متى ناوين تجهزا أغراض النونو ؟

[أم حمودي وعبودي]

أهلين حوامل

أنا أفكر أبدا تجهيز من الشهر السادس بس بصراحة أبو النونو حاب نبدأ من الشهر الثامن وأنا شايفة أن الثامن كثير متأخر على التجهيزات وأكيد بننزحم
بالإضافة إني ما عندي خبرة بالتجهيزات والمحلات الحلوة فأكيد بنحتاج وقت ودوره في السوق

[أنوار الولاية]

انا افكر ابدا بالتجهيز في الشهر السادس على نهايته

الشهر الثامن متأخر ومو معقوله بتشتري كل شي دفعه وحده متعب الشي

افضل المحلات بالنسبة لي ويكون شااامل هو بيبي شوب (سنتر بوينت) وملابسهم مريحة للاطفال .

شوقتيني لكن بعدني ماعرفت جنس الجنين .. انا في بداية الرابع الله يتمم يارب على خير .

واذا ماعندك خبره لازم تاخذي معاك احد عنده اطفال اذا بتشتري حتى تعرفي الملابس والاحتياجات الازمة ..

[أم حمودي وعبودي]

على فكره يا نور بهذا الشهر ممكن تعرفي جنس النونو

بصراحة مو حابة آخذ أحد لأني أنا وزوجي انتظرنا هذه اللحظات من سنين وحابين نتسوق مع بعض
بس ممكن أستفيد من خبرات الآخرين وممكن أطلع يوم من الأيام مع أختي لأنها حامل قبلي بشهر

[أنوار الولاية]

اذا تبين مساعده انا جاهزة اكتب لك كل احتياجات البيبي

[anoossam]

انا ما صبرت ابتديت اجهز لما عرفت جنس البيبي كل ما انزل السوق واشوف شيء يعجبني اشتريه
انا حامل ببنت الله يجعلها من الصالحين ان شاء الله

[Am Fatmai]

انصحجج جهزي من الحين انا اتذكر من اول الرابع لمن عرفت بنت بديت اجهز وحتى استغليت تنزيلات السنتربوينت وجبت اشياء كثيره صدقيني بالشهر الثامن مستحييييييييييييل تقدرين تتسوقين وااااايد لانه من نهايه االسابع بتحسين بثقل كبيير وغير فوتات الحمام الله يكرمج
وضروري تاخذي اختك معاج احسن حبيبتي دوم الرجال مستعجل مو مثل بالنا طويل ونقي بدقه تامه استمتعي اول خمست طلعات مع زوجج عقب اشتري بروحك مع اختك او حد من الاهل
ربي يوفقكم وحاولي لاتكثرين وااايد مال نيو بورن لانه ماشاءالله بعد الاربعين بيتغير حجم البيبي وبتصغر عليه الملابس

[أم حمودي وعبودي]

هي أغراض النونو معروفه
بس أنا ما عندي فكره عن أفضل المحلات والماركات
و العدد المفروض أشتريه مثل ما تعرفون البيبي يكبر بسرعة
وطبعا السوق ما راح يطير وإن شاء الله بنطلع نتسوق بعد فتره من ولادته
وبعض الأشياء ما راح نحتاجها في البداية هذا غير الهدايا الي ممكن توصلنا من الأهل والأصدقاء

أفكر آخذ سرير خشبي كبير عشان نستفيد منه أكثر مع المرتبة والمفرش
وكرسي السيارة
والملابس
بانيو صغير ومناشف
أما الأشياء الخاصة والنظافة مثل الحفاضات والشامبو والصابون والكريمات بتركها للأخير

[ديسمبرية]

أنا بخلي التجهيز على زوجي

جهزت للبيبي اللي قبل وولدت بدري وتوفت على ٢٧ أسبوع

وعندي كل أغراضها جديده بستخدمهم إذا ربي أكرمني بهذا البيبي

لأن حتى حملي هذا مهدد بالولادة المبكرة بسبب الزلال لأن عندي نسبة زلال بالبول

ودي أجهز مثل باقي النسوان وأفرح بس المؤمن لا يلدغ من جحر مرتين

ياما طلعت ملابس البيبي اللي قبل وجلست أبكي عليهم

فما ودي أكرر التجربة ثاني

أهم شيء أشوفه بالسلامه

[أنوار الولاية]

