نبغي تجارب ولادة البحرينيات بمستشفى السلمانية

[أم جعفر]

السلام عليكم ورحمة الله وبركاته
بسم الله الرحمن الرحيم
مرحبا أخواتي بغيت أعرف تجاربكم بالولادة في مستشفى السلماني الطبي ومعاملة الممرضات والمكان وعن الغرف الخاصة والعامة والمتابعه بعد الولاده وغيرها يعني كل ما حصل بولادتكم هناك وإلى وقت ترخيصكم من المستشفى
ولكم جزيل الشكر

[أم حماني]

هلا اختي .. انا صار لي والدة 7 اسابيع .. و ولدت بمستشفى السلمانية .. ولانها اول ولادة لي ما اقدر اقارن بمستشفى ثاني لاني ماجربت .. بس وايد يمدحون معامله مستشفى جدحفص .. بس شي طبيعي تختلف المعامله لانه جدحفص مافيه زحمة والسلمانية وايد ضغط وزحمة .. انا بقولج عن تجربتي معاهم ... انا قالوا لي لاتصارخين ولا تسبين وبيكونون اوكي معاج لانه شي طبيعي اذا بتسبينهم وتطقينهم مابيعاملونج عدل .. انا اصلا مب طبعي اني اسوي جذي لكن في حريم الله يهديهم يسوون جذي وعزج الله حتى التفال يتفلون على الممرضات ويهاوشونهم .. وفي حريم يشتكون انه اللي بالسلمانيه يهدونج بروحج ومال جدحفص مايخلونج والسبب اهوة انه الي تولدج تكون مسئوولة عن كذا حاله بنفس الوقت .. يعني تتابعج وتخليج وتروح تجوف غيرج ااذا شافت وضعج مستقر .. اللي يقهر ساعات اذا كنتي انتي تتألمين وحالتج حاله واتييج ممرضه تسولف ببرود مع رفيجتها عن شي تافه ولا يحسون فيج .. انا صار لي هالموقف مع ممرضه بحرينية بس الهنود للامانه ماسووا جذي .. المهم انا الي كانت اتابعني هنديه .. وانا كنت اتألم واصيح ساعات تحاول تهديني وساعات تقول لي لازم تتحملين الالم ماقدر اعطيج ابره .. وخذتني على قد عقلي وعطتني بندول ههههههههه .. كأني ماكله علوج .. ولما كانت تروح كنت اصرخ اناديها واقول لها لاتخليني بروحي واناديها اتيي توقف يمي شوي وامسك يدها .. بس اشوفها وايد مشغوله ولما اطلب منها اي شي كانت تسويه لي .. ماكانت تطنشني .. يعني بالمختصر انا كنت وايد مسالمة وما اذيتهم .. ويمكن انتي تسمعين كلام وايد لانه اول شي كل ولادة لها ظروف ... والمعامله تختلف من شفت الى شفت ... يعني على حظج يكونون اللي بالشفت حليوين او لا .. وبخصوص الغرف الخاصه طبعا مابتحصلين اول شي بس لانه انا الدكتورة كتبت لي ورقة الادمشن قبل بيومين فقدرت اروح احجز غرفه و من ترقدت حصلت غرفه بس وايد صغيره و راح زوجي حجز لي في الجناح الخاص غرفه وكانوا الي حاجزين قبلي 8 بس ثاني يوم من ولدت حصلت هناك ورحت ومعامله الممرضات بعضهم اوك وبعضهم لا ... وبالاخير .. اكيد معامله جدحفص احسن والولادة هناك اريح نفسيا وهذا كلام اختي لانها ماتحب تولد الا هناك بس انا ماحبيت اروح لانه المستشفى مب نظيف اول شي وانا ماحب المكان لانه تصير وايد مشاكل بذيج المنطقه ... الله يسهل عليج ولادتج ويقومج باالسلامة ان شاء الله

[أم جعفر]

هلا اختي اشكركي على الرد اساسا اني خايفه بس مو حابه اروح إلا السلمانية ما ادري ليش واني اساسا ماطلعت نتيجة الحمل بس قلت نعرف ونستفيد بما ان نحاول الحمل وإن شاء الله اكون حامل وحتى البحرينيات الي معانا بالمنتدى يستفيدون اني بالنسبة لي الغرفة الخاصة مهمه حتى ناخذ راحتنا والي يزورنا بعد يرتاح يا الله الله يسهل حزتها يارب
الله يخلي ليش حماني ويحفظه من كل شر بحق الصلاة على محمد وآل محمد

[آية الهدى]

ماشاء الله ام جعفر تخططين وين بتولدين و انتي لسى ما عرفتي انك حامل

[أم جعفر]

هلا أختي آية الهدى إذا اني اتعالج للحمل وممكن نهاية 11 تطلع نتيجة الحمل فبفكر طبيعي بالحمل ومراحله والولاده لأن ما في أصعب من طلاع روح من روح
وأشكرك على الرد

[أم جعفر]

ما أحد عند خبرة عن الموضوع يا الله يوفق الجميع

[شمس الصباح]

هلا اختي ام جعفر الله يرزقش بالذرية الصالحة

عن نفسي انا ولدت في جدحفص لان قريب وثاني شي يهتمون بالوحده وان شاء الله هالمرة بولد في جدحفص

[أم جعفر]

هلا خيو تقومين بالسلامه يارب بس كله احس ان جدحفص قديم وموحش المستشفى وعلى الله اشكرك على الرد