رأس الطفل!

[تمنيتك بأحلامي]

السلام عليكم والرحمة
في موضوع شاغلني
او بالاصح هو شاغل اهل زوجي وبسبب تكرارهم لهالموضوع صار شاغلني
اللي هو راس الطفل من الخلف
ولدي قريب يكمل 3 شهور ربي يحفظه
ومن ولدته وهو من الخلف بالراس طالع
يعني عنده زي الجمجمة على قولتهم
وام زوجي كل مااروح لها تزن علي لازم يتعدل راسه
نوميه عالارض او خليه عالسرير وحطي تحت راسه قطعة من كرتون الماي
وانا مستحيل انومه عالارض بشقتي لان كلها حشرات
اليوم حطيت كرتون تحت راسه وكسر خاطري مو عارف ينام مو مرتاح
وقالوا لي لو كمل 4 شهور وماتعدل راسه ماراح يتعدل طول عمره

ومع ان ولد اختي كان نفسه لمن كان صغير واختي جربت كلشي
حتى كتاب حطت تحت راسه ولا تغير
والحين ماشاء الله صار رجال بالمتوسط ومااشوف راسه فيه شي ولايختلف عن أي احد

عطوني رايكم واللي ولدها كان نفس ولدي شنو سوت معاه؟

[حياتي توأمي]

وعليكم السلام يا اختي

عزيزتي الولد مايعيبه شيء وبعدين في مخدات خاصة لراس البيبي أستكفي فيها هاتيها وحطيها تحت راسه لاتحطي اشياء ثانيه ومع مرور الوقت بيتعدل لحاله اذا كان راسه بحدود الطبيعي

الله يحفظه لك

[تمنيتك بأحلامي]

مشكوورة حياتي توأمي
زين نبهتيني عالمخدات
اشوفهم بالسوق بس ولا مرة اشتريت منهم
ان شاء الله هاليومين بطلع واشتريهم

[حياتي توأمي]

موفقة عزيزتي

[NoNa roze]

ما قصرت حياتووووو

[أم حمودي وعبودي]

بصراحة ما فهمت

يعني الولد راسه مكور من ورا وانتوا حابين يصير مسطح ؟!!

[تمنيتك بأحلامي]

ام حمودي وعبودي
أي هو مكور بس هم يبونه مسطح ><

[أم حمودي وعبودي]

خلوه مكور هذا الشكل الطبيعي
بس بعض الأطفال يصير مسطح بسبب كثر النوم على الظهر ولأن عظامهم لينة زيادة

[تمنيتك بأحلامي]

أي ولدي ماانومه الا على ظهره وهو يلف راسه عاليمين
وصار جهة مسطح وجه مكور خخخخخخ
طول الأسبوع اللي فات ماانومه الا على كرتونه ولا جاب نتيجة
صاير جهة وجهة لذلك خلاص بوقف هالكرتونة وانومه عالمخدة
وادري بيقولون رجعي استخدميها >_>
بس بطنش لاهو راسهم ولا هم اللي بيتعورون من النومة عالكرتونة

[jojo 123456]

انتي استشيري طبيب اطفال اذا قلك ان شكل راسه عاادي ما عليك بكلامهم واذا حجمه مو طبيعي الدكتور رح يخبرك بلي لازم تعمليه

[غصن البان.]

حبيبتي انتي حرام تنيميه ع كرتونة وكتاب وور انتي بس كل مرة نايمه ع جهة والبيبي لحد ثمان شهور وأكتر بيتعمل راسه غلا تهتمي احكي الناس

[تمنيتك بأحلامي]

شكرا لكل من رد على كلامي
وقت اللي كنت انومه عالكرتونة ام زوجي زارتني
وقالت راسه بدا يتعدل ><
بس حسيته تعب وبطلت انومه عليها
والحين ماشاء الله بيكمل 5 شهور ومااشوف فيه أي شي وراسه طبيعي
حتى جدته قالت تغير عن قبل>>ماادري كيف كانوا يشوفونه قبل

[ab!r]

والله ولدي كان مسطح بشكل مو طبيعي كل من يشوفه يلاحظ وبعد ماكمل السنه صار طبيعي لوحده بدون تدخل وهو الان عخره سنتين واربعه شهور طبيعي وعادي

[Faith]

وعليكم السلام
اهل زوجك مكبرين الموضوع
انتي الأم وادرى بوضع طفلك
اذا شايفته طبيعي طنشي بلا كرتون وكلام فاضي
انا بنتي زي كذا راسها منقا ههههههه لانه تنام ع بطنها كثير
بس مو مشوه لا عادي وبحاول انومها ع ظهرها بس ماترتاح اغلب شي ع بطنها
يعني ماعليكي خلي ولدك ينام بالطريقه اللي تريحه