محتاره بمفرش البيبي

[أم حمودي وعبودي]

أهلين بنات

شفت أشياء حلوة تفصيل على الأنستقرام بس كانت غالية وزوجي رافض الفكرة نهائي
وقررت أبجث في الجاهز
ساعدوني

[أم مـــاريا]

من جد المفارش حق تاجرات الانستقرام تهبّل مع التلبيسات حق القهوه و الشاي و الحاجات هذي
بس سعرها مبااااالغ فيه �� بس ودنا باالسنع و احسها حاجات تستاهل والله
الجاهزه الكويسه اللي تشبه حقات الانستقرام مدري وين تنباع
و اللي مو كويسه تحصلينها بكل مكان بالرياض
بمحلات تجهيز المواليد بكل الاحياء ..

قبل اسبوعين زوجة اخوي جابت ولد و كانوا مجهزين من قبلها هي و اخوي من عند وحده باالانستقرام
ماشاءالله شي يهبل صراحه حتى الستاره حق غرفة الاستقبال نفس الطقم و الترامس و علب الحلويات و كل شي


احس رفعت آمالي ماابي الا كذا هههههههههههههه
الله يعين ازواجنا علينا

[أم حمودي وعبودي]

أنا لما شفت الي بالأنستقرام صار ما يبين بعيني شي ثاني

بس مو حابه أكلف على زوجي زيادة عشان ورانا مصاريف ثانية

[أم مـــاريا]

ايه معاك بهاالنقطه

حتى لو عجبتني مراا ماراح ازيدها و ابالغ
باالذات انه مو من الاشياء اللي تقدرين تستخدمينها مره ثانيه
احس حرام الوحده تخسر هاالمبلغ و ترمي الطقم باالمستودع باالنهايه ..

[أم حمودي وعبودي]

وأنا ما عندي مستودع أصلاً وشقتي زحمة

[NoNa roze]

موفقة باذن الله ام حمودى وعبودى
باذن الله تلاقى طلبك

[Seba88]

عطوني حسابات انستقرام طيب أدور مالقيت شي والاسواق مب حلوه

[υм вtℓαα]

مفارش البيبي تلاقين بمحلات تجهيز الاطفال كمان مع السرير ولبس الام وحاجات ماتتعدى 500
وانتي نسقي ع راحتك لايكلف الله نفسها الا وسعهاا

[3isha]

في الرخيص وفي الغالي بس انتي من اي مدينه ؟

[أم حمودي وعبودي]

أنا في الدمام انتي بأي مدينة ؟؟
اليوم أشوف لك كم حساب
وسمعت في baby r us عندهم مفارش حلوة

[υм вtℓαα]

ام حمودي روحي لمولودي الصغير بحي العنود مره حاجته عجيبه اخذت منه كل اغراض اللي ابيها
وعندك بارقة الشرقيه بنفس الشارع عنده مستلزمات للبيبي

وفي كمان بالقطيف ع الشارع محلات للبيبي سراير ومفارش عجيبه انا ماخذه منها واشكالها روعه ولاتخرب مع الغسيل

[أم حمودي وعبودي]

إن شاء الله أمر عليهم هذا الإسبوع
ناوية أخلص أغراض البيبي كلها قبل الشهر السابع

[أم حمودي وعبودي]

http://forum.hwaml.com/imgcache2/hwaml.com_1453501807_413.jpg

شوفوا هذا هو السرير الي أخذته
حجمه مررره كبير يكفي الطفل من الولادة إلى 4
من بيبي شوب وسعره 1045

[υм вtℓαα]

حلوو زي سرير بنتي وهي صغيره ولحد الحين عندي وغير كذا خشبه ممتاز

[أم حمودي وعبودي]

أيوه أم بتلاء حسيته أقوى سرير بالمحل
هزيته هز وكان متماسك على عكس باقي الأسرة
في منه أبيض و ممكن يجي مع أدراج ومن فوق لتغيير الحفاظات

[Faith]

