طلبتكم طلبه تساعدوني

[ام سليماني]

السلام عليكم ورحمة الله وبركاته


انا اول مره اكتب بهذا المنتدى وانا ضيفه جديده عندكم


حبيت اقولكم عن حالتي وانتوا افيدوني

انا باقي على دورتي خمس ايام

وقبل اسبوع رحت للدكتوره وقلت لها ان اخر دوره جاتني غريبه علي
رابع يوم من دورتي جاني الدم بني واستمر معي لين اليوم السابع
وهذي الحاله اول مره تحصل لي

قالت لي الدكتوره انها شاكه اني حامل
وعملت لي تحليل دم وبول اعزكم الله وما اتضح شي وعملت لي سونار
وقالت لي ماراح يبين عندي شيء الان بس شاكه بوجود حمل لانها تقول الدوم البني هذا شككها بوجود حمل

وعطتني كريم افوسين 2%كريم مههبلي معي بكتيريا بسيطه وغسول ومضاد حيوي

انا الان فيني الم بصدري يروح ويجي واحس انه كبير اشوي عن العاده

والان احس الم برحمي

ساعدوني باجاباتكم

دورتي تجيني تاريخ 5

وهل اجرب تحليل المنزلي بكره ؟

افيدوووووووووووووووووووووووووووووووووووني نخيتكم(((hwaml13

[rose]

انصحك التحليل تعمليه بعد فوات الدورة بكم يوم
لانه ماراح يبين لو في حمل

[ام سليماني]

روز بس هل تتوقعين اكو حمل ولا ماكو

[rose]

شوفي ماقدر اجزم
بس لو انت متزوجة قريب ترى وارد جدا تتغير دورتك وتتغير
واحيانا تقل او تكثف
بس لو متزوجة من فترة طويلة فوق السنة
وكل شي سليييييييييييم صراحة اعتقد لو عدت يوم فهو حمل باذن الله
شوفي الدكتورة ماعرفت لان تجمع الدم ماراح يبينلها هل هذا دم خاص بالحمل او الكيس او انه تجمع دورة فاهمة لذلك قالت تعالي بعد فوات الدورة
وربي يرزقك بالذرية الصالحة ياااااااااااااااااااااااااااااارب

[ام سليماني]

روز انا توجت من شهرين بس

والله يستجيب دعائك لي يارب

[أم بيسان]

ان شاء الله تكوني حامل
بس ما دامك متزوجة قريب ممكن يحصل كذا بالدورة عشان خربطة الهرمونات
انتي انسي وحطي في بالك انو الدورة بتجي واقنعي نفسك
و لا تعملي تحليل ذا الحين صدقيني بتتحطمي ع الفاضي
كلهم 5 ايام صبري نفسك واطلعي واتمشي عشان ماتفكري

وان شاء الله يارب حامل

[ألماس]

الله يرزقك يارب ِِِِوالدم البني دايم يصير لي بس ماكو حمل ِِِبس دامك جديده ِِِممكن تغير بدورتك وممكن حمل فنتظري فواتها لو يومين وسوي تحليل اما اللحين ماراح يبين حتى لو كنتي حاملِِِ

[rose]

لا ياقلبي دوبك عروووووسة كتكوتة وارد اختلاف الدورة وكثافتها ولونها
بس يااااااااااااااارب يجبر خاطرك ويطلع شك الدكتورة بمحله
اهم شي لاتجيبي التحليل المنزلي الا بعد فوات دورتك

[آلهنوف آلشمري]

ان شاء الله حامل خلي يفوت موعد الدوره وحللي دم

[ام سليماني]

الله يسمع منكم يارب
انا ودي احمل وماودي لكن الي كاتبه ربي بيصير

انا ابي افرح زوجي لانه اول ولد يتزوج فيهم وماعندهم غيره

ادعوا لي تكفون
والله يثبت حمل كل وحده ترد علي وتولد بسلامه وتجيب توم اولاد^_^

[أم بيسان]

ان شاء الله يا رب تفرحي زوجك واهله وتطلعي حامل ما في شي بعيد عن الله عز و جل

[ام سليماني]

ااااااااااااااامين يارب يام بيسان والله يسعدك انتي بعد ويرزقك ماتتمنين

[ندى المطر]

ان شاء الله حامل خلي يفوت موعد الدوره وحللي دم

[oOأجامل وأبتسمOo]

جربي تحليل الهرمون الرقمي يبين نسبه الحمل في الدم ومضمون
ويارب تكوني حامل

[شذن]

ممكن يكون لخبطة في الدورة لإني اول ما تزوجت صارت اللخبطة بس لاتتركيها غير منتضمة لإنك بعدين تتعبين حتى تحملين وخذيها مني عن تجربة والله يسر خاطرك

[ام سليماني]

بناااااااااااااااات اليوم جلست من النوم ونزل دم معي ثقيل وغامق وباقي على الدوره خمس ايااااااااااااااااااااااااااااااااااااااااام انا خااايفه خااايفه