حبايبي ردوا علي [الأرشيف] - منتديات حوامل النسائية

البر الامن

11-04-2010, 07:28 AM

السلام عليكم ورحمة الله وبركاته
أخواتي اطلب منكم المشورة متى يبدأ اعراض الطلق الخفيف
انا دخلت التاسع لي يومين وانا بكرية ما احس باعراض الطلق اللي يقولوا عليها بس تجيني نفس الالام اللي من اول
وهل معنى هذا اني ما رح اول بدري
اللي تعرف شيء تقولي انا محتاجة لردودكم
ومشكورين

ام حكوم

11-04-2010, 08:46 AM

اخر اسبوعين تجيوتروح وتري كل حرمه تختلف فيه حريم الطلق وبعدها ولاده ع طول ماشالله

حجازيه

11-04-2010, 10:18 AM

مو شرط ياقلبي

هاذا انا بولدي الأول ماكنت أحس بأي ألم فجئه كذا جى ألم بسيط رحت طلع مفتوح 7 سم ولاده ع طول ,, الله يسهلك لاتخافي عادي

عذب الجوارح

11-04-2010, 01:49 PM

صحيح حبيبتي كل وحدة تختلف عن الثانية وكل ولادة ظروفها غير سبحان الله بس المعروف عموما إن البكرية تتأخر وتاخذ الشهر التاسع كامل وزيادة فبعض الأحيان والألم أغلبه يكون مفاجئ

ام البدرين

11-04-2010, 02:59 PM

اصبري ياقلبي
المهم انك دخلتي التاسع وبما انك دخلتي التاسع الحمدلله مابقى شي تحري الولاده باي وقت
ومو ضروري البكريه تاخذ التاسع هذي المقوله مو اكيده انا وعماتنا واغلب البنات اللي اعرفهم خذنا بس اسبوعين من التاسع
يعني جهزي نفسك باي وقت
اولا يمكن ينفتح كيس المويه
ثانيا يجيك طلق يبدأ خفيف ويبدا يزيد مثل الم الدورة بس اقوى والم بالظهر
ثالثا يمكن تلاحظين افرازات لونها اصفر مخلوطه بدم
اهم شي لا تخافين وتشدين اعصابك هالفتره وحاولي تسترخي وتستعدي وكلي تمر وامشي
ربي يسهل ويهون علينا ويرزقنا العطاء الصالح السليم المعافى ويرزقك كل المحرومين اللهم امين

abra

11-04-2010, 05:07 PM

حبيبتي انااا بكريه
وحاامل في شهري التااسع وهذا انا مااشية في بداية الاسبوع الثاني ولااحسيت بأي شي للحين بعد

البر الامن

03-16-2011, 01:36 AM

ابشركم ولدت في نفس اليوم اللي حددته الدكتورة الحمد لله طبيعي
بس احب اقول للبكريات اللي زيي انه يمكن في الاسبوع الثاني او الاول ما اتذكر من التاسع صارت احيانا تجيني الالام فجاة بس مو طلق
الى نهاية التاسع وبعدين نزلت علي موية وبعدين جاني الطلق الحقيقي
والله يسهل ع الجميع

أإأم ع‘ـــزُوـوزُ

03-16-2011, 03:09 AM

نفس الشي أنـآ بكريه وخلصت التاسع كله ولآ حسيت بشي أبد ودخلت العـآشر وقبل الولآلآده ب3 ساعات حسيت بالطلق بس ...