ماشاءالله جميل السرير
انا صراحه فصلت طقم كامل مفرش ولحاف وسرير البيبي عند المفتي في جده
وخليت لونه سكري ودخلت عليه اللون اللي ابغاه يعني اقدر استفيد منه بعدين
ماخليت القماش ملون
ان شاءالله تلاقي في الدمام للاسف ماعندي خلفيه لاني من مكه
وموفقه عزيزتي

[ربي رحيم]

هاي بعض الصور من غرف اطفال ربما تساعدك في التنسيق او فيهم غرفة بنتي . انشالله يعجبوكي او على الاقل يفيدوك في شي. http://forum.hwaml.com/imgcache2/hwaml.com_1454050690_846.jpg https://s7.erwinmueller.com/is/image/erwinmueller/96_884?$430$&160129 http://forum.hwaml.com/imgcache2/hwaml.com_1454050691_674.jpg https://encrypted-tbn1.gstatic.com/shopping?q=tbn:ANd9GcRAwaTqvrazdhD5DBbCEm1DucjM6zG 8UHh9EGTmQ0WBzwRl4TS4JG57-nJymgI&usqp=CAE https://encrypted-tbn2.gstatic.com/shopping?q=tbn:ANd9GcTYlN1VbVV0krZGJDuSK40VqSuoMm9 dwA0B_zFLZMh0hFz-yZmM87BzUGR173o&usqp=CAE https://encrypted-tbn0.gstatic.com/shopping?q=tbn:ANd9GcRzp2Vhr1I4t9abhNKu3FBDiFE3gqu lpLk7bDf1xbK5gbs9SajeGkmrFePYWlN3O_qLU4PfKpI&usqp=CAE http://forum.hwaml.com/imgcache2/hwaml.com_1454050690_375.jpg

[ربي رحيم]

كثيير حلوات
تسلم الايادي ام فردوس

الله يسلمك عقبال عندك يارب او اختار معاكي طقم البيبي انشالله يارب راح يكون يوم فرحتي والله

[Um sara1]

حبيبتي الحين محلات المفارش والخداديات متوفره فيها ااطقم النفاس والبيبي اشكال وانواع مايحتاج لا انستقرام ولا غيره

[أم بذرة]

شوفي يا ام حمودي هذي يبغا لها حسن تدبير وتحسيب ،،
حاولي انتي تطلبين من المواقع وانا لي تجربة مع الكثير ،، او اطلبي من امازون ارخص لك والجودة كويسة وتكونين مميزة
والطلب اللحين مايبغا شي ،،
او روحي بنفسك واشتري اقمشة وفصلي ارخص واسرع احس هالاشياء ماعادت صعبة زي اول،،
عني انا احاول اضرب حسابي بقوة ومن شهور ومقنعة زوجي اشتري الغالي واجمعلة وماغير طول عمر الطفل ،،
مثلا شنطة البيبي اخذ وحدة صح وادرسها صح لون وخدمة وتكون شكلها يواجة وجد اجلس وماغيرها لحد ابني يوصل عمر الي استغني عن
نقل الشنطة اربع سنوات ومثلها عربية الطفل والاجهزة من جهاز اعداد الحليب وطاولة التغير وحدة اشتريت وبستخدمها لكل اولادي إن شاء الله
والهزازة وسرير الاشهر نفسها لماخلصت ببني الاول مسحتها وغلفتها ورفعتها وعسي ربي يتمم لي حملي هذا برجع افكها واستخدمها لان اللون محايد ،،
الملابس ياكثر المواقع الي تبيع شي يجنن ورخيص باربع دولار بدلة تججن كانها من زارا وهي مايعادل 14 ريال
اذا حابه تطلبين راسليني و ارسلك المواقع لان يمكن الادارة ماتسمح هنا ،،
والله يسهلنا ويسهلك ياكريم .

[أم حمودي وعبودي]

مشكووووة يا أم بذرة
حسيتك خبرة في تجهيز الأطفال
راسليني عالخاص