل]

ممكن تاخذني اجازه لانك بشهر التاسع وفي اي وقت تولدي مو شرط تكلمي تاسع كله ووممكن تاخذي شهر التاسع كله
والله يكتب لك الولاده السهله الميسره يارب لك ولجنينك

[bellamamita]

الافضل تاخدي اجازة وعادة راح يكون مؤشر اخر على الولادة قبل انفجار الكيس
موفقة