قصتي مع تحليل الدم:(

[أرنوبة]

كيفكم يا حلوات
حبيت أخبركم اش صار معي
أنا طبعا حكايتي حكاية مع تحليل الدم
في الاول مو واضح وقالوا لي عيديه، وعدته يوم الاربعاء يعني امس وسويت تحليل دم هرموني ب 400 ريال وطلعت النسبة 5.0 = 50
ويوم قال لي الدكتور نعيد التحليل بعد يومين بغيت أذبحه
المهم من البارح يعني الاربعاء بالليل نزل علي دم والظاهر انه اجهاض
الحمد لله على كل حال كان ودي يكمل حملي بس الحمد لله

[hnen]

حبيبتي ليش ما تروحين عند الدكتورة يمكن تعطيك مثبتات
وبعدين سعر التحليل غااالي مره أنا كنت أحلل الهرمون بـ 150ريااال فقط

[أرنوبة]

المشكلة يا قلبي ان الدم نزل علي من الليل وعلى الصبح صار كثير وبقطع وانتي بكرامة
وبالنسبة لسعر التحليل انا اول مرة اسويه صراحة وزوجي كان ناوي يعيده لي
بس اتوقع البي بي نزل الحمد لله
يا رب يعوضني الشهر الجاي وكل من تتمنى

[عواطف الليل]

ارنووبه

مااقدر اقوووول

الا ربي يجيرك في مصيبتك ويعوضك خير ياارب


لعلها خيره

نسال الله الرحمه والرزق يااارب عفوك

[قمر بنت راشد]

الله يعوضك يارب باللي يريح قلبك

اهم شي الحمدلله على سلامتك اكيد حكمه من رب العالمين

وبالنسبه للتحليل انا اول مره اسويه وادري اني مو حامل بس الدكتوره كانت تبي تتاكد لان الدوره كانت بس يومين وكان ب 100 ريال بس (10 دينار) تحليل دم رقمي

والله يرزقك ياااااااااااااااااااااااااااااااااااارب الشهر الجاي يارب وانا ويااااااااك وكل اللي يتمنون يارب

[هدوء انثى]

ليه ع طول قلتي اجهاض
وليه مو دوره مثلا
ولو كان اجهاض ليه الى الان تخلين الوضع طبيعي روحي المستشفى وشوفي وش السالفه ولاتبنيها ع توقعات

[أرنوبة]

أختي عواطف الليل
اللهم آمين
وربي يسعدك على تواجدك وردك الحلو

أختي قمر بنت راشد
الله يسلمك يا قلبي
ومشكورة على ردك وأسعدني تواجدك

أختي هدوء أنثى
أنا سويت تحليل للدم أول مرة وقالوا لي حامل
وبعدين كلمتني دكتورة ثانية وقالت لي الخط الثاني خفيف
سويه مرة ثانية عشان نتأكد هي خافت يمكن يكون حمل ضعيف
و الظاهر إنه صدق ظنها الحمد لله على كل حال
وأنا كلمت الدكتورة وقلت لها على اللي نزل معي قالت لي مايحتاج تنظيف
لأنه في بداية الحمل عشان كذا صرت آخذ زهورات بالبيت تنظف بطني
والحمد لله على كل حال

الله يسعد كل اللي ردوا على موضوعي وكل من دعى لي برده أو بظهر الغيب:)

[ام سالم...]

عسى ربي يرزقك ويرزق بالحمل الثابت السليم
والله يعوضك يارب

[أم أبنائي]

الحمدلله على سلامتك وعسى ربي يرزقك الحمل السليم الثابت وأكثري أختي من الأستغفار

[سموة المشاعر]

الحمدلله ع سلامتج
الله يرزقج االحمل السليم الثابت يارب العالمين ويرزقنا يارب

[ام سيد علي]

عسى ربي يرزقك ويرزق بالحمل الثابت السليم
والله يعوضك يارب

[اناهيد]

السلام عليكم ورحمة الله وبركاته
ربي يعوضك خير ان شاء الله وتفرحي قريبا بحمل ثابت وكل من يقول امين