مشكلة الالتهابات الحادة و التهاب في الكلى و صديد في فترة الحمل

[حبيبت زوجهاm]

السلام عليكم ورحمة الله وبركاته

بنات انا حيل موسوسه وذبحني تفكير من اول ماحملت هذا اول حمل لي جربت الوحام الي حيل تعبني ورهقني وضايعه من كثر الكلام عن الحمل ولاتكلين الحبوب هذا وجربي هذا طبعا سويت تحليل كامل طلع عندي التهابات حاده في الكلى وصديد وعطتني مضااااد حيوي وسألت بعض الحريم الي قال عادي واكثر الحريم قال لاتاكلينه يسبب تشوهات في طفل انا تعبااااااااانه منه كل فتره وفتره اتالم وتعذب ورحت عند دكتوره وقالت لازم تاكلين المضاد الحيوي علشان مايسبب لك بعدين تتعطل للكلى 3 مرات في اليوم انا اكل حبه في اليوم لي خمس ايام اكله خايفه ابي رايكم في الموضوع

لكم ودي

[نبض الشوووق]

حبيبتي
انا من حملت وانا عندي التهاب وكل شهر مضاد في حملي الاولي واحيانا اترك العلاج وصار لي ولدت مبكر والحين نفس شي معاي الالتهاب بس الحمداله احسن من الاول وان شالله اتمم لشهر التاسع

[حبيبت زوجهاm]

الله يخليهم لك قلبي بس انا وصفته لي 3 مرات بليوم وخفت قلت اكله مره في اليوم مدري الله يستر

[ام اسكندر]

انا نفس الشي لمن كنت في الشهر الخامس وصفتلي الدكتورة مضاد من النوع الخفيف
وقالت اخذ منه 3 حبوب باليوم
بس خفت وما كنت اشرب غير حبة في اليوم
وما كملت غير شريط
ولمن اروح اعاين عند دكاترة غيرها يقولولي عادي لانه من النوع الخفيف

ان شاء الله مايضرك غاليتي
انتي داومي عليه لان فايدته اكثر من ضرره

[**سماسم**]

يالغاليه لاتخافين توكلي على الله وأخذي المضاد لو بيضر صدقيني ما كتبته لج الدكتوره ..
وحاولي تكثرين من شرب الماء لانه يعتبر نص العلاج ..
وربي يسهل عليج ويقومج بالسلامة
,,

[حبيبت زوجهاm]

لبيييييه الله يجزاكم الف خير طمنتوني حييل وربي ماتتخيلون كيف نفسيتي

الف الف الف الف شكر لكم واتمناء لي جربته تقولي وترحيني اكثر

اسعدني تواجدكم في صفحتي

دمتم بخير

[رذاذ عطر]

عادي حبيبتي انا من السادس والصديد ذابحني بس كنت اخذ مضاد حيوي امن مع الحمل وعلى كذه رجع لي الصديد مره ثانيه وانا الحين في الثامن جاتني اعراض ولاده مبكره من شدة الصديد واستخدمت المضاد مره ثانيه على فكره لازم تلتزمي بالعلاج يعني كل 12ساعه لمدة اسبوع علشان المضاد ياخذ مفعوله وكثري من شرب المويه والله يعيننا ويسهل ولادتنا على خير

[مضيعة]

.
.

يا قلبي لا تخافين انا اخذت المضاد وكان كل 8 ساعات ودام صرفته لك الدكتوره خذيه اكيد ماراح يسبب تشوه ,, وانا لو منك ما كنت راح افكر ابد وبآخذه لان الالتهاب يسبب اجهاض , وحتى لو جا وقت الولادة والحامل عندها التهاب ما يولدونها طبيعي تولد قيصري لان الجنين وقت خروجه يتضرر من الالتهابات بالرحم ,, واذا كنت خايف بالمررره ومأثر عليك كلام الحريم فخذي الحبوب للصيدلي يشوفها او اطلبيه الوصفه و اقريها وراح تشوف التأثيرات الجانبية .. ربي يشفيك ويتمم لك حملك ع خير ..


وبالتوفيق

[حبيبت زوجهاm]

الله يجزاكم الف خير ياخواتي من جد كنت محتااااجه لنصايحكم

الله يعطيكم العافيه

دمتم بحسني حال

[حبيبت زوجهاm]

بنات في بنات خوفوني ع المضااد وانا خلاااص تعبت من تفكير اتمناء تريحوني وربي تعبت اخاف من تشوهات

[سوسو *$*]

حبيبتي ادا صرفتة الدكتورة ان شاء الله مامنه ضرر واشربي حبيبتي موية كثيييييييييييييير وخاصة موية زمزم وماتشوفين شر ياالغا لية

[مريوومة]

الله يشفيك آختي انصحك بشرب التوت البري ممتاز عن الالتهاب البول ألله يعزك والكلى وطعمه كآنه دواء بس ازين لتس من الادويه الله يتمم لك بخير ياارب ...^^

[ام يعقوب]

عادي ياقلبي ..
انا جاني التهاب شديد نسبته 100%
وصرفتلي دكتورتي مضادات
واحد كل 8 ساعات والثاني مطهر كل 12 ساعه
واستمريت عليه والحمد لله خف الالتهاب
بس اهم شي كثري المااي ..
لان الالتهاب مراح يخلي الخياطه تخيط اذا ولدتي ..
وعسى الله يرزقنا بالطفل الصالح المعافى
ويارب اولد من غير طلق صناعي ولا عمليه يارب ..

[دلوعة فهد]

اذا خايفه من الحبوب اشربي حلبه تراها زينه للألتهابات والصديد

انا صار لي كذا وعطتني مضاد بس مو حبوب إبره وضربتها مره وانا ماودي أكثر في الأدويه حيل

قلت له بشرب حلبه لأنها زينه للألتهابات وأنا مجربتها بداية زواجي جاتني التهابات وشربتها وخفيت كثيرررررر الحمدلله قالت لي مو مشكله والحين اانا على الحلبه

[فرقد النور]

اهم شئ راي الدكتورة ومافي دكتورة تكتب لك دواء مضر
اكيد هي شايفة ان الالتهاب شديد وربما يسبب لك فشل في الكلى لا سمح الله
اني جاني التهاب في البول واعطتني مضاد والحمد لله بنتي مافيها الا العافية وصار عمرها 9 سنوات ومثل القمر
توكلي على الله واشربيه بانتظام وبعد فترة العلاج اعيدي التحليل وكثري من الماء من 2لتر ال 3لتر طوال اليوم خصوصا على الريق