ما هو رأيكم في أفضل المستشفيات الخاصة بالرياض

[sada]

ما هو رأيكم في أفضل المستشفيات الخاصة بالرياض
ما هو رأيكم في أفضل المستشفيات الخاصة بالرياض


السلام عليكم ورحمة الله و بركاته ...
بالبداية أنا حامل في بداية الشهر الثاني و لله الحمد ...
زوجي كان يبي يحجز لي بمستشفى الحبيب فرع التخصصي لأنه قريب من بيتنا لكن للأسف الكلام كثر عن مستشفيات الحبيب و كثرة الاخطاء الطبية وماني عارفة بصحة هذا الشيء ...
استفساري ما هو رأيكم في أفضل المستشفيات الخاصة بالرياض بما فيها مستشفى الحبيب التي تقدم برامج خاصة لمتابعة الحمل و الولادة وكم أسعارهم " مع ذكر أسم الطبيبة" ...
طبعاً كان لي تجربة مريرة بمستشفى حكومي وكنت اعاني من اوقات مواعيدهم ومن إهمالهم لدرجة أنه لما جاء موعد الولادة كادوا ما يستقبلوني لكن الحمد لله عدت على خير ... وشكرا

[sada]

مافيه ولا رد :(

[أم حمودي وعبودي]

أتمنى بنات الرياض يشوفوا سؤالك

[sada]

جزاك الله خير
معقولة ولا وحدة اعطتنا رأيها

[أم مـــاريا]

انا بمدينة الامير سلطان الطبيه العسكريه
و المواعيد (مواعيد الحوامل) متقاربه جداً ، وشهرياً بنفس اليوم اللي تدخلين الشهر الجديد من حملك يكون موعدك
تروحين كل شي واضح لك
وتدخلين الموعد باالوقت المحدد ،
و نظراً لأني عندي ولادة مبكره سابقه
هاالحمل الثاني اهتموا فيني بزياده
تحاليل و مثبتات من بداية الحمل
و فيه برنامج تثقيفي
و الدكاتره اللي دخلت عليهم الحمدلله كويسين
وولادات خواتي اللي اكبر مني السابقه كلهم يحطونهم بغرف خاصه (هاالنقطه اذا ابوك او زوجك او احد اهلك باالمستشفى يطلبون لك غرفه خاصه و بسهولة يحطون لك غرفه خاصه )
انا اغلب اهلي شغالين هناك ف عشان كذا حاسسه الامور سهالات ،،

باالنسبه للمستشفيات الخاصه
حملي الاول كنت اتابع بخاص مع العسكري
من خوفنا انا و زوجي قلنا متى مابغينا نتطمن دخلنا عالدكتوره المصريه باالخاص ..
و رحت قبل اليوم اللي ولدت فيه للخاص كنت كل دقيقتين اخش الحمام مثانتي محتاجه تفرغ بزياااده و كنت احسس بثقل زاااايد
المهم سوولي فحوصات و كل شي
قالت لي طفلتك بخير و امورك تمام
بعد مارجعت و نمت
مااصحى الا باالطلق بادي
و اروح المستشفى العسكري الاقي الرحم مفتوح يقولون لي مو من ساعه او ساعتين
اكيد مفتوح من اول


يعني يوم كنت باالخاص وقتها كان مفتووح ولا نبهتني الله يصلحها
و الحمدلله ولدت ولاده مبكره و ماتت طفلتي


تووبه مااروح خاص .. ولا راح انصح بمستشفى خاص حتى لو شفت ظاهرهم كويس

يبون فلوووس .. وماهمهم حالتك
خذت و خذت عاالاشعه و على الفحوصات و لأنها خابره ان ولادتي ماراح تكون عندهم مااهتمت
و طنشت المهم تآخذ مني اكبر قدر ممكن ..

[sada]

جزاكم الله خير

[sada]

طيب شرايكم في الحبيب التخصصي