بنات الي كان عندها هرمون الحليب وحملت بالله تدخل ضروري

[أمل الورود]

السلام عليكم
شلونكم بنات انا عندي ارتفاع بهرمون الحليب والدكتورة قبل سنه صرفت لي حبوب دوستينكس لمده
شهر وماصار حمل والحين بعد سويت تحليل مرة ثانيه وطلع مرتفع
وصرفت لي نفس الحبوب لمده شهر اربع حبات بس
انا اشوف بنات يصرفون لمده ثلاث شهور وتوصل لست شهور وحبوب لما اوقفها احس الهرمون يرد يرتفع
الي خذت الحبوب وحملت كم شهر استمرت على الحبوب تكفون يبنات تردون احس بثقل بصدري وألم
واحتقان كم مده الي خذيتهم في العلاج وصار حمل

[أم أمجد2016]

السلام عليكم
شلونكم بنات انا عندي ارتفاع بهرمون الحليب والدكتورة قبل سنه صرفت لي حبوب دوستينكس لمده
شهر وماصار حمل والحين بعد سويت تحليل مرة ثانيه وطلع مرتفع
وصرفت لي نفس الحبوب لمده شهر اربع حبات بس
انا اشوف بنات يصرفون لمده ثلاث شهور وتوصل لست شهور وحبوب لما اوقفها احس الهرمون يرد يرتفع
الي خذت الحبوب وحملت كم شهر استمرت على الحبوب تكفون يبنات تردون احس بثقل بصدري وألم
واحتقان كم مده الي خذيتهم في العلاج وصار حمل
شفاك الله حبيبتي ،أنا لي صديقة كان عندها هرمون الحليب وعالجت مانفعها العلاج ،بعدها شربت عشبة المريمية وداومت عليها لما حلّلت تعدلت نسبة الهرمون وانتظمت دورتها . إن شاء الله يفيدوكي البنات

[أم مـــاريا]

انا اخذتها لمدة شهر
كان مرتفع عندي و يطلع من صدري كمان حليب

شهر و قالوا لي بعدها انتظم ..


بس انا بعد الشهر بفتره رجع ينزل حليب من صدري
و نفس الحاله
ماعاد راجعت فيه
و ماشاءالله من قبل احمل و مع الحمل و صدري حليب مايوقف
و خواتي ثنتين احملو و الهرمون كان ملخبط عندهم ..


سبحان الله مع العلاج او بدونه
خلي املك بالله كبير
و اشربي بردقوش
و اهتمي باالرقيه
وطنشي الهرمون .. و طنشي فكرة الحمل او حاولي تطنشيها
وان شاءالله ربما كريم و بيرزقك

[أمل الورود]

ام أمجد تسلمين يارب وجزاك الله خير
ان شاء الله مفكره اجرب الميرميّة
عهود ماقصرتي وجزاك الله خير المشكله انه في الم بثدي لا يطاق
بسبه هرمون الحليب وانا نفسي اجرب اكثر من شهر الحبوب لحد مايصير
حمل بإذن الله بس ابي تجارب البنات كم شهر استمرووو على الحبوب وحملوووو

[anoossam]

حبيبتي انصحك تغيري دكتورتك
اول شيء لازم تعرف سبب ارتفاع الهرمون وكم ارتفاعه عندك المفروض ماتوقفيه لحتى تحملي لكن تاخذي جرعات خفيفة لما ينزل
خذي مثلا حالتي انا هرموناتي كلها منتظمة الا هرمون الحليب كان مرتفع 3 اضعاف الطبيعي طلبت مني الدكتورة اعمل اشعة لفحص سلامة الغدة النخامية وللأسف طلع عندي ورم حميد بالغدة هو لي سبب ارتفاع الهرمون وطلبت مني دكتورتي اواصل اخذ الدوستينكس لحتى احمل واخذتهم سنة ونص وبعدها حملت فتوقفت عن اخذهم لكن كنت اخذهم بجرعات خفيفة ( اخذت حبة فب الاسبوع مدة شهرين وبعدين نص حبة في الاسبوع لمدة معينة وبعدين نص حبة في الاسبوعين وحملت على هذي الجرعة)
اتمنى اكون افدت واتمنى لك الحمل السريع
ادعيلي ربي يسر ولادتي ويحفظ بنتي وافرح بيها

[أمل الورود]

anoossam حبيبتي ماقصرتي طمنتيني الله يطمنك يارب والله يشفيك ان شاء آلله
انا الهرمون مو مرتفع واجد بس الي ملاحظتة لما اخذ حبوب الهرمون وخلص شهر
يخف الام الثدي طبعن الدكتورة هي الا قالت أخذهم شهر بس وأول ماخلص أسبوع او اسبوعين
ترد حليمة لعادتها القديمة ترد الاوجاع بالثدي والنغزات والثقل والصداع والله تعب تعب فوق ماتصورين
هذا الي خلاني اشك انة هرمون الحليب لازم استمر بالعلاج نفس ماقلتي بجرعات بسيط
وكنت حابه اشوف تجارب نفس تجربتك والله ماتدرين قد إِيش استانست لما شفت ردّك
حبيت أسالك انتي هرمون الحليب كان يسبب لك صداع انا صداع فضيع ولما خذيت الحبوب
راح الصداع او لا ربي ييسرلك ولادتك وتقومين بالسلامة انتي وبنوتك يارب

[تفاحة 2016]

انا عندي هرمون حليب مرتفع وأحس بنغزات لكن ما في صداع

[أمل الورود]

تفاحة شكرًا على مرورك وجزاك الله خير

[anoossam]

لا حبيبتي ما عندي صداع يمكن يجيني مرة في الوقت
ولا تشكريني حبيبتي انا كنت مثلك ابحث عن اي وحدة حملت بعد ارتفاع البرولاكتين وكنت اسأل واتساءل والان جاء دوري لأساعد اي وحدة عندها استفسار واقدر اساعدها
ياربي يرزقك ان شاء الله في القريب العاجل

[أمل الورود]

جزاك الله خير
ويتمم لك حملك على خير ان شاء الله