مين ولدت عند د منال خرباش في الطب الدولي بجده

[ام هتون123]

السلام عليكم
كيفكم يا احلى حوامل
يا احلى كيوتات

سؤالي عن ولاده الدكتوره منال خرباش في مستشفى الطب الدولي او ما يسمى فتيحي

اعرف الي ولدت عندها طبيعي كيف كانت صبوره والا مستعجله

واهم سؤال
كيف خياطتها من تحت كثير يقولون ما تسوي تجميل
بالله الي جربت ولادتها الطبيعي تقولي

ابغى اتطمن

لاني ما احب اناقل بين الدكتورات

[ام هتون123]

يوه مافيه ولا رد خساره

[ام هتون123]

سبحان الله وبحمده سبحان الله العظيم

[روووح غاليهااا]

انا كنت اراجع عندها كثير مدحولي هي بس ولادة ولدتني الدكتوره هبه خياطتها جدا نظيفه تجميليه طبعا ويدها خفيفه ماتعبتني الغرز ابدا في ولادتي الثانية ولدتني الدكتورة يسرا وبرضو نفس الشي ولااحلى بالنسبة للمراجعات راجعت كمان عند دكتورة سوسن عبد الدايم كانت جدا كويسه وتعطيك نصايح كل ماتحتاجيها تحصليها وتعطيكي رقمها تتواصلي معاها بس انا ماارتحت الا عند دكتوره هبه كبيره في السن شويه وتحسي عندها خبره اكثر ووجهها بشوش بس تبتسم بوجهك وتضحك معاكي

[sara2016]

ماجربت منال بس عن بحثي عنها يمدحوها فالولاده بس خلقها ضيق وماتدي المريض حقه أثناء المراجعات
جربت هبه سليمان ااااه ماشاءالله عليها حبيتها قمه فالأخلاق عسل حبيتها من اول مراجعه بس للأسف شكلي حبطل أولد ففتيحي والسبب انهم مطلعين قرار انو اي وحده والده قيصري مايولدوها غير قيصري ومايحاول يدوها فرصه للطبيعي بالنسبه ليا حملي الأول طبيعي وتاني قيصري وابغى احاول أولد طبيعي بس قفلتها بوجهي وقالت قانون المستشفى ومااقدر اعملك شي

[تيم الأحمدي]

اللي ولدتني الدكتوره المناوبه اسمها سحر والله يسهلك