أنا بخلي التجهيز على زوجي

جهزت للبيبي اللي قبل وولدت بدري وتوفت على 27 أسبوع

وعندي كل أغراضها جديده بستخدمهم إذا ربي أكرمني بهذا البيبي

لأن حتى حملي هذا مهدد بالولادة المبكرة بسبب الزلال لأن عندي نسبة زلال بالبول

ودي أجهز مثل باقي النسوان وأفرح بس المؤمن لا يلدغ من جحر مرتين

ياما طلعت ملابس البيبي اللي قبل وجلست أبكي عليهم

فما ودي أكرر التجربة ثاني

أهم شيء أشوفه بالسلامه

حبيبتي الله يعوضك إن شاء الله

اقرأي آية الكرسي وانتي حاطه ايدك على بطنك اكبر عدد ممكن

واذا تقدري تقرأي سورة البقره فهي مفعولها اقوى

الله يحفظ جنينك وتفرحي بيه يارب

[أم حمودي وعبودي]

ما تشوفي شر ديسمبرية

أنا طلع لي زلال في البول +2 بعد اسبوعين عدت التحليل وكان +1 وبعد اسبوع كان طبيعي
يعني ممكن ينزل
بس أهم شي ما يكون زلال مع ضغط
حاولي تشربي سوائل وتشوفي إذا عندك إلتهاب
ويا رب تجهزي للنونو مع زوجك

[أم حمودي وعبودي]

وأخيرا شرينا سرير النونو مع المرتبه
باقي نشتري المفارش ويصير السرير جاهز

[أنوار الولاية]

وأخيرا شرينا سرير النونو مع المرتبه
باقي نشتري المفارش ويصير السرير جاهز


ألف الف مبروووك ويارب يتمم حملك على خير

البارحة حلمت اني بروح السوق اشتري وكنت محتارة ويش اخذ لأني ماعرف جنس الجنين ههههه

إن شاء الله اذا كملت الشهر السادس او نهايته على طول بطير اجهز لي

ام حمودي كتبي في النت تجهيزات المواليد الجدد حتى ما تنسي شي ، واذا انت ساكنة في شقة في الغالب تكون بارده اخذي ثياب مسكره للقدمين لان الاطفال بسرعه يبردوا وافضل لهم حمايه لهم جسمهم صغير واخذي نصايح من اخواتج بعد

[وظني بك ياربي جميل]

ان شاءالله على خير يارب بدايه التاسع كذا عشان اقدر امشي براحتي
اخاف اكثر مشي هذه الفتره .. وان شاءالله يمديني

[أم حمودي وعبودي]

أنور الولايه
حلو الحلم هههههه من كثر التفكير
أنا قلت في بداية السادس أبدا التجهيزات بس عشان في تخفيضات على الأسرة قلت فرصه

وظني بك يا رب جميل
صعبه تجهزي كل الحاجات في التاسع يمكن ما يمدي لأن البعض تكون ولادتهم في بداية الشهر
كل اسبوع روحي محل واحد أو محلين جنب بعض إذا خايفه من المشي

[أنوار الولاية]

اييي اختي صعب كل شي لنهاية الاشهر
حتى الثامن صعب تكونين ما تقدري تمشي فتره طويله

والتجهيز ما يبي ليه يوم او يومين استغلي موسم التخفيضات

الحين سنتر بوينت عندهم تنزيلات لكن بعده وقت على التجهيز انا في نصف الرابع

إن شاء الله يجي موسم تنزيلات غيره واروح لان الي بنشتريهم كمية فالتنزيلات افضل وأوفر

[υм вtℓαα]

الله يتمملكم على خير يارب وتكمل فرحتكم
وترزق اخواتي المنتظرات